5 Сағам Мин пу чир ӱстӱндеде чирнің Чарии Мин полчам.
Иисус пазох кізілерге чоохтанған: – Мин чир ӱстӱнің Чарии полчам. Минің ӱгредиимҷе чуртапчатхан кізі харасхыда чӧрбес, аның чуртас пирчеткен Чарии пар полар.
Мин Чарыхпын. Мағаа киртінчеткен кізі харасхыда халбазын тіп, чир-чалбахсар килгем.
Піске Хан Худай піди чахаан: «Мин сині, чир ӱстӱндегі прай кізілерні арачылап алар ӱчӱн, прай чоннарға чарых поларға турғысхам».
Аннаңар тидірлер: «Тур, узупчатхан кізі, ӧлімнең тіріл кил, сині Христос чарыдыбызар».
Син оларға харахтарын ас пирерге кирексің: харасхыдаң чарыхсар, сайтан ӱлгӱзінең Худайзар айланар иде, Мағаа киртініп, чазыхтарынаң позып алар иде, паза Минің таллап алған кізілерімнің аразында орын алар иде».
Саарны Худайның сабланызы чарытчатханнаңар, ағаа кӱн дее, ай даа чарии кирек чоғыл. Аның чарытхызы, тізең, Хураған.
Харасхыда одырчатхан чон илбек чарыхты кӧр салған, ӧлім кӧлек тӱзірген чирде чуртапчатхан чонға таң чарып килген».
Иудейлерге паза пасха чоннарға арачыланыстаңар чарыхты искірер ӱчӱн, Мессий ирееленіп ӧл парғаннарның аразында тірілгеннернің пастағызы полған.
Ол Синің Израиль чоныңа сабланыс ағылар паза прай пасха чоннарға піліс пирчеткен чарых полар.
Сірер чир ӱстӱнің чариизар. Тағ пазындағы саар чазын пола чоғыл.
