Колоссадағыларға 1:10 - Наа Молҷағ

¹⁰ Сірерні Худайға турыстығ ползыннар тіп сағынчабыс. Прай нимеде Аның кӧңнінҷе хылынзыннар, ноо даа нимеде чахсы киректернең нимістіг полып, Худайны пілерін алғытсыннар тіп сурынчабыс.

Колоссадағыларға 1:10 Referans Kwoze

Ефестегілерге 4:1

Амды мин, Хан-пигібіс ӱчӱн харибде одырчатхан кізі, сірердең «Худай кізілері полып, Худай хығырған нимее турыстығ полыңар» тіп, алданчам.

1 Иоанның 3:22

Худайның чахығларын толдырчатханыбыс паза Аның кӧңніне кірчеткен нимелерні итчеткенібіс ӱчӱн, Худайдаң ниме дее сурзабыс, аны алчабыс.

Иоанн 15:16

Сірер Мині таллап албаазар, Мин сірерні таллап алғам. Сірерні, чонзар парып, мӧгі туза итсіннер тіп турғысхам. Прай пу нимелерні идіп, Минің ӱгренҷілерім ползаңар, Пабамнаң ниме дее сурзаңар, Ол сірерге аны пирер.

1 Фессалониктегілерге 4:1

Мының соонаң, харындастар, Христос Иисустың адынаң алданчабыс сірердең, хайди поларынаңар паза Худайның кӧңнінҷе ниме идерінеңер пістең кӧзідім алып, пу киректе маңнанысха чит турыңар.

Еврейлерге 13:16

Кізілерге чахсы идерге ундубаңар. Удур-тӧдір полызызыңар. Іди иткені Худайның кӧңніне кірчеткен тайығ полча нооза.

Иоанн 15:8

Сірер, кӧп чистек пиріп, Минің ӱгренҷілерім пол парзаңар, Пабамны сабландырарзар.

Титке 3:14

Пістіңнер дее, тик чӧрбес ӱчӱн, сығысхан кирексіністерін толдырар ӱчӱн, чахсы киректер идерге ӱгрензіннер.

2 Петрның 3:18

Хан-пигібіс паза Арачылағҷыбыс полчатхан Иисус Христостың паарсазы паза Аны пілері сірерге хозылзын. Ағаа сағам даа паза хаҷан даа сабланыс ползын. Аминь.

2 Петрның 1:8

Прай пу ниме сірерде пар полза, ол кӧптеліп одырза, сірер Хан-пигібіс Иисус Христосты пілерінде тӱзімніг паза маңнаныстығ поларзар.

Колоссадағыларға 2:6

Ол оңдайнаң сірер Христос Иисусты Хан-пигні чіли постарыңа алғазар. Аннаңар Анынаң хада пір полып чуртаңар.

Колоссадағыларға 4:5

Тоғырхыларнаң хыйға тудыныңар, пар тусты тузалығ иртіріңер.

Ефестегілерге 5:15

Аннаңар постарыңның хайди тудынчатханнарыңны сизініңер. Алығ кізі чіли полбин, хыйға кізі чіли чӧріңер.

Ефестегілерге 2:10

Піс Худайның чайап салған кізілерібіс. Чахсы киректер идерге Иисус Христос пастыра чайалғабыс. Ол киректерні Худай піске, толдырыңар тіп, хас-хаҷанох азынада тимнеп пирген.

2 Коринфтегілерге 2:14

Че Худайға алғыс! Піс Христоснаң хада полчатсабыс, Худай піске хаҷан даа чиңіс пайрамнирын пирче. Ол Христостаңар пілісті, тадылығ чысты чіли, пістің пастыра прай чирде таратча.

Римдегілерге 6:4

Іди піс, кіреске тӱзіп, Анынаң хада ӧл парғабыс. Пісті Аннаң хада чыып салғаннар. Христос Пабазының илбек кӱзінең тірілдіріл парған. Ідӧк піс тее нааҷылал парып чуртирбыс.

Ефестегілерге 5:10

Худайның нимее чӧпсінчеткенін піліп аларға кӱстеніңер.

Ефестегілерге 5:2

Хайди Христос, піске хынып, Позының тынын тайыға салып, Худайның кӧңніне кірчеткен тадылығ чыс пол парған, сірер дее ідӧк хыныста чуртаңар.

Филипптегілерге 1:27

Итсе, Христостың Чахсы Хабарына турыстыра чуртаңар. Мин, киліп, сірерні кӧрзем, алай саңай даа килбезем, сірер пір сағыстығ, пір кӧңніліг полчатханнарыңны, Чахсы Хабардаң килчеткен киртіністің ӱчӱн хада-пірге кӱресчеткеннеріңні истерім килче.

