Колоссадағыларға 1:28 - Наа Молҷағ

²⁸ Ол Христосты піс чарлапчабыс, полған на кізіні, ӱгредіп, хыйғазын кирдірчебіс. Піс аны, полған на кізі, Иисус Христоснаң пірге полыбызып, теен парары ӱчӱн, итчебіс.

Колоссадағыларға 1:28 Referans Kwoze

Ефестегілерге 5:27

Іди Христос Позының сабланыстығ тигірибінің, пір дее кірліг тамҷых чох, тырысхах чох, пасха даа читпестері чох, Позының алнында прай сілиинең, ах-арығ паза пырозы чох турыбызары ӱчӱн кӱстенген.

Матфей 5:48

Сірер, тізең, Тигірдегі Пабаңар осхас ӧтіре чахсы полыңар.

Колоссадағыларға 3:16

Христостың сӧзі толдыразынаң сірерде чӧрзін. Удур-тӧдір пар-чох хыйғаңарнаң ӱгредізіңер паза сағыс алындырызыңар. Худайны саблапчатхан ырлар паза сарыннар ырлап, чӱрееңерде Хан-пигні алғыстап, Ағаа сарнаңар.

1 Коринфтегілерге 2:6

Хыйға сағыстардаңар ӱгредігні піс киртіністе тиміне читкен кізілернің аразында таратчабыс. Че ол хыйға пу тусти нимес, пу тустардағы ӱлгӱлерни нимезӧк.

Колоссадағыларға 1:22

Амды, тізең, Христостың пу чирдегі иді-сӧӧгі пастыра Худай сірерні Позынаң чарастыр салған. Ол Позының алнында сірерні ах-арығ, пыро чох, пір чігі чох кӧзідерге тіп, Христостың ӧлімінең анзын иткен.

2 Коринфтегілерге 11:2

Мин сірерні Худайның кӱннезінең кӱннепчем. Мин сірерні пір ирге сӧлеп салғам. Ам арығ чӱректіг хысты Христосха пирібізерге итчем.

2 Коринфтегілерге 4:5

Піс, тізең, позыбыстаңар нимес, Иисус Христос Хан-пигібіс полчатханнаңар ӱгретчебіс. Иисус піске иткен нименің ӱчӱн, піс сірерге хул полыбысхабыс.

Илҷілернің 20:31

Аннаңар сизіктіг полыңар, сірернің полғаныңарны ла ӱс чыл ӱзігі чох хараа-кӱнӧрте, харах чазым тӧгіп ала, ӱгреткенімні ундубаңар! –

Илҷілернің 8:35

Филипп андада, пу хығырған киндеде пазылған нимелердең пасти, Иисустаңар Чахсы Хабарны искір пирген.

Еврейлерге 10:14

Пір ле тайығ идіп, Христос чазыхтаң арығланчатханнарны саңайға сулу толдыра кізілер ит салған.

1 Тимофейге 3:2

Че тигіриб устағҷызы арығ, ипчізіне киртістіг, сах сағыстығ, пазымнығ, аарласха турыстығ, аалҷы кӧреечі, чахсы ӱгрет пілчеткен,

Колоссадағыларға 2:10

Сірерде дее Христостың пастыра Худайның толдыразы пар. Христос ноо даа пастыхтың паза ӱлгӱнің пазы полча.

1 Коринфтегілерге 12:8

Піреезіне Худай Худы пастыра хыйға сӧс пирілче. Пасхазына олох Хуттаң піліс сӧзі пирілче.

Ефестегілерге 3:8

Мин ах-арығ кізілерінің аразында иң алтындағызыбын, че чоннарға Христостағы сині чох пайдаңар чоохтаҷаң ӱлӱс мағаа пирілген.

2 Коринфтегілерге 10:14

Сірернің араңарда тоғынарын піске Худай пиргеннеңер, Христостаңар Чахсы Хабарнаң сірерзер киліп, піс пирілгеннең артых ниме итпедібіс.

1 Коринфтегілерге 15:12

Христос ӧліглердең тіріл парған тіп ӱгреділчеткенде, ноға сірернің хай піреелерің ӧліглер тірілбинчелер тіпче полҷаңнар.

1 Коринфтегілерге 1:30

Сірер Христос Иисуста полчатханын Худай иткен. Иисус Христос, тізең, сірерге Худайдаң пирілген хыйғазы, орта тудынғаны, ах-арығ полғаны паза толығ толдырғаны полча.

