Колоссадағыларға 1:6 - Наа Молҷағ

⁶ Ол сӧс сірернің араңарда паза тиксі-тилекейде чӧрче. Ол, ӧзіп, ниміс пирче. Ідӧк сірер Худайның сын паарсазын піліп алған кӱннең пасти сірерде дее ол сӧс ниміс пирче.

Колоссадағыларға 1:6 Referans Kwoze

Иоанн 15:16

Сірер Мині таллап албаазар, Мин сірерні таллап алғам. Сірерні, чонзар парып, мӧгі туза итсіннер тіп турғысхам. Прай пу нимелерні идіп, Минің ӱгренҷілерім ползаңар, Пабамнаң ниме дее сурзаңар, Ол сірерге аны пирер.

Филипптегілерге 1:11

Худайның сабланызы, махтазы ӱчӱн Иисус Христостың пастыра чахсы киректерге пай поларзар.

1 Петрның 5:12

Мин мыны Силуаннаң пастыра хысхаҷахти пас салдым. Мин аны киртістіг харындазыбысха санапчам. Сірернің кӧңніңерні кӧдір пирерге паза прай пу ниме Худайның сын паарсазы полчатханын киречілирге сағынчам. Пу паарсаста сыбыра полчадыңар.

Колоссадағыларға 1:23

Итсе, сірер киртіністе пик паза ікінҷілебес полыңар. Сірер искен Чахсы Хабарның ізенізінең хыйа полбаңар. Ол Чахсы Хабар тигір алтында прай чайалған нимее чарлалған. Мин, тізең, Павел, ол хабарның нымысчызы пол парғам.

Римдегілерге 1:13

Харындастар, сірерні пілбин халбазыннар тіп сағынчам: мин сірерзер кӧп хати килерге иткем, че амға теере харығ ниме табыл ла турған. Сірернің араларыңда даа, пасха чоннардағыох чіли, кізілерні Худайға айландырарға сағынчам.

Иоанн 4:23

Че килер андағ тус, ол чит тее килді полар, хаҷан сыннаң Пабама киртінчеткен кізілер, Пабамны піліп алып, Позына чӱректерінде пазырарлар. Іди кізілер Пабама Аның кӧңні хоостыра пазырарлар.

Марк 16:15

Анаң оларға теен: – Тиксі-тилекейге тараңар паза Чахсы Хабарны прай тіріг-тынныға читіріп, ӱгредіңер.

Марк 4:8

Паза пасхазы чахсы чирге тӱскен. Ол ӱреннер, ӱт киліп, кӱс алынғаннар, ӧскеннер паза парыс ағылғаннар: хайзы отыс, хайзы алтон паза пасхазы чӱс тее анҷа.

Матфей 24:14

Че пастап, пу Тигір хан-чирінеңер Чахсы Хабарны прай чир ӱстӱндегі чоннар иссіннер тіп, чоохтирлар. Анаң на тӱгенҷізі килер.

2 Фессалониктегілерге 2:13

Хан-пигібіс хынған харындастар! Піс, Худай сірерні арачыланысха пурнада таллап алған ӱчӱн, Аны сыбыра алғыстирға кирекпіс. Сірер Худай Худынаң арығланып паза сынға киртініп арачыланарзар.

1 Фессалониктегілерге 2:13

Аннаңар, сірер пістең искен Худай сӧзін, кізі сӧзін чіли нимес, че Худай сӧзін чіли алынғаннарың ӱчӱн, Худайыбысты сыбыра алғыстапчабыс. Ол сынынаң Худай сӧзі паза сірерге, киртінчеткеннерге, тееліп, сірерні алыстырча.

1 Фессалониктегілерге 1:5

Чахсы Хабарны сӧсте ле нимес, че сын кӱзін кӧзідіп, Худай Худынаң паза кӧп киречілестернең ағылдыбыс нооза. Сірернің араңарда полғаныбыста, пістің хайди чуртааныбысты пілче нооңзар – анзына сірерге киречілес полған.

Колоссадағыларға 1:10

Сірерні Худайға турыстығ ползыннар тіп сағынчабыс. Прай нимеде Аның кӧңнінҷе хылынзыннар, ноо даа нимеде чахсы киректернең нимістіг полып, Худайны пілерін алғытсыннар тіп сурынчабыс.

Филипптегілерге 4:17

Мин пирерін кирексеенімнеңер нимес, че киректерің сірерге туза ағылзын тіп сағынғанымнаңар.

Ефестегілерге 5:9

Худай Худы пирчеткен нимелері – полған на паарсас, орта ниме паза сын нооза.

Ефестегілерге 4:23

постарыңның сағыстарыңны паза чӱректеріңні нааҷылабызыңар.

Ефестегілерге 4:21

Сірер Аннаңар искезер, Аннаң хада полып, Аныңдағы сынны ӱгреніп алғазар.

2 Коринфтегілерге 10:14

Сірернің араңарда тоғынарын піске Худай пиргеннеңер, Христостаңар Чахсы Хабарнаң сірерзер киліп, піс пирілгеннең артых ниме итпедібіс.

2 Коринфтегілерге 6:1

Піс, тізең, Худайнаң хада тоғынчатханнар, Ол пирген паарсасты сірерні тик ле алған полбазыннар тіп, сірерге алданчабыс.

Римдегілерге 15:19

Ол анзын танығларнаң паза хайхастарнаң, Худай Худының кӱзінең иткен. Аннаңар мин Христостың Чахсы Хабарына Иерусалимнең Иллирикке читкенҷе ӱгрет парғам.

Илҷілернің 26:18

Син оларға харахтарын ас пирерге кирексің: харасхыдаң чарыхсар, сайтан ӱлгӱзінең Худайзар айланар иде, Мағаа киртініп, чазыхтарынаң позып алар иде, паза Минің таллап алған кізілерімнің аразында орын алар иде».

Илҷілернің 16:14

Оларның аразында Фиатир саардаң аарлығ хызыл ис сатчаң паза Худайны улуғлапчатхан Лидий тіп пір ипчі истіп одырған. Хан Худай, тізең, Павелнің чооғын оңарзын тіп, ол ипчінің чӱреен ас пирген.

Илҷілернің 12:24

Че Худай сӧзі, ӧзіп, тарап одырған.

Илҷілернің 11:18

Аны истіп, кізілер амырап парғаннар, анаң олар «Че, Худай иудей ниместерге дее чазыхтарынаң хыйа полып, чуртирға оңдай пиртір» тіп, Худайны сабландырғаннар.

Матфей 28:19

Парыңар, прай чоннарны Пабаның, Оолғының паза Худай Худының адынаң кіреске тӱзіріп, Мин сірерге идерге чахаан нимелерні толдырарға ӱгредіп, оларны Минің ӱгренҷілерім ит салыңар. Прай кӱннерде, тӱгенҷі тус тоозылғанҷа, Мин сірернең хадабын. Аминь.

Ефестегілерге 3:2

Худай Позының паарсазын сірерге читірер тоғысты мағаа пиргеннеңер искен поларзар.

Римдегілерге 15:28

Ол оңдайнаң, мин пу тоғызымны идібіссем, паза оларға чыып пирген нимені холға прай киріп алғаннарын пос хараамнаң кӧріп алзам, Испан чирінзер сығыбызып, сірерзер чолами кірербін.

Иоанн 17:19

Олар, Сынны піліп, Сини ползыннар тіп, оларның ӱчӱн Позымны Синің холыңа пирчем.