Колоссадағыларға 1:5 - Наа Молҷағ

⁵ Сірерге тигірде тимнел парған нимее ізенчезер нооза. Сірер анзынаңар Чахсы Хабарның сын сӧзінде искезер.

Колоссадағыларға 1:5 Referans Kwoze

Ефестегілерге 1:13

Сірер дее, Христостағылар, сын сӧсті – арачыланыстаңар Чахсы Хабарны истіп, Христосха киртінгезер, аннаңар молҷалған Худай Худынаң сірер дее таңмалалғазар.

2 Тимофейге 4:8

Амды мағаа, орта чуртааным ӱчӱн, пу кӱнде Хан-пигібіс, сын Чарғыҷы, пирер сый тимнелче, мағаа ла нимес, че Аның килеріне хынчатханнарға прайзына даа.

Титке 1:2

Минің ӱгредиим мӧгі чуртасха ізеніс пирче. Пу чуртасты чойны пілбес Худай тустар пасталғалаххаох молҷаан.

Колоссадағыларға 1:27

Оларға Худай пу чазыттың прай чоннарға пар пайын паза сабланызын ас пирерге иткен. Ол чазыт – сірерде чуртапчатхан паза сабланысха ізеніс пирчеткен Христос.

1 Петрның 2:2

Сірер, наа тӧреен палалар чіли, сӧстің арығ сӱдін кирексіңер. Аның сылтаанда, ӧзіп, арачыланысха чидерзер.

Колоссадағыларға 1:23

Итсе, сірер киртіністе пик паза ікінҷілебес полыңар. Сірер искен Чахсы Хабарның ізенізінең хыйа полбаңар. Ол Чахсы Хабар тигір алтында прай чайалған нимее чарлалған. Мин, тізең, Павел, ол хабарның нымысчызы пол парғам.

1 Коринфтегілерге 15:19

Піс Христосха пу ла чуртаста ізенчетсебіс, кізілер пісті прайзынаң тың айирға киректер.

Еврейлерге 7:19

Моисей Чахии пісті Худайға кӧні ағылбаан. Че амды пісті Худайға чағдатчатхан артых ізеніс пирілген. Аннаң пастыра піс Худайға чағдапчабыс.

1 Фессалониктегілерге 2:13

Аннаңар, сірер пістең искен Худай сӧзін, кізі сӧзін чіли нимес, че Худай сӧзін чіли алынғаннарың ӱчӱн, Худайыбысты сыбыра алғыстапчабыс. Ол сынынаң Худай сӧзі паза сірерге, киртінчеткеннерге, тееліп, сірерні алыстырча.

1 Иоанның 3:3

Пу нимее ізенчеткен полған на кізі позы даа Иисус Христос осхас ах-арығ полып одырча.

Галат чиріндегілерге 5:5

Піс, тізең, Худай пісті киртініс пастыра ахтир тіп сахтапчабыс. Ол ізеністі піске Хут пирче.

2 Коринфтегілерге 5:19

Худай кізілерні чазыхтары ӱчӱн пыролабаан. Ол Христостың пастыра тилекейні Позынаң чарастырыбысхан паза піске ол чарастаңар сӧсті тарадарға пир салған.

Илҷілернің 23:6

Мындағыларның чарымызы саддукейлер, пасхалары, тізең, фарисейлер полчатханын піл салып, Павел Ӧӧркі Чарғаа чоохтанған: – Харындастар! Мин позым фарисейбін, пабам даа фарисей полған. Ӧліглернің тірілчеткеннеріне киртінчеткенімнеңер мині чарғылапчалар.

1 Петрның 3:15

Хан Худайны чӱректеріңде ах-арығ ал чӧріңер. Сірернің нимее ізенчеткеннеріңні сурчатхан ноо даа кізее нандырығ пирерге хаҷан даа тимде полыңар. Пазымнығ кізілерні, улуғлап ала, нандырчадыңар,

1 Коринфтегілерге 13:13

Сағам, тізең, піске ӱс ниме халча: киртініс, ізеніс, хыныс. Че хыныс оларның улии полча.

Илҷілернің 24:15

Минде Худайның арығ даа, арығ нимес тее чӱректіг кізілерні ӱреен соонда тірілдіріп аларына ізеніс пар. Анзын пу даа кізілер постары сағыпчалар.

1 Тимофейге 1:15

Христос Иисус тилекейге чазыхтығларны арачылирға килгеннеңер сӧс сын паза посха алынарға турыстығ. Ол чазыхтығларның пазы минмін.

2 Фессалониктегілерге 2:16

Позы Хан-пигібіс Иисус Христос, тізең, паза піске хынчатхан, паарсасха толынчатхан, хаҷанға даа пісті ӱтеерт салған, ізеніс пирчеткен Худай Пабабыс

Колоссадағыларға 3:16

Христостың сӧзі толдыразынаң сірерде чӧрзін. Удур-тӧдір пар-чох хыйғаңарнаң ӱгредізіңер паза сағыс алындырызыңар. Худайны саблапчатхан ырлар паза сарыннар ырлап, чӱрееңерде Хан-пигні алғыстап, Ағаа сарнаңар.

Римдегілерге 10:8

Ниме тіпче Худай Пічии? «Сӧс сағаа чағын, ол синің аазыңда, синің чӱрееңде». Пу піс ӱгретчеткен киртіністеңер сӧс полча.

Илҷілернің 10:36

Ол Израиль чонына амыр хоныхтаңар Чахсы Хабарны Иисус Христос пастыра ыс пирген. Пу Иисус прайзының Хан-пигі полча.

Лука 12:33

Сірер, ис-пайыңарны садып, чох кізілерге полызыңар. Постарыңа уурабас хапчығас тимнеп, хорабас ис-пайны тигірде чығыңар. Андар оғыр даа чит полбас, кӧӧ дее аны ардат полбас нооза.

Илҷілернің 13:26

Харындастар, Авраамның тӧлі паза Худайны улуғлапчатханнар! Сірерге ызылды пу арачыланыс сӧзі.

2 Коринфтегілерге 6:7

Піс сынның сӧзіне ӱгредіп паза Худай кӱзінең тузаланып чуртаабыс. Киртіністі арачылир паза тарадар киректе арығ чӱреебіс піске хуйах паза хылыс полған.

Галат чиріндегілерге 2:5

Піс, Чахсы Хабарның сынын сірерге хайраллап халарға кӱстеніп, оларның оңдайынҷа кӧмес тее полбаабыс.

Галат чиріндегілерге 2:14

Че мин оларның Чахсы Хабарның сыны хоостыра тудынминчатханнарын кӧр салғанымда, андада Пётрға прайзының кӧзіне теем: «Син, иудей полчадып, иудей нимес пасха чон чіли чуртапчазың. Андағда ноға пасха чон иудейлер чіли чуртазын тіп кӱстепчезің?

Ефестегілерге 4:21

Сірер Аннаңар искезер, Аннаң хада полып, Аныңдағы сынны ӱгреніп алғазар.

2 Петрның 1:12

Сірер анзын пілчеткен дее ползар паза сын ӱгредіге пик киртінчетсер дее, іди ле ползын тіп, мин мыны сыбыра сағыстарыңа кирчедербін.