Иоанн 7:35 - Наа Молҷағ

³⁵ Андада иудейлернің пастыхтары пос аразында чоохтасханнар: – Хайдағ андағ піс таап полбас чирзер парарға итче полҷаң? Грек чирінде чуртапчатхан иудейлерзер парып, гректерні ӱгредерге итче бе таң?

Иоанн 7:35 Referans Kwoze

Иаковтың 1:1

Иаков, Худайның паза Хан-пигібіс Иисус Христостың хулы, сірерге, тарадыл парып чӧрген он ікі сӧӧкке, пасчам. Изен-хазых полыңар!

1 Петрның 1:1

Мин, Иисус Христостың илҷізі Пётр, сірерге, иблерінең ырах – Понт, Галат, Каппадок, Асий паза Вифиний чирлерінҷе – тарасхлап парып чӧрчеткен, Худайның таллаан кізілеріне, пасчам.

Иоанн 12:20

Ӱлӱкӱнде пазырарға килген кізілернің аразында гректер полғаннар.

2 Тимофейге 1:11

Чахсы Хабарны тарадар ӱчӱн, мин аның илҷізіне, паза чоннар ӱгретчізіне турғызылғам.

1 Тимофейге 2:7

Пу киречілестің чарлағҷызы паза илҷізі поларға мин турғызылғам. Христосха киртініп, сынны чоохтапчам, чойланминчам: чоннарны сынға паза киртініске ӱгретчем.

Колоссадағыларға 1:27

Оларға Худай пу чазыттың прай чоннарға пар пайын паза сабланызын ас пирерге иткен. Ол чазыт – сірерде чуртапчатхан паза сабланысха ізеніс пирчеткен Христос.

Ефестегілерге 3:8

Мин ах-арығ кізілерінің аразында иң алтындағызыбын, че чоннарға Христостағы сині чох пайдаңар чоохтаҷаң ӱлӱс мағаа пирілген.

Илҷілернің 22:21

«Пар, Мин сині ырах, иудей нимес чоннарзар ызыбызарбын», – теен мағаа ол.

Илҷілернің 21:21

Че постарының аразында олар синнеңер піди чоохтасчалар: ол, пасха чоннар аразында чуртапчатхан прай иудейлерні палаларға сӱннет итпеске, иудейлер кибірін тутпасха, паза Моисей Чахиинаң хыйа поларға ӱгретче.

Илҷілернің 11:18

Аны истіп, кізілер амырап парғаннар, анаң олар «Че, Худай иудей ниместерге дее чазыхтарынаң хыйа полып, чуртирға оңдай пиртір» тіп, Худайны сабландырғаннар.

Иоанн 8:22

Аны истіп, иудейлер чоохтасханнар: – Ол позы позына хол салыныбызарға итче бе таң? Ноға ол «Мин парчатхан чирзер чит полбассар» тіпче.

Лука 2:32

Ол Синің Израиль чоныңа сабланыс ағылар паза прай пасха чоннарға піліс пирчеткен чарых полар.

Матфей 12:21

Ағаа прай чоннар ізенерлер».

Иоанн 7:1

Соонаң Иисус Галилей чирінҷе чӧрген. Иудей чирінҷе, тізең, иудейлер Аны ӧдір саларға иткеннерінеңер, чӧрерге хынмаан.

Илҷілернің 11:20

Че оларның санында Кипрдең паза Кириней саардаң сыххан хай пірее кізілер, Антиох саарзар киліп, гректернең чоохтазып, Иисустаңар хабарлааннар.

Илҷілернің 14:1

Икон саарда андағох ниме полған: Павелнең Варнава, иудейлер синагогазынзар кіріп, анда ӧтіг чоохтанғаннары сылтаанда уғаа кӧп иудейлер паза гректер киртін сыхханнар.

Илҷілернің 17:4

Исчеткен кізілернің хай піреезі, киртін сығып, Павелнең Силаа хозылған. Оларның аразында Худайны улуғлапчатхан гректер кӧп полған, ідӧк саблығ ипчілер дее илееде полған.

Илҷілернің 18:4

Суббота сай Павел синагогада иудейлернең паза гректернең чоохтазып, оларны киртіндірерге кӱстенген.

Римдегілерге 1:16

Мин Христостаңар Чахсы Хабарны чарлапчатханымнаң уйатпинчам. Ол Хабарның киртінчеткеннерні хайзын даа, иң пурнада иудейні, анаң иудей ниместі арачылаҷаң Худай кӱзі пар, нооза.