Иоанн 20:31 - Наа Молҷағ

³¹ Пу пічік сірерге Иисустың Мессий-Христос, Худайның Оолғы полчатханына киртінзіннер тіп пазылған. Іди киртініп, сірер чуртас аларзар.

Иоанн 20:31 Referans Kwoze

Илҷілернің 10:43

Прай ухаанҷылар киречілепчелер Иисустаңар паза Ағаа киртінчеткен полған на кізінің чазыхтардаң Аның адынаң позып поларынаңар.

1 Иоанның 5:1

Иисустың Мессий Арачылағҷы полчатханына киртінчеткен полған на кізі Худайдаң тӧреен. Пабаа хынчатхан полған на кізі, тізең, пабаның тӧріткен палазына даа хынча.

1 Иоанның 5:20

Худай Оолғының, піссер киліп, сын Худайны піліп алар сағысты піске пиргенін пілчебіс. Піс сын Худайдабыс, Аның Оолғы Иисус Христостабыс. Ол – сын Худай паза мӧгі чуртас.

1 Иоанның 4:15

Иисус – Худайның Оолғы тіп, ікінҷілебин чоохтанчатхан кізіде Худай полча, ол даа кізі Худайда полча.

Иоанн 3:36

Худайның Оолғына киртінчеткен кізінің мӧгі чуртазы пар; Худайның Оолғына киртінминчеткен кізінің, тізең, андағ чуртазы чоғыл, че Худайның хатығланғаны ағаа чидер.

Иоанн 3:18

Худайның чалғыс Оолғына киртінчеткен кізі чарғылатыртпинча, че киртінминчеткен кізі, тізең, киртінмеені ӱчӱн, чарғылатырт салған.

2 Иоанның 1:9

Христостың ӱгредиин толдырбин, аны пос оңдайынҷа алыстырчатхан кізі Худайға киртінминче. Христостың ӱгредиин толдырчатхан кізіде, тізең, Паба даа, Оолғы даа пар.

Иоанн 6:40

Мині Ысханның кӧңні мындағ: Худайның Оолғын кӧрчеткен паза Ағаа киртінчеткен полған на кізі мӧгі чуртастығ ползын. Мин дее аны тӱгенҷі кӱнде тірілдір саларбын, – нандырған Иисус.

Иоанн 19:35

Пу нимені позы кӧрген кізі сірерге, киртін сыхсыннар тіп, прай чоохтап пирген. Аның чооғы сын. Ол сынны чоохтапчатханын пілче.

Иоанн 20:28

Хан-пигім паза Худайым минің! – нандырған Фома. –

Иоанн 10:10

Оғыр пір ле нимее килче: оғырлирға, ӧдірерге паза ӱредерге. Мин, тізең, кізілер чуртастығ, толдыра чуртастығ ползыннар тіп, килгем.

Иоанн 5:24

Сынны сірерге чоохтапчам, Минің сӧзім исчеткен паза Мині ысхан Пабама киртінчеткен кізі, мӧгі чуртастығ полып, чарғы алнында турбин, ӧлімзер апарчатхан чолдаң хыйа сығып, аннаң андар чуртап одырар.

Лука 1:4

Сағаа пирілген ӱгредігнің нинҷе пар сынын прай пӱкӱлге піліп аларың ӱчӱн, іди иткем.

Матфей 16:16

Син – Мессий-Христоссың, Тіріг Худайның Оолғызың, – нандырған Симон-Пётр.

Лука 24:47

Амды Аның адынаң, Иерусалимнең пастади, прай чоннарны, пыросынып, чазыхтардаң позирға ӱгредерге кирек.

Марк 16:16

Киртінгеннері, кіреске тӱскеннері арачылалар, киртінмееннері чарғыладар.

Матфей 27:54

Иисусты хадарчатхан чааҷылар, оларның пазы, чир тітіреенін паза полчатхан прай нимені кӧріп, чоо хорых парып, тееннер: – Ол сынап таа Худай Оолғы полтыр.

Илҷілернің 9:20

Сах андох синагогаларда, кізілерні Иисус Худай Оолғы полча тіп ӱгрет сыххан.

Илҷілернің 8:36

Іди олар, чолларын узарадып, суға чит килгеннер. Андада евнух теен: – Мына суғ, мағаа кіреске тӱзерге ниме харығ полча? –

Илҷілернің 3:16

Иисустың адына киртініс ӱчӱн, Аның ады пу сірер кӧрчеткен паза таныпчатхан кізінің саан кирді. Аннаң килчеткен киртініс, тізең, ағаа прайзыңарның кӧзіне хазыхтаныс пирді.

Иоанн 1:49

Ӱгретчі! Син – Худай Оолғызың, Син – Израиль Ханызың! – хысхырған Нафанаил. –

Азых чоох 2:18

«Фиатирдағы тигірибнің ангеліне пас пир: От чіли чалыннапчатхан харахтығ паза холадаң урылған осхас азахтығ Худай Оолғы піди тіпче:

1 Петрның 1:9

Киртіністерің сірерні арачыланысха ағылча нооза.

Матфей 4:3

Анаң, Аныңзар хыҷыхтандырҷаң сайтан киліп, теен: – Син сынап Худай Оолғы полчатсаң, пу тастар халасха айлан парзыннар тіп чоохтан.

Лука 1:35

Ангел ағаа нандырған: – Худай Худы, синзер киліп, Ӧӧркі Чайаачының кӱзінең сині кӧлебізер, аннаңар тӧреен Паланы ах-арығ паза Худай Оолғы тіп адирлар.

Илҷілернің 8:37

Прай чӱрееңернең киртінчетсеңер, кіреске тӱзерге чарир, – нандырған ағаа Филипп. – Иисус Христостың Худай Оолғы полчатханына киртінчем, – нандырған ағаа анзы.