Иоанн 5:28 - Наа Молҷағ

²⁸ Пу нимее хайхабаңар. Сыыраттарда чатчатханнар прайзы Кізі Оолғының ӱнін ис салар тус килче.

Иоанн 5:28 Referans Kwoze

Азых чоох 20:12

Мин ӱлгӱ сіреезінің алнында турчатхан ӧл парған саблығ паза олаңай кізілерні кӧр салғам. Пічіктер азылғаннар. Анаң пасха пічік, чуртас пічии, азылған. Ӧліглер пічіктерде пазыл парған хоостыра постарының иткен киректері ӱчӱн чарғылатханнар.

Филипптегілерге 3:21

Ол пістің пазындыртхан иді-ханыбысты Позының сабланыстығ иді-ханына тӧӧй ит салар. Ол, Позының кӱзінең аны идіп, прай нимені холға кирче нооза.

1 Коринфтегілерге 15:22

Прайзы Адамның тӧлі полчатханнаңар ӧл парча. Че Христостың тӧлі полчатханнары прайзы тіріл парар.

Иоанн 3:7

«Сірерге хатап Худайдаң тӧрирге кирек» тееніме ноға чапсыпчазың?

Иоанн 5:20

Пабазы, Оолғына хынып, Позының итчеткен нимелерін прай Ағаа кӧзітче. Сірерні хайхадар ӱчӱн, Ол Ағаа мыннаң даа улуғ нимелер кӧзідер.

Иоанн 4:21

Киртін Мағаа, Пабама пу тағның ӱстӱнде дее, Иерусалимде дее пазырбас тус килир, – чоохтапча Иисус. –

Илҷілернің 3:12

Мыны кӧріп, Пётр чонға піди чоохтанған: – Израиль кізілері! Ноға мынзына таңнапчазар? Постарындағы кӱснең алай улуғ киртіністерінең аны чӧрер иде имнеп алдылар тіп піссер кӧрчезер бе?

Иоанн 4:23

Че килер андағ тус, ол чит тее килді полар, хаҷан сыннаң Пабама киртінчеткен кізілер, Пабамны піліп алып, Позына чӱректерінде пазырарлар. Іди кізілер Пабама Аның кӧңні хоостыра пазырарлар.

Иоанн 5:25

Сынны сірерге чоохтапчам, ӧліглернің Худай Оолғының ӱнін исчең, паза, аны истіп, тіріл килҷең тус чағдап одыр, ол чит тее килді полар.

Илҷілернің 24:15

Минде Худайның арығ даа, арығ нимес тее чӱректіг кізілерні ӱреен соонда тірілдіріп аларына ізеніс пар. Анзын пу даа кізілер постары сағыпчалар.