Иоанн 5:20 - Наа Молҷағ

²⁰ Пабазы, Оолғына хынып, Позының итчеткен нимелерін прай Ағаа кӧзітче. Сірерні хайхадар ӱчӱн, Ол Ағаа мыннаң даа улуғ нимелер кӧзідер.

Иоанн 5:20 Referans Kwoze

Иоанн 3:35

Пабазы, Оолғына хынып, Ағаа прай ӱлгӱзін пирібіскен.

Матфей 3:17

Ол туста тигірдең ӱн истілген: – Пу Минің хынған Оолғым, Ол Минің кӧңніме тың кірче.

2 Петрның 1:17

Хаҷан Ол илбек аарласты паза сабланысты Худай-Пабазынаң алғанында, піс анда полғабыс. Андада илбек сабланыс пулудынаң ӱн истілген: «Пу Минің хынчатхан Оолғым, Ол Минің кӧңніме тың кірче».

Иоанн 17:26

Мағаа хынған хынызың оларның чӱректерінде ползын, Мин дее оларда полим тіп, Синнеңер оларға чоохтаам. Мыннаң мындар даа чоохтирбын.

Иоанн 15:15

Мин сірерні нымысчыларым тіп паза адабинчам. Нымысчы кізі ээзінің иткен нимелерін пілбес. Мин, сірерні арғыстарым тіп адап, Пабамнаң искен прай нимелерні сірерге чоохтап пирдім.

Иоанн 14:12

Сынны сірерге чоохтапчам, Мағаа киртінчеткен кізі Минің итчеткен киректерімні дее идер, Пабамзар парчатханымнаңар, аннаң даа кӧп идер.

Иоанн 10:32

Мин сірерге, Пабамның Мағаа пирген кӱзінең кӧп чахсы киректер идіп, кӧзіт пиргем. Хайзының ӱчӱн сірер Мині таснаң чоо чаалап саларға итчезер? – теен оларға Иисус. –

Иоанн 5:29

Чахсы ниме иткеннері чуртирға тірілерлер, че хомай ниме иткеннері чарғыладарға тур килерлер.

Иоанн 5:25

Сынны сірерге чоохтапчам, ӧліглернің Худай Оолғының ӱнін исчең, паза, аны истіп, тіріл килҷең тус чағдап одыр, ол чит тее килді полар.

Иоанн 5:21

Хайди Пабазы ӧліглерге, тірілдіріп, чуртас пирче, Оолғы даа, кемге пирерге хынза, ағаа чуртас пирче.

Иоанн 1:18

Худайны пір дее кізі хаҷан даа кӧрбеен. Пабазының иң чағыны, чалғыс Оолғы ла, кӧріп, Аннаңар піске, прай чоллап, искір пирген.

Лука 10:22

Анаң, ӱгренҷілерінзер айланып, чоохтанған: – Пабам прай нимені Мағаа пирген. Кем Оолғы полчатханын, Пабазынаң пасха пірдеезі пілбинче. Кем Пабазы полчатханын даа, Оолғынаң пасха пірдеезі пілбинче. Кемге Оолғы Аны ас пирерге хынча, олар ла пілче.

Матфей 17:5

Ол іди чоохтанчатхан арада, оларның ӱстӱнде чарыпчатхан пулут сых килген, анаң пулуттаң ӱн истілген: – Пу Минің хынчатхан Оолғым, Ол Минің кӧңніме тың кірче. Истіңер Аны!

Матфей 11:27

Пабам прай нимені Мағаа пирген. Оолғын Пабазынаң пасха пір дее кізі пілбинче, Пабазын даа Оолғынаң пасха, паза Оолғы Пабазынаң таныстырарға хынған кізілердең пасха пірдеезі пілбинче.

Матфей 4:8

Сайтан, тізең, Аны уғаа пӧзік тағ ӱстӱнзер апарып, чир ӱстӱндегі прай хан-чирлерін паза оларның пайын паза сілиин Ағаа кӧзідіп,