Филипптегілерге 1:11

Худайның сабланызы, махтазы ӱчӱн Иисус Христостың пастыра чахсы киректерге пай поларзар.

1 Иоанның 5:20

Худай Оолғының, піссер киліп, сын Худайны піліп алар сағысты піске пиргенін пілчебіс. Піс сын Худайдабыс, Аның Оолғы Иисус Христостабыс. Ол – сын Худай паза мӧгі чуртас.

Титке 3:1

Кізілерге, пастыхтарның паза ӱлгӱлернің оңдайынҷа полып, оларның чоохтарын истерге, ноо даа чахсы кирекке тимде поларға,

Колоссадағыларға 3:20

Палалар, ноо даа нимеде паба-іҷеңернің чооғын истіңер. Анзы Хан-пигібістің кӧңніне чарас.

Ефестегілерге 4:13

Пу оңдайнаң, Худай Оолғына киртінерінде паза Аны піліп аларында піс прайзыбыс хада пір сағысха чидіп аларға кирекпіс. Андада, Христостың поғда тузына чидіп, тигіриб улуғ кізі синіне чит парар.

Еврейлерге 11:5

Енох Худайға киртінген. Ол, ӧлім кӧрбин, пу чирдең чіт чӧрібіскен. Пірдеезі аны таап полбаан. Аны Худай Позынзар ал парыбысхан. Че Худай Пічиинің киречілезі хоостыра, Худай аны Позынзар алғалахтох, Енох Худайның кӧңніне кірген полған.

2 Тимофейге 2:4

Ноо даа чааҷы, пастығының кӧңніне кірерге полып, чурт-хоных сурығларына салынмас.

Колоссадағыларға 2:19

Олар Христоснаң палғалыс тутпинчалар. Христос, тізең, ит-ханның пазы полча. Ол ит-ханны, чӱллернең паза сиирлернең піріктіріп, тыытча. Анзы Худай ӧскіргені хоостыра ӧсче.

Филипптегілерге 4:18

Мин прай нимеңер алдым, чырғап турбын. Сірер Епафродитнең ысхан нимені алғаныма чӧпсінчем. Сірернің сыйииңар тадылығ чыстығ алас, Худайға салылған чахсы тайығ осхас.

Ефестегілерге 1:17

Хан-пигібіс Иисус Христостың Худайы, сабланыстығ Пабазы, сірерге хыйға сағысты пирчеткен паза Худайдаңар ӱгретчеткен Хутты пирзін тіп сурынчам. Аны пирзе, сірер Худайны чахсы піліп аларзар.

2 Коринфтегілерге 9:8

Худайның прай кирексіністеріңні толдыр полар кӱзі пар. Аннаңар сірернің прай ниме читкіҷе дее, кирексееннең кӧп тее полар. Ол оңдайнаң сірер, ӱлезіп ала, чахсы киректер идерзер.

Иоанн 17:3

Мӧгі чуртас Сині – чалғыс сын Худайны – паза Син ысхан Иисус Мессий-Христос полчатханын пілчеткені полча.

2 Коринфтегілерге 4:6

«Харасхыда чарых ползын» тіп, Худай пістің чӱректерібісті чарыдыбысхан. Іди Ол Иисус Христостың сырайында чарыпчатхан Худайның сабланызын пілерге пирген.

Римдегілерге 4:12

Ол ідӧк сӱннет иттірткеннернің пабазы полча. Олар, сӱннет иттірткеннең пасха, Авраам пабабыстың киртініс чолынҷа парчалар. Авраамның ол киртінізі сӱннет иттірткелегіндӧк полған.

Римдегілерге 1:13

Харындастар, сірерні пілбин халбазыннар тіп сағынчам: мин сірерзер кӧп хати килерге иткем, че амға теере харығ ниме табыл ла турған. Сірернің араларыңда даа, пасха чоннардағыох чіли, кізілерні Худайға айландырарға сағынчам.

2 Коринфтегілерге 5:9

Аннаңар, хайда даа ползабыс, пу чирдегі алай тигірдегі ит-ханыбыста пістің Хан-пигнің кӧңніне кірерібіс килче.

3 Иоанның 1:6

Харындастарыбыс синің хынызыңнаңар тигірибде киречілееннер. Оларны, Худай чӧпсінер иде чолға тимнеп, ӱдес салзаң, чахсы идерзің.