Иоанн 9:22 - Наа Молҷағ

^22-23 Иудейлер Иисусты Мессий-Христос тіп адапчатхан кізілерні синагогадаң сығара сӱрерге пос аразында чоохтас салғаннар. Аннаңар паба-іҷезі, иудейлердең хорығып, «Ол мидееліг кізі, аннаң сурыңар» тіп нандырғаннар.

Иоанн 9:22 Referans Kwoze

Иоанн 16:2

Сірерні синагогалардаң сығара сӱрерлер. Сірерні ӧдірчеткен полған на кізі позының киреенең Худайға чахсы итчем тіп сағынар. Андағ тус чағдапча.

Иоанн 7:13

Че иудей пастыхтарынаң хорығып, пірдеезі Иисустаңар истілдіре чоохтанмаан.

Лука 6:22

Часкалығзар сірер, хаҷан кізілер сірерні Кізі Оолғы ӱчӱн пу харахнаң кӧрбинчетселер, сӱрчетселер, сӧклепчетселер, сірернің адыңарны хомайлапчатсалар.

Иоанн 9:34

Син, тӧрееннеңӧк сығара чазыхтығ полчадып, пісті ӱгредерге итчезің ме? – нандырғаннар фарисейлер. Анаң аны сығара сӱрібіскеннер.

Азых чоох 21:8

Че хортыхтарға, киртініс чохтарға, чабал хылыхтығларға, кізі ӧдірчеткеннерге, оралысхахтарға, сыбырағҷыларға, сын нимес худайларға пазырчатханнарға паза прай чойларға кӧйчеткен сералығ кӧлде орын полар. Мынзы – ікінҷі ӧлім.

Илҷілернің 5:40

Ӧӧркі Чарғыдағылар, аның чооғын истіп, илҷілерні, нандыра хығырып алып, соғып, Иисустың адынаң ӱгредерге чарадылбинча тіп, позыдыбысханнар.

Илҷілернің 5:13

Чон оларны саблаан, че пір дее пасха кізі оларға хозыларға тідінмеен.

Илҷілернің 4:18

Анаң, илҷілерні хығыртыбызып, мыннаң мындар Иисустың адынаң чоохтанып, ӱгрет чӧрбеске чахығ пиргеннер.

Иоанн 20:19

Олох кӱн иирде, неделяның пастағы кӱнінде, Иисустың ӱгренҷілері, иудейлердең хорығып, пір тураа чыылызып алып, пиктен салғаннар. Ол туста Иисус, кір киліп, оларның аразында турып, чоохтанған: – Амыр-хазых сірерге!

Иоанн 19:38

Аримафей саардаң сыххан Иосиф, иудей пастыхтарынаң хорыхханнаңар, Иисустың чазыт ӱгренҷізі полған. Иисус ӱреен соонда ол Пилаттаң Иисустың сӧӧгін суурып аларға сурынған. Пилат чаратхан. Иосиф, парып, Иисустың сӧӧгін кірестең суурыбысхан.

Иоанн 1:19

Иудей пастыхтары Иоаннзар Иерусалимнең абыстарны паза левиттерні «Кемзің син, Мессий-Христоссың ма?» тіп сурарға ысханнар. –

Иоанн 9:18

Иудейлер, ол кізінің, харах чох полып, кӧр сыхханына киртінмин, паба-іҷезін хығыртханнар. –

Иоанн 9:21

Че амды аның хайди полып кӧр сыхханын пілбинчебіс. Кем аның харахтарын имнебіскен? Пілбинӧкчебіс. Ол мидееліг кізі, позынаң сурыңар. Позы чоохтап пирзін.

Иоанн 9:35

Иисус, ол кізінің сығара сӱрдіргенінеңер истіп, аны таап алған. – Худай Оолғына киртінчезің ме? – сурған Иисус. –