Лука 21:15

Мин сірерге ыырҷыңарның пірдеезі нандыр полбас, тоғырлан таа полбас сӧстер паза кӱлӱк сағыс пирербін.

1 Коринфтегілерге 2:15

Че Худай Худы пар кізі прай нимені ӱзӱр полар. Аны за пірдеезі ӱзӱр полбас.

1 Коринфтегілерге 1:23

Піс, тізең, кіреске хазаттырған Христостаңар ӱгретчебіс. Иудейлерге анзы хомзыныс, гректерге – алығ ниме.

Илҷілернің 17:3

Мессий, чобалып, ӧлімнең тірілерге кирек полған тіп чарыда чоохтап ала, киречілеен. – Ана ол Мессий мин чоохтапчатхан Иисус полча, – теен Павел.

Илҷілернің 10:36

Ол Израиль чонына амыр хоныхтаңар Чахсы Хабарны Иисус Христос пастыра ыс пирген. Пу Иисус прайзының Хан-пигі полча.

Илҷілернің 9:20

Сах андох синагогаларда, кізілерні Иисус Худай Оолғы полча тіп ӱгрет сыххан.

Илҷілернің 8:5

Іди Филипп, Самардағы пір саарзар киліп, андағыларға Христостаңар искірген.

Илҷілернің 5:42

Полған на кӱн олар, храмда даа, тураларда даа кізілерні ӱгредерін тохтатпин, Мессий Иисус полчатханнаңар Чахсы Хабарны искір турғаннар.

Илҷілернің 3:20

Худай тыныңарға нааҷыланҷаң кӱс пирзін, ідӧк таллап пирген Иисус Христосты сірерге ыс пирзін.

Марк 6:34

Иисус, кимедең тӱзіп, чон кӧбін кӧріп, кізілер хадарҷы чох халған хойларға тӧӧй полғаннаңар, оларны айап парып, кӧп нимее ӱгрет сыххан.

Матфей 3:7

Иоанн, позынзар фарисейлернің паза саддукейлернің аразынаң кӧп кізі кіреске тӱзерге килчеткенін кӧріп, оларға теен: – Чылан тӧлі! Кем сірерге Худай ызар чарғыдаң тизіп аларзар тіп чоохтап пирген?

2 Петрның 3:15

Хан-пигнің тыстанып ала сағаанын арачыланысха оңдай пирчеткеніне санаңар. Худай пирген хыйғазы хоостыра хынған харындазыбыс Павел піске аннаңар пасхан полған.

1 Тимофейге 3:16

Ікінҷілес чох, пістің киртінізібістің илбек чазыды мындағ: Худай кізі ит-сӧӧгінде килген, Худай Худы Аны пір пырозы чох чарлаан. Ангеллер Аны кӧргеннер, Аннаңар чоннарға чоохталған. Тиксі-тилекейде Ағаа киртінгеннер. Худай сабланыснаң Аны ӧӧрлеткен.

1 Фессалониктегілерге 4:6

Харындастарыңның хонығына чойнаң сыынып алып, аны сайбабаңар: Хан-пиг – піс анзын сірерге чоохтаан паза сизіндірген полғабыс – андағ нименің ӱчӱн хатығлир.

1 Коринфтегілерге 4:14

Мин сірерні уйаттырарға тіп аны паспинчам, че хынған палаларыма чіли, хыйғаларың кирчем.

Илҷілернің 13:38

Харындастар, сірер пілерге кирексер, Иисустаң пастыра сірерге чазых позыдары искірілче.

Илҷілернің 11:20

Че оларның санында Кипрдең паза Кириней саардаң сыххан хай пірее кізілер, Антиох саарзар киліп, гректернең чоохтазып, Иисустаңар хабарлааннар.

Илҷілернің 17:18

Андағы эпикурей паза стоик философтарның хай піреезі Павелнең чоохтасхан. Павел кізілерге Иисустаңар паза Аның тірілгенінеңер Чахсы Хабар искірчеткеннеңер, піреелері чоохтанғаннар: «Ниме тирге сағынча пу хуруғ тіл?» Че пасхалары тееннер: «Ол піске пасха худайлардаңар чоохтапча ба таң».

Колоссадағыларға 2:3

Анда хыйғаның паза пілістің пар-чох пайы чазырылых.

Колоссадағыларға 4:12

Сірердең килген Епафрас, Иисус Христостың хулы, изен читірче. Сірерні, тееніп, Худайның кӧңнін сыбыра пик сағыснаң толдырзыннар тіп сірернің ӱчӱн пазырып, парчан кӱзін салып кӱрес парча.