Иоанн 3:36 - Наа Молҷағ

³⁶ Худайның Оолғына киртінчеткен кізінің мӧгі чуртазы пар; Худайның Оолғына киртінминчеткен кізінің, тізең, андағ чуртазы чоғыл, че Худайның хатығланғаны ағаа чидер.

Иоанн 3:36 Referans Kwoze

Иоанн 5:24

Сынны сірерге чоохтапчам, Минің сӧзім исчеткен паза Мині ысхан Пабама киртінчеткен кізі, мӧгі чуртастығ полып, чарғы алнында турбин, ӧлімзер апарчатхан чолдаң хыйа сығып, аннаң андар чуртап одырар.

Иоанн 1:12

Аны удурлаан паза Ағаа киртінген кізілерге Худайның палалары полҷаң оңдай пирілген.

1 Фессалониктегілерге 5:9

Худай пісті ӧкпезін читірерге тіп салбаан нооза, че Хан-пигібіс Христос Иисустың пастыра арачыланыс аларына салған.

Ефестегілерге 5:6

Сірерні пірдеезі тик-хуруғ сӧстернең алаахтырбазын. Андағ нимелер ӱчӱн чоох испестерге Худайның тарынғаны чидер.

Римдегілерге 5:9

Амды піс Христостың ӧлімінең ахтанып алып, Худайның чарғызынаң Аның пастыра улам озып аларбыс.

Иоанн 8:51

Сынны сірерге чоохтапчам, сӧзімні толдырчатхан кізі хаҷан даа ӧлбес.

Иоанн 10:28

Мин оларға мӧгі чуртасты пирчем, аннаңар олар хаҷан даа ӧлбестер, пірдеезі оларны Миннең оғырлап полбас.

Иоанн 3:3

Сынны чоохтапчам сағаа, кем Худайдаң хатап тӧреен, ол ла Худай хан-чиріне чидер, – нандырған ағаа Иисус. –

Азых чоох 21:8

Че хортыхтарға, киртініс чохтарға, чабал хылыхтығларға, кізі ӧдірчеткеннерге, оралысхахтарға, сыбырағҷыларға, сын нимес худайларға пазырчатханнарға паза прай чойларға кӧйчеткен сералығ кӧлде орын полар. Мынзы – ікінҷі ӧлім.

1 Фессалониктегілерге 1:10

Олар ідӧк чоохтааннар, хайди сірер Худай Оолғының Иисус Христостың тигірдең килерін сағыпчазар. Аны Худай ӧлімнең тірілдірген. Ол, тізең, пісті полар чарғының хорғызынаң арачылаан.

Галат чиріндегілерге 3:10

Моисей Чахиина тӧстенчеткеннер, тізең, харғадарлар. Пазылых нооза: чахығлар киндезінде прай пазыл парған нимені сыбыра толдырбинчатхан кізі харғадар.

Римдегілерге 8:1

Ол оңдайнаң пӱӱн Христос Иисуснаң ит-ханның оңдайынҷа нимес, Хуттың хоостыра чуртапчатханнар чарғылатпастар.

Лука 3:6

Худай арачылапчатханын прай чон кӧрер».

Еврейлерге 10:29

Андағ полза, Худайның Оолғын нимее салбинчатхан кізілернең ниме полар? Олар молҷағны таңмалапчатхан паза чазыхтардаң арығлаан ханның тӧгілгенін аарлабинчалар. Олар паарсах Худай Худын сӧклепчелер.

Еврейлерге 2:3

Аннаңар андағ илбек арачыланысты хыйа идіп, хатығластаң хайди осчаң поларбыс. Пу арачыланыстаңар пастап Хан-пиг Позы чарлаан полған. Аны искен кізілер, тізең, піске пу ӱгредігнің сын полчатханын кӧзіткеннер.

Римдегілерге 4:15

Чахығдаң хатығлас килче. Чахығ чох полза, аны сайбааны даа чох полча нооза.

Лука 2:30

Син, прай чоннарның кӧзіне тимнеп, ысхан арачыланысты позымның хараамнаң кӧрдім:

Матфей 25:46

Анаң мыннары тоозылбас хатығ чарғаа ызыларлар, арығ чӱректіг кізілер, тізең, мӧгі чуртассар парарлар.

Марк 16:16

Киртінгеннері, кіреске тӱскеннері арачылалар, киртінмееннері чарғыладар.

Иоанн 4:36

Орта тіпчелер: «Пірсі таарыпча, паза пірсі ас кисче». Асты таарыпчатханы даа, кискені дее хада ӧрінзіннер тіп, хыра кисчеткеннер тоғыстары ӱчӱн тӧлег алчалар, чыылған ас – кізілер – тізең, мӧгі чуртас алчалар.

Иоанн 6:58

Тигірдең тӱскен халас ӧбекелернің чеен халазы осхас нимес, ӧбекелерібіс оларға пирілген халасты чееннер, че соонаң ӱрееннер. Че пу халасты чеен кізі мӧгі чуртастығ полар.

Илҷілернің 14:2

Че киртінминчеткен иудейлер, олардаң тоғыр иудей ниместернің кӧңнілерін тибіредібізіп, хорылыс иткеннер.

Еврейлерге 3:18

Кемні Худай «Мин пирчеткен тынанҷаң орынға олар хаҷан даа кірбестер» тіп харғап салған? Ағаа удурласханнарны нимес пе зе?

Еврейлерге 3:19

Ам піс кӧрчебіс: олар Худай молҷаан орынға киртініс чохтарынаңар кір полбааннар.