Колоссадағыларға 2:4 - Наа Молҷағ

⁴ Мин піреезі чойырхос чоохтарнаң сірерні аптап албазын тіп анзын чоохтапчам.

Колоссадағыларға 2:4 Referans Kwoze

1 Иоанның 4:1

Хынғаннарым! Чир ӱстӱне кӧп чой ухаанҷылар тарап парған, аннаңар, урунған на кізее киртінмин, сыннаң оларның пастыра Худай Худы чоохтанча ба тіп, сыныхтап турыңар.

Ефестегілерге 4:14

Мыннаң мындар піс хайдағ ла полза ӱгредіг чиліне хаптыр парыбысчатхан алай алаахтырарға кӧнік парған кӧйтіктернің холларына кір парчатхан час палалар чіли полбасха кирекпіс.

Матфей 24:4

Китеніңер! Пірдеезіне алаахтыртпаңар, – нандырған оларға Иисус. –

Марк 13:22

Кӧп чой мессий-христостар паза чой ухаанҷылар сыға саларлар нооза. Худайның таллап алған кізілерін алаахтыр поларлар ба тіп, танығлар паза хайхастар идіп, кӧзідерлер.

Азых чоох 20:8

Олар, чир чалбаана сығып, Худайның чонының турлаан паза Худайның хынчатхан саарын ибірібіскеннер.

2 Тимофейге 3:13

Чабаллар, чойлар, тізең, алаахтырып, алаахтыртып, чабалның тӱбіне тӱзерлер.

2 Тимофейге 2:16

Алығ, тик чоохтардаң оортах чӧр. Ол чоохтарда араласчатханнар Худайдаң ырахтаң ырах ла полып одырарлар.

Ефестегілерге 5:6

Сірерні пірдеезі тик-хуруғ сӧстернең алаахтырбазын. Андағ нимелер ӱчӱн чоох испестерге Худайның тарынғаны чидер.

Илҷілернің 20:30

Сірернің дее араңарда, ӱгренҷілерні постарының соонҷа апарыбызарға полып, саба чоохтанар кізілер табылар.

Азых чоох 20:3

Ол сыр чылан пір муң чыл ирткенҷе чоннарны паза алаахтыр полбазын тіп, ангел аны тӱбі чох чирзер кире тастабысхан. Аны андар чаап салып, таңма турғыс салған. Аның соонда аны ӱр нимеске позыдарға кирек полар.

Азых чоох 13:8

Чир ӱстӱндегі чуртас пічиине аттары пазылбаан прай кізілер ол аңа пазырарлар. Ол чуртас пічии чир ӱстӱ чайалар алнындох пазыл парған паза тайыға салылған Хурағанни полған.

Азых чоох 12:9

Ол илбек сыр чылан – пурунғы чылан полған, аны диавол алай сайтан тіп адапчалар. Прай чир ӱстӱндегі чоннарны алаахтырчатхан сыр чылан позының ангеллерінең хада чирзер тастатхан.

1 Иоанның 2:26

Мыны мин сірерні алаахтырарға итчеткен кізілердеңер пас пирдім.

1 Иоанның 2:18

Палаларым! Тӱгенҷі тус чит килді. Антихрист тилекейге килерінеңер сірер искезер. Амды кӧп антихристтер сых килгеннер, аның хоостыра піс тӱгенҷі тустың чит килгенін пілчебіс.

Колоссадағыларға 2:18

Посты пазынарға, ангеллерге пазырарға хынчатханнарның пірдеезі сірерні аптап албазын. Постары кӧрбеен нимедеңер чоохтап, кізілер постарының хыйғаларынаң махтанысчалар.

Колоссадағыларға 2:8

Кӧріңер зе, харындастарым, піреезі сірерні хыйға чоохтарынаң, алаахтырыстың тик сӧстерінең, кізілер кибірінең, тилекейні пӱдірчеткен кӱстерінең аптап албазын. Анзы Христостаң нимес.

Галат чиріндегілерге 2:4

Анзын харындастарыбыс пол чӧрген кізілер хысханнар. Олар, Иисус Христостың пастыра алған пос чуртазыбысты китирге сыынып алып, пісті пазох хулларға айландыр саларға пӧгінгеннер.

2 Коринфтегілерге 11:3

Че Еваны чылан кӧйтігінең алҷаахтырып алған чіли, сірернің дее сағыстарыңны піреезі сайбап салҷаң полбазын тіп хорыхчам. Христосха постарыңны ачых-чарых паза арығ кӧңніліг чарыдарынаң хыйыс парҷаң полбаңар.

1 Коринфтегілерге 2:4

Сірернің киртінізіңер кізі хыйғазына нимес, че Худай кӱзіне тӧстенер ӱчӱн, минің сӧзім, ӱгредиим кізі хыйғазының киртіндірчеткен сӧстерінде нимес, че Худай Худының кӱзінің киречілепчеткенінде полған.

Матфей 24:24

Кӧп чой мессий-христостар паза чой ухаанҷылар сыға саларлар нооза. Оңдай полза, олар, таллап алған кізілерні дее алаахтырып аларға полып, илбек танығлар паза хайхастар идерлер.

Ефестегілерге 4:17

Аннаңар, Хан-пигібістің адынаң алданып, Худайы чох чоннар чіли, пос оңдайынҷа хылынмаңар тіпчем сірерге.