Иоанн 6:11 - Наа Молҷағ

¹¹ Иисус, халасты алып, Худайға алғызын читіріп, ӱгренҷілеріне ӱлеен. Олар, тізең, одырчатхан чонға пиргеннер. Палыхты ідӧк полғанына ла нинҷе хынғанҷа пиргеннер.

Иоанн 6:11 Referans Kwoze

Иоанн 6:23

Олох туста пасха кимелер, Тивериад саардаң киліп, Хан-пиг Худайны халас ӱчӱн алғыстаан паза чон азыранған чирнің хыринда турыбысханнар.

1 Фессалониктегілерге 5:18

прай нименің ӱчӱн алғаңар: Христос Иисусха киртінчеткен ползаңар, Худайның сірерге андағ кӧңні.

Римдегілерге 14:6

Кӱннернің улиин-кічиин талластырчатхан кізі анзын Хан-пигні улуғлап итче. Прай кӱннер пір тиң тіп санапчатхан кізі дее анзын Хан-пигеӧк итче. Чіпчеткен кізі Хан-пигні улуғлап чіпче, Худайны алғыстапча. Чібинчеткені дее Хан-пигні улуғлап чібинче паза Худайны алғыстапча.

Матфей 15:36

Анаң, читі халасты паза палыхтарны алып, Худайға алғыс пирген. Сындырып, ӱгренҷілеріне пирген, ӱгренҷілері – кізілерге.

Лука 24:30

Оларнаң хада азыранарға одырып, Иисус халасты алып, алғабызып, сындырып, оларға пирген.

1 Коринфтегілерге 10:31

Мин піди чоохтирбын: чіпчетсер бе, ісчетсер бе алай пасха даа ниме итчетсер, Худайның сабланызына идіңер аны.

Илҷілернің 27:35

Іди чоохтанып, ол халас алып алған. Анаң прайзының кӧзіне Худайны алғыстап, халасты сындырып, чіп сыххан.

Иоанн 6:9

Мында пір оолағаста астаң иткен пис халас паза ікі палығас пар. Че пу чиис мынҷа чонға хайдаң чидер? –

Иоанн 21:9

Чарға сых килгеннерінде, кӧстерде палых паза от хыринда халас чатчатханын кӧр салғаннар. –

Иоанн 21:10

Сағам тудып алған палыхты ағыл киліңер, – теен Иисус.

Иоанн 21:13

Иисус, пас киліп, халаснаң палыхты оларға пирген.