Колоссадағыларға 1:27 - Наа Молҷағ

²⁷ Оларға Худай пу чазыттың прай чоннарға пар пайын паза сабланызын ас пирерге иткен. Ол чазыт – сірерде чуртапчатхан паза сабланысха ізеніс пирчеткен Христос.

Колоссадағыларға 1:27 Referans Kwoze

Иоанн 14:20

Сах ол кӱн, Мин Пабамда, сірер Минде, Мин дее сірерде полчатханымны піліп аларзар.

Римдегілерге 8:10

Сірерде Христос пар полза, ит-ханыңар чазыхтығдаңар ӧліг дее полза, че Хут ахтаныстың сылтаанда тіріг.

1 Иоанның 4:4

Палаларым! Сірер Худайдаңзар, сірерде полчатхан Худай Худы чир ӱстӱндегі хуттаң улуғ, аннаңар сірер чой ухаанҷыларны утып алғазар.

Галат чиріндегілерге 2:20

Амды мин позым чуртабинчам, минде Христос чуртапча. Сағам пу позым чуртапчатханым, тізең, Худайның Оолғына киртініснең чуртапчатханым полча. Ол мағаа хынча паза минің ӱчӱн Позын ӧлімге пир салған.

1 Коринфтегілерге 3:16

Сірер постарың Худайның храмы полчатханын паза сірерде Худай Худы чуртапчатханын пілбинчезер бе?

Азых чоох 3:20

Мына Мин, ізік алнында турып, тохлатчам. Кем, ӱнімні ис салып, ізік ас пирер, Мин, андар кіріп, аннаң хада азыранарбын, ол даа Миннең хада азыранар.

Иоанн 14:17

Ол Турысчы – Сынны искірчеткен Хут. Кізілер Аны, кӧрбинчеткеннерінеңер паза пілбинчеткеннерінеңер, постарына чағын ит полбинчалар. Сірер Аны, чағын киріп, постарыңда халғысханнарыңнаңар, пілчезер.

Галат чиріндегілерге 4:19

Палаларым, сірерде Христостың омазы іле кӧрін парбаанҷа, сірернің ӱчӱн мин, тӧрітчеткен чіли, пазох ирееленчем.

2 Коринфтегілерге 4:6

«Харасхыда чарых ползын» тіп, Худай пістің чӱректерібісті чарыдыбысхан. Іди Ол Иисус Христостың сырайында чарыпчатхан Худайның сабланызын пілерге пирген.

1 Тимофейге 1:1

Мин, Павел, Худай Арачылағҷыбыстың паза ізенізібіс Христос Иисус Хан-пигібістің чахааны хоостыра Христос Иисустың илҷізіне турғызылғам.

Колоссадағыларға 2:3

Анда хыйғаның паза пілістің пар-чох пайы чазырылых.

Иоанн 14:23

Мағаа хынчатхан кізі Минің сӧзімні толдырар. Пабам ағаа хынар, Пабамнаң Мин, тізең, аныңзар киліп, анда аннаң хада чуртирбыс, – нандырған Иисус. –

2 Коринфтегілерге 6:16

Худай храмында обаалар турғызар ба? Піс, тізең, тіріг Худайның храмы полчабыс. Худай піди теен нооза: «Мин оларның аразында Позыма тура пӱдіріп аларбын паза оларнаң хада чуртирбын. Оларның Худайы поларбын, олар, тізең, Минің чоным поларлар».

Колоссадағыларға 3:11

Андада – грексің ме алай иудейзің, сӱннет итіргезің ме алай итірбеезің, ырахтын килген кізізің ме алай скифсің, хулзың ма алай пос тӧреен кізізің – пасхазы чоғыл. Че прай ниме паза прай нимеде – Христос.

Иоанн 17:26

Мағаа хынған хынызың оларның чӱректерінде ползын, Мин дее оларда полим тіп, Синнеңер оларға чоохтаам. Мыннаң мындар даа чоохтирбын.

Ефестегілерге 2:22

Христоснаң пірігіп, сірер дее пӱтчезер, анаң Худай Худы пастыра Худайның чуртына айлан парчазар.

Иоанн 6:56

Минің ит-сӧӧгімні чіпчеткен паза ханымны ісчеткен кізі Минде полча, Мин, тізең, анда поладырбын.

Ефестегілерге 1:7

Худай паарсасха пай, аннаңар Ол, Христостың пастыра, Аның ханынаң пісті пос ит салған паза чазыхтарыбысты позытхан.

Филипптегілерге 4:19

Худайым минің, тізең, Позының илбек пайынаң Христос Иисустың пастыра сірернің ноо даа кирексіністеріңні толдыр пирер.

Римдегілерге 9:23

Олох туста Худай ӧлҷей пирген кізілеріне Позының пай сабланызын кӧзідерге хынған. Худай оларны сабланысха тимнеп салған полған.

Римдегілерге 5:2

Иисус Христостаң пастыра, киртінізібістің сылтаанда ам піске пирілген паарсасха читтібіс паза Худайыбыстың сабланызын ӱлезерге ізеніп, тың ӧрінчебіс.

Колоссадағыларға 1:5

Сірерге тигірде тимнел парған нимее ізенчезер нооза. Сірер анзынаңар Чахсы Хабарның сын сӧзінде искезер.

2 Коринфтегілерге 4:17

Піс кӧрінчеткен нимее кӧрбинчебіс, кӧрінминчеткенге кӧрчебіс. Аннаңар оой, иртісчең ирееленістерібіс илбек паза мӧгі сабланыс тӧрітчелер. Харахха кӧрінчеткен нименің тузы хысха, харахха кӧрінмес ниме, тізең, мӧгі нооза.

Лука 17:21

Пірдеезі тібес: «Мына, мында ол» алай «Тігіне, тігде ол». Худай хан-ӱлгӱзі сірернің істіңерде.

Матфей 13:11

Ол оларға піди нандырған: – Сірерге Тигір хан-чирінің чазыттарын пілерге пирілген, оларға, тізең, андағ ӱлӱс тӱспеен.

2 Коринфтегілерге 2:14

Че Худайға алғыс! Піс Христоснаң хада полчатсабыс, Худай піске хаҷан даа чиңіс пайрамнирын пирче. Ол Христостаңар пілісті, тадылығ чысты чіли, пістің пастыра прай чирде таратча.

Римдегілерге 11:33

Худайның хыйғазы паза пілізі хайдағ илбектір! Аның пӧгіннерін пілҷее чоғыл, Аның чолын чолласчаа чоғыл.

Римдегілерге 2:4

Алай син, Худайның пай паарсазын, Аның пазымнығ, тыстаныстығ полчатханын нимее салбинчазың ма? Худай паарсазының пастыра Позынзар айланарына чоллапчатханын оңарбинчазың ма?

Еврейлерге 6:19

Пу ізеніс піске пик паза ізестіг керіп кӧспезі осхас полча. Ол ізеніс пісті Худай храмының кӧзеңезі кистіндегі иң ызых орынзар апарча.