Колоссадағыларға 1:24 - Наа Молҷағ

²⁴ Амды сірернің ӱчӱн ирееленчеткеніме ӧрінчем. Позым илеп, мин Христос кӧрген чобағның чидіспинчеткенін толдырчам. Тигіриб полчатхан Аның Иді-сӧӧгі ӱчӱн ирееленчем.

Колоссадағыларға 1:24 Referans Kwoze

Римдегілерге 5:3

Анзына ла нимес, чобағларыбысха даа ӧрінчебіс. Чобағлар тыстанарға ӱгретчеткеннерін пілчебіс нооза.

2 Тимофейге 1:8

Аннаңар син Хан-пигібістеңер киречілестердең дее, миннең дее, Аның чабығдағы кізізінең, уйатпа. Че миннең хада, Худай пирген кӱзіңе тӧмене, Чахсы Хабарның ӱчӱн иреелестерні алын.

Филипптегілерге 3:10

Ана іди Иисусты паза Аны тірілдірген кӱсті пілерім. Аның ирееленістерінде хада аралазып, Олох чіли ӧл парарым.

2 Коринфтегілерге 7:4

Мин сірернең кӧні чоохтас поларыма ікінҷілебинчем. Сірернең тың махтанчам! Чобағларыбысха пастырзам даа, кӧңніме часхарыс толча, ӧрініс чӱреемнең асча.

Ефестегілерге 3:13

Аннаңар, сірердеңер сағынып, ирееленчеткеніме кӧңніңер тӱспезін тіп, сурынчам. Пу ирееленістер сірернің сабланызыңар ӱчӱн полча.

Иаковтың 1:2

Піліңер, сірернің киртіністеріңні сынааны тыстанысты тӧрітче. Аннаңар, харындастарым, аймах сынағларға кір парчатсаңар, анзын улуғ ӧрініске санаңар.

Колоссадағыларға 1:18

Тигіриб Аның ит-сӧӧгі полча. Ол Позы, тізең, тигірибнің пазы. Ол – прай нименің пасталғаны. Ол ӧліглернің аразынаң тірілген тун Оолғы полча. Ол ноо даа киректе пастағызы ползын.

Илҷілернің 5:41

Илҷілер, тізең, Ӧӧркі Чарғыдаң парыбызып, Иисус Хан-пигнің ады ӱчӱн тӧбін тӱзіртерге турыстығ полғаннарына ӧрінгеннер.

Ефестегілерге 3:1

Мына піди мин, Павел, сірердеңер, иудей нимес кізілердеңер, сағынып, Иисус Христостың нымысчызы полчатханымнаңар, харибде одырчам.

Ефестегілерге 1:23

Тигіриб, тізең, Христостың ит-сӧӧгі полча, прай чирде прай нимее толчатхан Христос пӱкӱле анда полча.

Римдегілерге 8:17

Худайның палалары полчатханыбыста, Христоснаң тиңе Аннаң ӱлӱсті алҷаң кізілер полчабыс. Христостың ирееленістерін ӱлескенібісте, сабланызын даа ӱлезербіс.

1 Коринфтегілерге 12:27

Сірер прайзыңар Христостың иді-ханы полчазар. Чара, тізең, Аның чӱллерізер.

2 Коринфтегілерге 6:10

Пісті хомзындырчалар, че піс сыбыра ӧрчілігбіс, піс чохпыс, че кӧп кізіні пайытчабыс, пістің пір дее ниме чоғыл, че піс сынында прай нименің ээзі полчабыс.

2 Коринфтегілерге 12:15

Сірер арачылан халар ӱчӱн, мин сірерге позымны даа тӱгеде пир саларға тимдебін. Мин сірерге іди тың хынчатханымда, сірер ноға мағаа асхынах хынчатхан поларзар?

Марк 10:39

Пол поларбыс, – нандырғаннар олар. Иисус, тізең, оларға теен: – Мин іскен ідістең ізерзер, Минӧк чіли кіреске тӱзерзер.