Колоссадағыларға 3:15 - Наа Молҷағ

¹⁵ Худайның пирчеткен амыры сірернің чӱрееңерні устазын. Ағаа сірер, пір ит-ханнығ пол парып, хығыртылғазар. Алғыстығ полыңар.

Колоссадағыларға 3:15 Referans Kwoze

Иоанн 14:27

Чӱрееңерде амырны халғысчам, Позымның амыр чӱреемні сірерге пирчем. Мин, чир-чалбах пирчеткен чіли, пирбинчем. Сағыссырабаңар паза хорыхпаңар!

Римдегілерге 15:13

Ізеніс пирчеткен Худай, тізең, сірерні киртіністеріңнің пастыра пар-чох ӧрініснең паза амырнаң толдыр салзын. Худай Худының кӱзінең ізеністерің кӧптеліп одырзын.

1 Фессалониктегілерге 5:18

прай нименің ӱчӱн алғаңар: Христос Иисусха киртінчеткен ползаңар, Худайның сірерге андағ кӧңні.

Римдегілерге 5:1

Піс киртінізібіс пастыра ахтанып алғаныбыста, Хан-пигібіс Иисус Христостаң пастыра Худайнаң ынағ пол парғабыс.

Колоссадағыларға 3:17

Ниме дее итчетсеңер, чоохтапчатсаңар, Хан-пигібіс Иисус Христостың адынаң итчедіңер. Аның пастыра Худай Пабабысты алғаңар.

Иоанн 16:33

Мыны сірерге Миннең амырны алзыннар тіп чоохтадым. Чир-чалбахта сірерні чобағ сахтапча, че пик тудыныңар: Мин пу чир-чалбахты чиңіп алдым.

Ефестегілерге 5:20

Прай ниме ӱчӱн Худай Пабаны Хан-пигібіс Иисус Христостың адынаң хаҷан даа алғыстап турыңар.

2 Коринфтегілерге 9:11

Піс харанмин сыйыхтир ӱчӱн, Худай пісті хаҷан даа пайыдар. Аның сылтаанда, кӧп кізі пістең алған сыйыхтары ӱчӱн Аны алғыстир.

Ефестегілерге 4:4

Пар пір ит-хан паза пір Хут, сах ідӧк Худай сірерні хығырған пір ізеніс,

Римдегілерге 14:17

Худайның хан-ӱлгӱзі ас-суғ нимес нооза. Че ол ах сағыс, амыр чуртас паза Худай Худынаң пирілген ӧрініс.

1 Тимофейге 2:1

Ам сурынчам сірердең иң пурнада прай кізілернің ӱчӱн алданарға, пазырарға, чӧрінерге паза алғирға.

Колоссадағыларға 2:7

Христоста тамырларыңны салыңар, Анда постарыңны пӱдіріңер. Киртіністе, сірерні ӱгреткен хоостырох, пик турыңар. Чӱректерің алғыстасха толынзын.

Ефестегілерге 5:1

Сірер Худайның хынчатхан палалары полчазар, аннаңар Ағаа тӧӧй поларға кӱстеніңер.

2 Коринфтегілерге 4:15

Прай пу ниме сірерге туза. Худайның паарсазы кӧптең кӧп кізее читче. Худай сабланар ӱчӱн, олар Аны улам кӧп алғыстапчалар.

Азых чоох 7:12

Аминь! Алғас паза сабланыс! Піліс паза алғыс! Аарлас, ӱлгӱ паза кӱс пістің Худайыбыста хаҷан даа ползын! Аминь! –

Ефестегілерге 4:16

Ол пу ит-ханның ал-алынҷа чардыхтарын прай піріктір салча. Аның чардыхтары, пик палғалыс парып, полған на чардых позының тоғызын толдырчатса, прай ит-хан даа, ӧзіп, хыныста тиліпче.

Колоссадағыларға 1:12

Пісті чарыхта ах-арығларның ӱлӱзін аларға хығырған Худайны паза Пабаны алғап турыңар.

Еврейлерге 13:15

Иисустың пастыра Худайны сыбыра сабландырааңар. Піс Худайның адын саблирбыс. Анзы аастаң сыххан пістің тайиибыс полар.

1 Коринфтегілерге 7:15

Киртініс чох кізі, чарылызарға идібіссе, чарылыссын. Харындас алай пиҷе андағ киректе палғалых ниместер: Хан-пиг ынағ поларға хығыртхан пісті.

Римдегілерге 1:21

Олар, Худайны піліп алған даа ползалар, Аны Худайны чіли саблабааннар, алғыстабааннар. Аның орнына тик чоохтарға салынғаннар. Оларның алығ чӱректерін харасхы пас парған.

1 Коринфтегілерге 10:17

Халас пір, піс тее, кӧп кізі, пір ит-ханмыс. Пір халаснаң піріктірілчебіс нооза.

1 Тимофейге 6:12

Киртініс ӱчӱн прай кӱзің салын. Мӧгі чуртасха тудын. Син ағаа хығыртылғазың паза аның ӱчӱн кӧп чонның алнында чахсы киречілеезің.