Колоссадағыларға 3:10 - Наа Молҷағ

¹⁰ Сірер наа кізі пол парғазар. Пу наа кізі, Худайны пілгені пастыра нааҷыланып, позының Чайаачызының омазына тӧӧй полып одырча.

Колоссадағыларға 3:10 Referans Kwoze

Римдегілерге 12:2

Пу тилекейнің оңдайынҷа чуртабаңар, че сағыс-кӧгістеріңні нааҷылап, постарыңны алыстырыңар. Андада сірер Худайның кӧңні хайдағ полчатханын сынап аларзар: ниме Ағаа чахсы, чаразых паза кӧңніне толдыра.

Ефестегілерге 2:10

Піс Худайның чайап салған кізілерібіс. Чахсы киректер идерге Иисус Христос пастыра чайалғабыс. Ол киректерні Худай піске, толдырыңар тіп, хас-хаҷанох азынада тимнеп пирген.

Колоссадағыларға 3:12

Аннаңар, Худайның таллаан чоны чіли, ах-арығлар паза хыныстығлар чіли, килістіре тонаныбызыңар: кізее айаачы, чағбан хылыхтығ, пазымнығ, нымзах, тоозылбас тыстаныстығ пол парыңар.

2 Коринфтегілерге 5:17

Ам, тізең, Христоснаң пір полыбысхан кізі наа кізі пол парған. Иргі чуртас ирт парған, прай ниме наа пол парған.

Колоссадағыларға 3:14

Че прай нименің тастына хыныс кибін кизібізіңер – ол чахсының иң артығын піріктірче.

1 Иоанның 2:5

Худайда полчатханыбысты хайди піліп алчабыс? Худайның сӧзін толдырчатхан кізіде Худайға хыныс пӧзиине чит парча. Анзын кӧріп, піліп алчабыс!

Римдегілерге 13:14

Хан-пигібіс Иисус Христос Позы сірерге хуйах ползын. Иді-ханыңардаңар сағыссырасты хыҷыхтаныстарға айландырбаңар.

1 Иоанның 2:3

Худайны пілчеткенібісті хайди піліп алчабыс? Аның чахығларын толдырып.

Римдегілерге 8:29

Худай пурун піл салған кізілерге, Позының Оолғы кӧп харындастарының аразында тун палазы ползын тіп, Позының Оолғына тӧӧй поларға турғыс салған.

Иоанн 17:3

Мӧгі чуртас Сині – чалғыс сын Худайны – паза Син ысхан Иисус Мессий-Христос полчатханын пілчеткені полча.

Азых чоох 21:5

Ӱлгӱ сіреезінде одырчатхан Худай чоохтанған: – Мин прай наа нимелерні чайапчам! Анаң мағаа хосхан: – Пас сал! Пу сӧстер сын паза орта.

Ефестегілерге 2:15

Ікі кізідең Позында пір наа кізіні чайап салар ӱчӱн, Моисей Чахиин, чозахтарын, кибірлерін чох идіп, чоннарны чарастыр салған.

Галат чиріндегілерге 6:15

Христос Иисуснаң хада полза, сӱннетті иттіргеннің алай иттірбееннің пасхазы чоғыл, ӧӧні – наа кізі чайалғаны.

2 Коринфтегілерге 4:6

«Харасхыда чарых ползын» тіп, Худай пістің чӱректерібісті чарыдыбысхан. Іди Ол Иисус Христостың сырайында чарыпчатхан Худайның сабланызын пілерге пирген.

2 Коринфтегілерге 3:18

Піс, тізең, Хан-пигнің сабланызын пӱргелбеен сырайыбыста, кӧріндесте чіли, кӧзітчебіс. Хан-пигнің Худы піске сабланыс пирче. Ол сабланыс пісті, Хан-пиге тӧӧй идіп, алыстырча паза улуғдаң улуғ сабланысха ағылча.

Римдегілерге 13:12

Хараазы ирт парды, кӱнӧрткізі чағдап килді. Че, харасхының киректерін суур тастабызыңар, чарыхтың тиріглерін позыбысха кизіп алааңар.

Галат чиріндегілерге 3:27

Сірер, Христоснаң пір полар ӱчӱн, кіреске тӱзіп, Христос осхас полыбысхазар.

Еврейлерге 6:6

Че олар киртіністерін тастабысханнар. Андағ кізілерні Худайға хатап айландырҷаң оңдай чоғыл. Олар, Худайның Оолғын хатап кіреске хазап, Аны уйатха сухчалар нооза.

Римдегілерге 6:4

Іди піс, кіреске тӱзіп, Анынаң хада ӧл парғабыс. Пісті Аннаң хада чыып салғаннар. Христос Пабазының илбек кӱзінең тірілдіріл парған. Ідӧк піс тее нааҷылал парып чуртирбыс.

2 Коринфтегілерге 4:16

Аннаңар піс кӧңнібісті тӱзірбинчебіс. Пістің иді-ханыбыстың кӱзі хорапчатса даа, худыбыс, тізең, кӱннің сай нааҷылалча.

Филимонға 1:6

Синің киртіністіглернең палғалызың тӱзімніг ползын паза чуртастарыңда пар чахсы нимені сизінерін пирзін тіп пазырчам. Ол піске Христосты сабландырар ӱчӱн пирілген. (Хайдағ даа чахсы нимені оңарарыңда киртініс палғалыстарың тӱзімніг ползыннар. Анзы піске Христостың ӱчӱн пирілген).