Иоанн 6:56 - Наа Молҷағ

⁵⁶ Минің ит-сӧӧгімні чіпчеткен паза ханымны ісчеткен кізі Минде полча, Мин, тізең, анда поладырбын.

Иоанн 6:56 Referans Kwoze

Иоанн 14:20

Сах ол кӱн, Мин Пабамда, сірер Минде, Мин дее сірерде полчатханымны піліп аларзар.

1 Иоанның 3:24

Худайның чахығларын толдырчатхан кізі Худайда, Худай, тізең, ол кізіде поладыр. Худайның пісте полчатханын хайди пілчебіс? Худайның піске пирген Худай Худын алып алып, пілчебіс.

Азых чоох 3:20

Мына Мин, ізік алнында турып, тохлатчам. Кем, ӱнімні ис салып, ізік ас пирер, Мин, андар кіріп, аннаң хада азыранарбын, ол даа Миннең хада азыранар.

Иоанн 14:23

Мағаа хынчатхан кізі Минің сӧзімні толдырар. Пабам ағаа хынар, Пабамнаң Мин, тізең, аныңзар киліп, анда аннаң хада чуртирбыс, – нандырған Иисус. –

1 Иоанның 4:12

Худайны пірдеезі хаҷан даа кӧрбеен, че сынап піс удур-тӧдір хынысчатсабыс, Худай пісте поладыр, пісте Аның хынызы пӧзиине чит парча.

2 Коринфтегілерге 6:16

Худай храмында обаалар турғызар ба? Піс, тізең, тіріг Худайның храмы полчабыс. Худай піди теен нооза: «Мин оларның аразында Позыма тура пӱдіріп аларбын паза оларнаң хада чуртирбын. Оларның Худайы поларбын, олар, тізең, Минің чоным поларлар».

Ефестегілерге 3:17

Христос чӱрееңерде киртіністерің пастыра ползын тіп, алданчам.

Иоанн 6:55

Минің ит-сӧӧгім – сын ас-тамах, ханым – сын ісчең суғ.

1 Иоанның 2:24

Иисус Христосха киртініп пастаан тустох искен нимелер чӱрееңерде ползын. Ол тустох искен нимелер чӱрееңерде полза, сірер Оолғында даа, Пабада даа поларзар.