Иоанн 3:5 - Наа Молҷағ

⁵ Сынны чоохтапчам сағаа, кем суғдаң паза Хуттаң тӧреен, ол ла Худай хан-чирінзер кір полар, – нандырған Иисус. –

Иоанн 3:5 Referans Kwoze

Илҷілернің 2:38

Пётр, тізең, оларға теен: – Полғаныңар ла, чазыхтарыңнаң хыйа полып, чазыхтарыңны позыттыртып алар ӱчӱн, Иисус Христостың адынаң кіреске тӱзіңер. Андада Худай Худын тикке аларзар.

Ефестегілерге 5:26

Ол, Чахсы Хабарны чир ӱстӱне читіріп, тигірибні Худайға чарыдар ӱчӱн, аны, суғнаң чуубызып, арығлап салған.

1 Петрның 3:21

Амды піс тее суғ пастырох кіреске тӱсчебіс. Че анзы кізінің идінің кірін арығланғаны нимес. Ол Худайзар арығ чӱректіг айланғанын таныхтапча. Іди кіреске тӱскені Иисус Христостың тірілгені пастыра сірерні арачылапча.

1 Коринфтегілерге 6:11

Сірернің аразында андағлар полғаннар. Че арығланып алғаннар, ах-арығ пол парғаннар, Хан-пигібіс Иисус Христос паза Худайыбыс Худының пастыра ахтанып алғаннар.

Матфей 3:11

Мин сірерні, Худайзар айланып, чазыхтарыңнаң хыйа полғаннарыңны таныхтап, суғда кіреске тӱзірчем, че соомҷа Килчеткені миннең улуғ. Мин Аның ӧдігін дее апарарға турыстығ нимеспін. Ол сірерні Худай Худынаң паза отнаң кіреске тӱзірер.

Иоанн 3:3

Сынны чоохтапчам сағаа, кем Худайдаң хатап тӧреен, ол ла Худай хан-чиріне чидер, – нандырған ағаа Иисус. –

Марк 16:16

Киртінгеннері, кіреске тӱскеннері арачылалар, киртінмееннері чарғыладар.

1 Коринфтегілерге 2:12

Че піс пу чирдегі хутты албаабыс, че Худайдаң піске сыйыхталғанын пілер ӱчӱн, Аннаң Хутты алғабыс.

Иоанн 1:13

Худай палалары олаңай паба-іҷедең не нимес, че Худайдаң тӧридірлер.

1 Иоанның 5:1

Иисустың Мессий Арачылағҷы полчатханына киртінчеткен полған на кізі Худайдаң тӧреен. Пабаа хынчатхан полған на кізі, тізең, пабаның тӧріткен палазына даа хынча.

1 Иоанның 2:29

Сірер, Аның орта итчеткенін пілчетсер, орта итчеткен полған на кізінің Худайдаң тӧреенін дее пілерге кирексер.

Галат чиріндегілерге 6:15

Христос Иисуснаң хада полза, сӱннетті иттіргеннің алай иттірбееннің пасхазы чоғыл, ӧӧні – наа кізі чайалғаны.

Римдегілерге 14:17

Худайның хан-ӱлгӱзі ас-суғ нимес нооза. Че ол ах сағыс, амыр чуртас паза Худай Худынаң пирілген ӧрініс.

Матфей 28:19

Парыңар, прай чоннарны Пабаның, Оолғының паза Худай Худының адынаң кіреске тӱзіріп, Мин сірерге идерге чахаан нимелерні толдырарға ӱгредіп, оларны Минің ӱгренҷілерім ит салыңар. Прай кӱннерде, тӱгенҷі тус тоозылғанҷа, Мин сірернең хадабын. Аминь.

Матфей 18:3

теен: – Сынны тіпчем сірерге: постарыңның оңдайларыңны алыстырбазар, олған чіли пол парбазар, Тигір хан-чирінзер кір полбассар.

1 Петрның 1:2

Нимені азынада пӧгінчеткен Худай Паба сірерні, таллап, Худай Худы пастыра ах-арығ иткен. Іди Иисус Христостың сӧзі хоостыра полып, сірер Аның ханынаң арығлаларға таллалғазар. Худайның паарсазы паза амыры сірерде кӧптелзін.

Илҷілернің 3:19

Чазыхтарың тасталзын тіп, пыросыныңар паза Худайзар айланыңар.

Лука 13:3

Чох, тіпчем сірерге, че пыросынып, чазыхтарыңнаң хыйа полбазар, прайларың ідӧк ӧл парарзар.

Матфей 5:20

Тіпчем сірерге, ол чахығларны Моисей Чахии пілігҷілерінең паза фарисейлердең артых толдырбазар, Тигір хан-чирінзер кір полбассар. –

Римдегілерге 8:2

Христос Иисустың пастыра чуртасты пирчеткен Худай Худының чахии мині чазыхтың паза ӧлімнің ӱлгӱзінең позытхан.

Лука 13:24

Сірер тар ізіктерҷе иртерге кӱстеніңер. Тіпчем сірерге, кӧп кізі кірерге харазар, че полынмастар.

Лука 13:5

Чох, тіпчем сірерге, че пыросынмазар, прайларың ідӧк ӧл парарзар.

Матфей 19:24

Тіпчем сірерге пазох, тибенің іңе ӱдінҷе ирт парыбызары пай кізінің Худай хан-чирінзер кірерінең хай-хай оой.

Матфей 21:31

Пу ікі оолның хайзы пабазының чахиин толдырған? Ағаа тееннер: – Пастағызы. Иисус оларға теен: – Сынны сірерге тіпчем, албан чығҷаңнар паза чӧреечі ипчілер Худай хан-чирінзер сірердең пурун кірерлер.

Марк 9:47

Сынап чазыхха сині харааң сухчатса, аны сығара ал тастабыс. Худай хан-чирінзер саар харахтығ кіргені кӧйчеткен кӧлзер ікі харахтығ тастатханнаң артых полар.

Марк 10:14

Аны кӧре, Иисус, тарын парып, оларға чоохтанған: – Палаларға Минзер иртерге чарадыңар, харығ полбаңар оларға. Худай хан-чирі пала осхас кізілерни полар.

Иоанн 3:4

Улуғ кізі хайди хатап тӧрир? Іҷезінің істіне хатап кіріп, тӧрир бе ни? – теен Никодим. –

1 Коринфтегілерге 15:50

Че, харындастарым, мыны чоохтап пирим сірерге: ит паза хан Худай хан-чирін ал полбастар паза тӱген парчатханы мӧгі чуртасха чидін полбинча.