Колоссадағыларға 3:1 - Наа Молҷағ

¹ Сірер Христоснаң хада тіріл парған ползар, ӧӧре харазыңар. Анда Христос Худайның оң саринда одырча.

Колоссадағыларға 3:1 Referans Kwoze

Римдегілерге 8:6

Пос кӧңнінҷе полғаны кізіні ӧлімге ағылча. Худай Худы хоостыра полғаны, тізең, чуртасха паза амыр хоныхха ағылча.

Матфей 6:33

Сірер, тізең, аның орнына Худай хан-ӱлгӱзін паза Худайның кӧңні толарын тілеңер, пасхазы, тізең, сірерге хоза пирілер.

Колоссадағыларға 3:2

Чирдегі нимес, ӧӧркідегі нимелердеңер сағынчадыңар.

Матфей 6:20

Че тигірде постарыңа ис-пай чығыңар, анда аны кӧӧ дее, тат таа чібинче, оғырлар даа, кіріп, оғырлап парыбыспинчалар.

Еврейлерге 12:2

Иисусха кӧрееңер. Ол пістің киртінізібісті пастабызып, аны толдыра итче. Аны сағыпчатхан ӧріністі Иисус пілген. Че пастап, Ол уйаттаң хорыхпин, кіресте ирее кӧрген. Амды, тізең, Ол Худайның оң саринда одырча.

Лука 12:33

Сірер, ис-пайыңарны садып, чох кізілерге полызыңар. Постарыңа уурабас хапчығас тимнеп, хорабас ис-пайны тигірде чығыңар. Андар оғыр даа чит полбас, кӧӧ дее аны ардат полбас нооза.

Еврейлерге 1:3

Оолғы – Пабазының сабланызының чарии полып, Аның сын Позының омазы полча. Ол Позының кӱстіг сӧзінең тиксі-тилекейні орнында тутча. Ол, пісті чазыхтарыбыстаң ахтабызып, тигірде илбек Худайның оң саринда одыр салған.

Лука 22:69

Мының соонаң Кізі Оолғы Илбек Худайның оң саринда одырар. –

Колоссадағыларға 2:20

Аннаңар сірер, Христоснаң хада ӧл парып, тилекейнің кӱстерінең позып парғазар. Андағда ноға сірер, пу чарыхта чуртапчатханнар чіли, ӱгредіглерге тудынчазар:

Еврейлерге 8:1

Піс чоохтапчатхан нименің ӧӧні мындағ: тигірде Илбек Худайның оң саринда одырчатхан иң улуғ абызыбыс пар.

Римдегілерге 8:34

Кем чарғылир? Пірдеезі. Христос Иисус ӧл парған, че тіріл парған. Ол Худайның оң саринда одырча паза пістің алныбысты алча.

Еврейлерге 10:12

Христос, тізең, чазыхтар ӱчӱн пір ле тайығ иткен. Аның салған тайии саңайға даа читче. Анзын ит салғанда, Ол Худайның оң саринда одыр салған.

Матфей 26:64

Иисус ағаа піди нандырған: – Син анзын позың чоохтадың, че Мин сірерге прайзыңарға тіпчем: Мының соонда сірер Кізі Оолғын Чайаачының оң саринда одырчатханын паза тигірдегі пулуттарҷа килчеткенін кӧрерзер.

Ефестегілерге 4:10

Кем тӱскен, Олох, прай тилекейні Позынаң толдырыбызар ӱчӱн, тигірдең хай-хай пӧзік ӧӧрлеп парыбысхан.

Марк 14:62

Иисус нандырған: – Йа, Минмін. Сірер Кізі Оолғын Чайаачының оң саринда одырчатханын паза тигірдегі пулуттарҷа килчеткенін кӧрерзер.

Еврейлерге 1:13

Худай ангеллернің пірдеезіне хаҷан даа тібеен: «Синің ыырҷыларыңны азааң алтына сал пирбеенімҷе, Минің оң саримда одыр».

Илҷілернің 2:34

Давид тигірзер ӧӧрлебеен, че ол позы чоохтаан: «Хан Худай Хан-пигіме теен:

Лука 20:42

Давид, тізең, позы Ырлар киндеде чоохтапча: «Ӧӧркі Чайаачы Хан-пигіме теен: „Мин Синің прай ыырҷыларыңны азааң алтына тастаанҷа, мында Минің оң саримда одыр тур“».

Марк 16:19

Іди Хан-пиг пуларнаң чоохтасхан соонда, ӧӧрлебізіп, Худайның оң саринда одыр салған.

Марк 12:36

Давид позы Худай Худы хоостыра сӧлеен, хайза: «Ӧӧркі Чайаачы минің Хан-пигіме чоохтаан: „Мин Синің ыырҷыларыңны азааң алтына тастаанымҷа, Минің оң саримда одыр тур“».

1 Петрның 3:22

Иисус Христос Худайның оң холында одырча. Хаҷан Ол тигірзер ӧӧрлебіскеніңде, Аның чооғын ангеллер паза ӱлгӱлер паза кӱстер ис сыхханнар.

Илҷілернің 7:55

Стефан, тізең, Худай Худынаң тол чӧрібізіп, тигірзер кӧрібіскен, анда ол Худайның сабланызын паза Худайның оң саринда турчатхан Иисусты кӧр салып,

Матфей 22:44

«Хан Худай минің Хан-пигіме теен: „Мин Синің прай ыырҷыларыңны азааң алтына тастаанҷа, мында Минің оң саримда одыр тур“».

Ефестегілерге 5:22

Христос тигірибнің, ит-сӧӧгінің Арачылағҷызы. Ол тигірибнің пазы, сах ідӧк ир кізі ипчізінің пазы полча. Аннаңар ипчілер, ирлеріңнің чооғын, Хан-пигнің чооғын чіли, ис турыңар.