Иоанн 19:23 - Наа Молҷағ

²³ Чааҷылар, Иисусты кіреске хазап салған соонда, Аның кип-азахтарын алып, полған на чааҷаа пірер чардыхтаң киліссін тіп, тӧрт чара ӱлезіп алғаннар. Узун кӧгенее халған. Ол, тігілбин, пӱкӱлее соғылған полған. –

Иоанн 19:23 Referans Kwoze

Лука 23:34

Иисус, тізең, чоохтанған: – Пабам! Пу кізілернің пыроларын таста, ниме итчеткеннерін пілбинчелер нооза. Анаң чааҷылар, ӱлӱске тас тастап, Иисустың кип-азаан ӱлескеннер.

Марк 15:24

Анаң, Иисусты кіреске хазаан соонда, чааҷылар, пос аразында Аның кип-азаан ӱлеп, ӱлӱске тас тастааннар.

Матфей 27:35

Чааҷылар, Иисусты кіреске хазап салып, ӱлӱске тас тастап, Аның кип-азаан ӱлескеннер.

Илҷілернің 12:4

Ирод хан Пётрны, тудып алып, харибге чаап салып, он алты чааҷаа тӧртердең теести хадарарға чахығ пирген. Ол Пётрны Па́сха ӱлӱкӱні соонда, чон алнынзар сығарып, чарғылирға сағынған.