Колоссадағыларға 2:18 - Наа Молҷағ

¹⁸ Посты пазынарға, ангеллерге пазырарға хынчатханнарның пірдеезі сірерні аптап албазын. Постары кӧрбеен нимедеңер чоохтап, кізілер постарының хыйғаларынаң махтанысчалар.

Колоссадағыларға 2:18 Referans Kwoze

Колоссадағыларға 2:8

Кӧріңер зе, харындастарым, піреезі сірерні хыйға чоохтарынаң, алаахтырыстың тик сӧстерінең, кізілер кибірінең, тилекейні пӱдірчеткен кӱстерінең аптап албазын. Анзы Христостаң нимес.

1 Тимофейге 1:7

Олар, ниме чоохтапчатханнарын даа пілбин, нимее ӱгретчеткеннерін дее оңарбин, Худай чахығларының ӱгретчілері поларға сіренчелер.

Колоссадағыларға 2:23

Пу нименің кӧрімі ле хыйға: пос кӧңнінҷе Худайға пазырғаны, посты пазынғаны, ит-ханны илеткені. Че олар кізі хынығыстарын чох идерінде тузазы чохтар.

1 Тимофейге 4:1

Тӱгенҷі тустарда хайзылары, чой чоохтығ хуттарға, айна ӱгредіглеріне сабылып, киртіністең хыйа парарлар тіп, Худай Худы чарых чоохтапча.

2 Коринфтегілерге 11:3

Че Еваны чылан кӧйтігінең алҷаахтырып алған чіли, сірернің дее сағыстарыңны піреезі сайбап салҷаң полбазын тіп хорыхчам. Христосха постарыңны ачых-чарых паза арығ кӧңніліг чарыдарынаң хыйыс парҷаң полбаңар.

Римдегілерге 1:25

Олар Худайның сынын чойға орназыбысханнар. Чайаачының орнына чайалған нимее пазырғаннар. Чайаачы хаҷан даа алғастығ. Аминь.

Матфей 24:24

Кӧп чой мессий-христостар паза чой ухаанҷылар сыға саларлар нооза. Оңдай полза, олар, таллап алған кізілерні дее алаахтырып аларға полып, илбек танығлар паза хайхастар идерлер.

Азых чоох 3:11

Мин тӱрчедең килербін. Чиңіс танииңарны – венокты, пірдеезі оғырлап парыбыспазын тіп, нинҷе пар нимеңерні пик тудыңар.

1 Иоанның 2:26

Мыны мин сірерні алаахтырарға итчеткен кізілердеңер пас пирдім.

Филипптегілерге 3:14

Мин сыйых аларға кӱстенчем. Ол сыйыхха Худай пісті Христос Иисустың пастыра хығыртхан.

Ефестегілерге 5:6

Сірерні пірдеезі тик-хуруғ сӧстернең алаахтырбазын. Андағ нимелер ӱчӱн чоох испестерге Худайның тарынғаны чидер.

1 Коринфтегілерге 8:1

Пістің прайзыбыстың пілізі пардаңар, піс обааларға тайып салған чиистердеңер пілчебіс. Че піліс кӧкеесімненедір, хыныс, тізең, ӱгредедір.

Азых чоох 19:10

Андада мин, аның азағына тӱзіп, ағаа пазырарға иткем, че ол мағаа теен: – Мыны идерге чарабас! Мин дее синӧк осхас паза Иисустың киречілері полчатхан харындастар осхас Худайның нымысчызыбын. Худайға пазыр! Ухаанҷылас худы Иисустаңар киречілес полча.

Азых чоох 13:14

Ол чир ӱстӱндегі кізілерні талайдаң сыххан аңның алнында иділҷең хайхастарынаң алаахтырча. Хылыснаң сала ӧдіртпеен, че ам даа тіріг пастағы аңның омазын хоостап саларға кізілерге чоохтапча.

Азых чоох 13:8

Чир ӱстӱндегі чуртас пічиине аттары пазылбаан прай кізілер ол аңа пазырарлар. Ол чуртас пічии чир ӱстӱ чайалар алнындох пазыл парған паза тайыға салылған Хурағанни полған.

Азых чоох 12:9

Ол илбек сыр чылан – пурунғы чылан полған, аны диавол алай сайтан тіп адапчалар. Прай чир ӱстӱндегі чоннарны алаахтырчатхан сыр чылан позының ангеллерінең хада чирзер тастатхан.

2 Петрның 2:14

Чой ӱгретчілер чӧреечі ипчілерзер ле кӧрчелер, чазыхха тартыларға хаҷан даа тооспастар. Олар нымзах хылыхтығ кізілерні постарына тартып алчалар. Чой ӱгретчілернің чӱректері чабы поларға ӱгрен парғаннар. Че Худай оларны харғап салған.

Колоссадағыларға 2:4

Мин піреезі чойырхос чоохтарнаң сірерні аптап албазын тіп анзын чоохтапчам.

2 Коринфтегілерге 12:20

Мин нимедең хорыхчам? Сірерзер килзем, минің кӧңніме кірбес кізілер пол парарларыңнаң хорыхчам. Минің дее тудынғаным сірернің кӧңнілеріңе кірбин парҷаң полбазын. Мин сірерге тоғассам, тартыстарны, істі чохтанысты, ӧкпеленісті, посха ла хынғанын, сӧклесчеткенін, чой чоохтар таратханын, кӧкеесімненісті, ай-пораан полчатханын кӧрерім килбинче.

1 Коринфтегілерге 13:4

Хыныс тыстанча, хыныс айапча, хыныс істі-чохтанминча, кӧдірілбинче, кӧкеесімненминче,

1 Коринфтегілерге 9:24

Марғысчатхан орынзар, марғызарға тіп, прайзы чӱгӱрісче, че сыйыхты пір ле кізі алчатханын пілбинчезер бе? Аны аларға прайзыңар ойлазыңар!

1 Коринфтегілерге 4:18

Мин сірерзер килбинчеткенімде, піреелерің кӧкеесімненібістір.

1 Коринфтегілерге 3:3

сірер пос кӧңнінҷе чуртапчазар нооза. Сірернің араңарда істі чохтаныс, таластар пол парчатханда, піліс полбинчатханнарыңда, пу чирдегілер нимессер бе сірер? Кізі чозахтарынҷа полчатхан нимессер бе?

Римдегілерге 16:18

Андағ кізілер, Хан-пигібіс Иисус Христостың нимес, хурсахтарының нымызында чӧрчелер. Олар киртінҷек кізілерні ирке, чойырхос сӧстернең алаахтыр салчалар.

1 Коринфтегілерге 4:6

Ол оңдайнаң, харындастар, мин прай пу нимені, позымнаңар паза Аполлостаңар, сірерге туза идіп чоохтаам. Сірерні пу сӧспекке ӱгрензіннер тіп сағынчам: «Пазылғаннаң артых сағын таппаңар». Андада сірер удур-тӧдір кӧкеесімненмессер.

Ефестегілерге 4:17

Аннаңар, Хан-пигібістің адынаң алданып, Худайы чох чоннар чіли, пос оңдайынҷа хылынмаңар тіпчем сірерге.