Иоанн 6:45 - Наа Молҷағ

⁴⁵ Ухаанҷылар піди пасханнар: «Худай оларның полғанын на ӱгрет салар». Пабамны искен паза Аннаң ӱгреніп алған кізінің полғаны ла Минзер киледір.

Иоанн 6:45 Referans Kwoze

Еврейлерге 10:16

«Хан Худай теен: Килер кӱннерде оларға пирҷең Молҷаам мындағ полар: „Минің чахығларымны оларның чӱректерінде пас саларбын, оларның сағыстарына сиир саларбын.

1 Фессалониктегілерге 4:9

Харындастар чіли хынызардаңар сірерге пазары даа кирек чоғыл, сірерні постарыңны даа Худай удур-тӧдір хынарға ӱгрет салған.

Иоанн 6:65

Анаң Ол хосхан: – Аннаңар сірерге чоохтапчам, Пабам оңдай пирбезе, Минзер пірдеезі кил полбас.

Иоанн 6:37

Пабамның Мағаа пирчеткен кізілері прайзы Минзер килерлер. Минзер килчеткен кізіні Позымнаң хыйа сӱрбеспін.

Матфей 17:5

Ол іди чоохтанчатхан арада, оларның ӱстӱнде чарыпчатхан пулут сых килген, анаң пулуттаң ӱн истілген: – Пу Минің хынчатхан Оолғым, Ол Минің кӧңніме тың кірче. Истіңер Аны!

Ефестегілерге 1:17

Хан-пигібіс Иисус Христостың Худайы, сабланыстығ Пабазы, сірерге хыйға сағысты пирчеткен паза Худайдаңар ӱгретчеткен Хутты пирзін тіп сурынчам. Аны пирзе, сірер Худайны чахсы піліп аларзар.

Иоанн 10:27

Хойларым ӱнімні исчелер, Мин дее оларны пілчем, олар Минің соомҷа парчалар.

Лука 18:31

Он ікі ӱгренҷізін оортах хығырып, Иисус оларға теен: – Мына піс Иерусалимзер парирбыс, анда ухаанҷыларның Кізі Оолғынаңар пасхан нимелері прайзы тол парар.

Лука 1:70

Ол пісті, ыырҷыларыбыстаң арачылап, хырт кӧрчеткеннердең арачылир тіп, Хан Худай піске хас-хаҷанох чуртаан ах-арығ ухаанҷылары пастыра искірген.

Матфей 11:27

Пабам прай нимені Мағаа пирген. Оолғын Пабазынаң пасха пір дее кізі пілбинче, Пабазын даа Оолғынаң пасха, паза Оолғы Пабазынаң таныстырарға хынған кізілердең пасха пірдеезі пілбинче.

Илҷілернің 7:42

Че Худай олардаң хыйа полыбысхан. Ухаанҷылар пічиинде пазылғанни оларны тигірдегі сиріглерге нымысчы поларға артыс салған: «Израиль чоны! Мағаа ба сірер хуу чазыда хырых чыл ибіре маллар соғып, тайығ салғазар?

Илҷілернің 13:40

Ухаанҷылар чоохтаан нимелер сірерге тӱс парбазын тіп, китеніңер!

Филипптегілерге 3:15

Ол оңдайнаң, пістің арабыста теен парған кізі ідӧк сағынзын. Че сірер пасха сағынчатсаңар, Худай анзын даа сірерге ас пирер.

1 Иоанның 2:27

Иисус Христостаң пирілген Худай Худы сірерде полча, аннаңар сірерні ӱгредерге кирек чоғыл. Ол Хут сірерні прай нимее ӱгретче. Ол сын, Анда чой ниме чоғыл. Аннаңар сірер Ол ӱгреткен оңдайҷа чуртаңар.