43 Иисус оларға нандырған: – Пос аразында чоохтас чӧрбеңер.
Худайдаң пір дее ниме чазыр полбассың. Прай чайалған ниме Аның хараа алнында паза Ағаа азых. Аның алнында піс иткен киректерібіс ӱчӱн нандырығ тударбыс.
Че сірернің араңарда киртінминчеткеннер парлар. Иисус, Позына киртінминчеткеннерні паза Позын садыбызар кізіні пастабох пілгеннеңер, мыны чоохтаан.
Иисус, оларның ниме сурарға итчеткеннерін кӧріп, чоохтаан: – «Тӱрче полза, сірер Мині кӧрбессер, че соонаң Мині пазох кӧрерзер» тіп чоохтанчатханымнаңар удур-тӧдір сурастырғласчазар ба?
Олар Капернаумзар читкеннер. Хаҷан ибге кіргеннерінде, Иисус ӱгренҷілерінең сурған: – Чолда пос алынҷа нимедеңер іди талас парғазар?
Иисус нимедеңер чоохтасчатханнарын пілген, аннаңар оларға теен: – Ноға сірер, ас киртіністіглер, халас албааннаңар постарың аразында чоохтазып одырчазар?
Пу Иосифтің оолғы Иисус нимес пе зе? Аның пабазын паза іҷезін піс таныпчабыс, ноға ол піске «Мин тигірдең тӱскем» тіпче?
Мині ысхан Пабам пірее кізіні мағаа чағдатпаза, ол кізі мағаа чағын кір полбас. Минзер килген кізіні, тізең, тӱгенҷі кӱнде тірілдірербін.
