Иоанн 3:14 - Наа Молҷағ

^14-15 Чыланға ызыртхан кізілер ӧлбес ӱчӱн, чис чыланзар кӧрзіннер тіп, Моисей чистең иділген чыланны хуу чазыда, ағасха хазап, кӧдір салған. Сах іди, Кізі Оолғына киртінчеткен кізілер ӧлбезіннер, мӧгі чуртастығ ползыннар тіп, Аны, ағасха хазап, кӧдір саларға кирек.

Иоанн 3:14 Referans Kwoze

Иоанн 8:28

Иисус аннаң андар чоохтаан: – Кізі Оолғын чирдең ӧӧр кӧдіріп, хазап салзаңар, андада «Мин Минмін» тіп піліп аларзар. Мин Позым алынҷа пір дее ниме итпинчем, Пабам ӱгреткен хоостыра чоохтапчам.

Илҷілернің 2:23

Худайның кӧңні паза азынада пӧгінгені хоостыра сірер Иисусты хаап алғазар, анаң Моисей Чахиинаң чараспинчатхан кізілер пастыра Аны, кіреске позығнаң хазап, ӧдір салғазар.

Матфей 26:54

Андада Худай Пічиинде прай ниме толдырыл парарға кирек тіп пазылғаны хайди толар?

Лука 24:20

Пістің улуғ абыстар паза пастыхтар Иисусты ӧлімге чарғылирға пирібіскеннер, анаң Аны кіреске хазап салғаннар.

Матфей 8:20

Андада Иисус ағаа піди тіпче: – Тӱлгӱлернің іннері пар, тигірдегі хустарның – уйалары, че Кізі Оолғының, пазын хыйын салып, тынанып алҷаң орны чоғыл.

Иоанн 6:51

Худайдаң тӱсчеткен тигірдегі тіріг халас Минмін. Пу халасты чіпчеткен кізі мӧгі чуртастығ полар. Минің пирер халазым Минің ит-сӧӧгім полча. Мин аны чир-чалбахтағы кізілернің чуртастары ӱчӱн пирібізербін.

Иоанн 18:32

Иисустың хайдағ ӧлімнең ӧл парарынаңар чоохтаан сӧстерінің тол парары ӱчӱн, мындағ чоох пол парған.