Колоссадағыларға 2:8 - Наа Молҷағ

⁸ Кӧріңер зе, харындастарым, піреезі сірерні хыйға чоохтарынаң, алаахтырыстың тик сӧстерінең, кізілер кибірінең, тилекейні пӱдірчеткен кӱстерінең аптап албазын. Анзы Христостаң нимес.

Колоссадағыларға 2:8 Referans Kwoze

1 Тимофейге 6:20

Че, Тимофей! Сағаа пирілгенні хайраллап хал. «Піліс» теен нименең айғасчатхан паза сағаа тоғырланчатхан кізілернең Худайдаң тоғыр тик таластардаң хыйа пол.

Ефестегілерге 5:6

Сірерні пірдеезі тик-хуруғ сӧстернең алаахтырбазын. Андағ нимелер ӱчӱн чоох испестерге Худайның тарынғаны чидер.

Матфей 7:15

Чой ухаанҷылардаң китеніңер. Тастынаң кӧрзе, олар хойларға тӧӧйлер, че істінең олар пӱӱрлер осхастар!

Галат чиріндегілерге 4:9

Амды Худайны піліп алғазар, алай аннаң артых чоохтаза, Худай сірерні піліп алғанда, ноға хатап пу тилекейнің чазығ, уйан кӱстеріне айланчазар паза постарыңны ағаа хул идін саларға сағынчазар.

Колоссадағыларға 2:20

Аннаңар сірер, Христоснаң хада ӧл парып, тилекейнің кӱстерінең позып парғазар. Андағда ноға сірер, пу чарыхта чуртапчатханнар чіли, ӱгредіглерге тудынчазар:

2 Тимофейге 3:13

Чабаллар, чойлар, тізең, алаахтырып, алаахтыртып, чабалның тӱбіне тӱзерлер.

2 Петрның 3:17

Хынғаннарым! Мыны пілчеткеннеріңде, сизініп одырыңар. Андағда сірер Худай ӱлгӱзіне чарадынминчатхан кізілернің алҷаастарына тартыл парыбыспассар паза пик пілістеріңнең хыйыспассар.

Еврейлерге 13:9

Ӧң-пасха паза пасхаҷыл ӱгредіглерге сірерні сын чолдаң апарыбызарға пирбеңер. Ниме чирге алай чібеске тіп чоохтапчатхан ӱгредіглер нимес, Худай паарсазы чӱректеріңні пик итсін. Андағ ӱгредіглернең айғасчатхан кізілер олардаң пір дее туза албинчалар.

2 Иоанның 1:8

Ниме ӱчӱн тоғынғабыс, аны чідірбин, Худайның сыйиин прай алып алар ӱчӱн, постарыңны сиргек тудыныңар.

Галат чиріндегілерге 4:3

Піс тее ідӧк, олған тузыбыста, пу тилекейні пӱдірчеткен кӱстернің ӱлгӱзінде полғабыс.

2 Коринфтегілерге 10:5

Худайны пілерге тоғыр полчатхан ноо даа кӧкеесімненісті аңдарчабыс. Ноо даа сағысты, кӱснең алып алып, Христостың ӱлгӱзіне кирчебіс.

Колоссадағыларға 2:18

Посты пазынарға, ангеллерге пазырарға хынчатханнарның пірдеезі сірерні аптап албазын. Постары кӧрбеен нимедеңер чоохтап, кізілер постарының хыйғаларынаң махтанысчалар.

1 Петрның 1:18

Ӧбекелердең алған тик чуртастаң позыдыл парғаннарыңны пілчезер: сірернің ӱчӱн уурап парчатхан алтын-кӱмӱснең тӧлелбеен нооза.

Римдегілерге 16:17

Харындастар! Тигіриблерні чарчатхан паза сірер ӱгренген ӱгредігдең чара тартчатхан кізілердең китеніңер, олардаң хыйа полыңар тіп алданчам.

Ефестегілерге 4:20

Че пу – сірернің Христостаңар ӱгренген пілістерің нимес.

Галат чиріндегілерге 1:14

Пістің сӧӧктегі пір кіримнерімнің аразында иудей чозахтарын мин прайзынаң артых толдырғам, ағаларыбыстың чахығларын кӧмес тее хыйыстырбасха кӱстенгем.

Филипптегілерге 3:2

Адай осхастардаң китеніңер, чабал итчеткеннердең китеніңер, сӱннет идерінең китеніңер.

Матфей 16:6

Иисус оларға теен: – Кӧріңер, фарисейлернең саддукейлернің ачытхыларынаң китеніңер. –

Матфей 10:17

Кізілер сірерні чарғаа пир турарлар, синагогаларында сірерні соғарлар, аннаңар олардаң китеніңер.

Колоссадағыларға 2:22

пу чахығларнаң тузаланчатса, олар чох идеріне ағылчалар. (Пу тузаланған хоостыра чох пол парыбысчатхан нимелер). Олар кізі чахығларына паза ӱгредиине тӧстенчелер нооза.

Ефестегілерге 2:2

Хаҷан-да сірер, пу чир ӱстӱндегілернің чабал чолларынҷа парып, чир ӱстӱнде ӱлгӱ тутчатхан кнестің кӧңнінҷе полғазар. Ол ам даа Худайның чооғын испинчеткен кізілерні толғап парча.

Илҷілернің 17:18

Андағы эпикурей паза стоик философтарның хай піреезі Павелнең чоохтасхан. Павел кізілерге Иисустаңар паза Аның тірілгенінеңер Чахсы Хабар искірчеткеннеңер, піреелері чоохтанғаннар: «Ниме тирге сағынча пу хуруғ тіл?» Че пасхалары тееннер: «Ол піске пасха худайлардаңар чоохтапча ба таң».

Илҷілернің 17:32

Ӧлімнең тірілдіріп алчатханын истіп, піреелері кӱлгеннер, пасхалары, тізең, чоохтанғаннар: – Ол нимедеңер сині пірее пасха туста истіп аларбыс.

1 Коринфтегілерге 8:9

Че, сизініңер, сірер постарың пӧкчеткеннерің пик киртініс чохтарға чазыхха кір парарға сылтағ пол парбазын.

1 Коринфтегілерге 10:12

Аннаңар кем турчам тіп сағынча, аңдарыл парбим тіп, сизініп одырзын.

Галат чиріндегілерге 5:15

Кӧріңер, удур-тӧдір киміріспеңер, чииспеңер, пос постарыңны чох ит салҷаң полбаңар.

Колоссадағыларға 2:23

Пу нименің кӧрімі ле хыйға: пос кӧңнінҷе Худайға пазырғаны, посты пазынғаны, ит-ханны илеткені. Че олар кізі хынығыстарын чох идерінде тузазы чохтар.

Еврейлерге 3:12

Харындастар! Чӱректерің чабал, сын нимес полбазын, тіріг Худайыбыстаң хыйа парбазын тіп, сизініңер.