Иоанн 5:22 - Наа Молҷағ

²² Пабазы Позы пірдеезін чарғылабинча, че чарғылаҷаң ӱлгӱні прай Оолғының холына пир салған.

Иоанн 5:22 Referans Kwoze

Иоанн 5:27

Ол Кізі Оолғы полчатханнаңар, Пабазы Ағаа чарғы итчең ӱлгӱ пирген.

Илҷілернің 17:31

Худай чир ӱстӱндегі чонның орта чарғызын итчең кӱнні Позы таллап алған Кізізі пастыра адап салған. Анзын Ол, Аны ӧлімнең тірілдіріп, прай кізілерге киречілеен.

2 Коринфтегілерге 5:10

Піске прайзыбысха Христостың чарғызы алнында турарға килізер. Андада пу чирде ит-ханыбыста чуртаан туста иткен чахсы ба, хомай ба киректерібіс ӱчӱн полғаныбыс ла нандырығ тударбыс.

Матфей 28:18

Иисус, чағын пас киліп, теен: – Тигірнең чир ӱстӱнде прай ӱлгӱ Мағаа пирілді.

Илҷілернің 10:42

Иисус піске чахаан: кізілерні ӱгредіп, Позының тіріг паза ӧліг кізілерге Худай турғысхан Чарғыҷы полчатханын киречілирге.

Иоанн 9:39

Кӧрбинчеткеннер кӧрзіннер, кӧрчеткеннері, тізең, кӧрбезіннер тіп, мына мындағ чарғынаң чарғылирға чир-чалбахха килгем, – теен Иисус. –

2 Тимофейге 4:1

Хан-пигібіс Иисус Христос тіріглерні паза ӧліглерні чарғылирға паза Позының хан-чирін турғызарға килер. Аннаңар Худайның паза Хан-пигібіс Иисус Христостың алнында синнең алданчам:

Римдегілерге 2:16

Ідӧк Худай кізілернің чазыт киректерін Иисус Христостың пастыра чарғылир кӱнде полар. Анзынаңар мин чарлаан Чахсы Хабарда чоохталча.

Иоанн 17:2

Син Ағаа прай кізілернең устирға ӱлгӱ пиргеннеңер, Ол даа Синің Ағаа пирген прай кізілеріңе мӧгі чуртас пирер.

1 Петрның 4:5

Че олар Худайның алнында нандырығ тударлар. Ол ӧліглерні паза тіріглерні чарғылирға тимнен салған.

Матфей 16:27

Кізі Оолғы Позының Пабазының сабланызында паза Аның ангеллерінең хада килер. Андада полғанына ла иткен киректері хоостыра пирер.

Иоанн 3:35

Пабазы, Оолғына хынып, Ағаа прай ӱлгӱзін пирібіскен.

Матфей 11:27

Пабам прай нимені Мағаа пирген. Оолғын Пабазынаң пасха пір дее кізі пілбинче, Пабазын даа Оолғынаң пасха, паза Оолғы Пабазынаң таныстырарға хынған кізілердең пасха пірдеезі пілбинче.