Иоанн 17:21 - Наа Молҷағ

²¹ Чир-чалбах Синің Мині ысханыңа киртінзін тіп, прайзы пір кізі осхас ползын: Пабам, Синің Минде полчатханың, Минің Синде полчатханым чіли, олар даа Пісте ползыннар тіп сурынчам.

Иоанн 17:21 Referans Kwoze

1 Коринфтегілерге 12:12

Кізі иді-ханы пӱкӱл, че аның чӱллері кӧп полча нооза. Ол пір ит-ханның чӱллері кӧп тее ползалар, хада-пірге пір ит-хан полчалар. Ідӧк Христос.

Иоанн 17:11

Мин амды чир-чалбахта нимеспін, че олар чир-чалбахталар. Мин, тізең, Синзер парчам. Ах-арығ Пабам! Пізӧк чіли, пір кізі осхас ползыннар тіп, Позыңның кӱзіңнең Мағаа пирген кізілерні хайраллап хал.

Филипптегілерге 1:27

Итсе, Христостың Чахсы Хабарына турыстыра чуртаңар. Мин, киліп, сірерні кӧрзем, алай саңай даа килбезем, сірер пір сағыстығ, пір кӧңніліг полчатханнарыңны, Чахсы Хабардаң килчеткен киртіністің ӱчӱн хада-пірге кӱресчеткеннеріңні истерім килче.

Иоанн 13:35

Удур-тӧдір хыныссаңар, Минің ӱгренҷілерім полчатханнарыңны прайзы пілер. –

Илҷілернің 4:32

Худайға киртінгеннер пос аразында пір чӱректіг паза пір сағыстығ пол парғаннар. Пірдеезі позының ис-пайына «мини» тібеҷең, че пар ниме прайзыни полған.

Иоанн 10:38

Итчетсем, Мағаа киртінминдеечетсеңер, итчеткен киректеріме киртініңер! Андада сірер, Пабамның Минде, Минің Пабамда полчатханыбысты піл салып, киртін сығарзар.

Иоанн 10:30

Пабамнаң Мин – пірбіс.

Галат чиріндегілерге 3:28

Амды иудей дее, грек тее чоғыллар, хул даа, пос кізі дее, ирен дее, ипчі дее чоғыллар. Сірер прайзыңар Христос Иисуснаң пір пол парғазар.

1 Коринфтегілерге 1:10

Хан-пигібіс Иисус Христостың адынаң алданчам, харындастар, сірерні прайзын пір чоохтығ ползыннар тіп. Араңарда чарылыстар полбазыннар, че прайзы пір кӧңніліг, пір сағыстығ полыңар.

Римдегілерге 12:5

Піс тее кӧппіс, че Христоста пір ит-ханнығбыс. Полғанын на пос алынҷа алза, тізең, ол пасхаларына ит-ханның пір чардығы ла осхас.

1 Иоанның 5:7

Тигірде ӱс киречі пар: Паба, Сӧс паза Худайның Худы. Олар ӱзӧлең пір осхастар.

Илҷілернің 2:46

Кӱннің сай олар храмда хаданаң хада полҷаңнар, тураларында даа, чіҷең ниме тимнеп, ачых-чарых паза арығ чӱректіг азыранҷаңнар.

Иоанн 17:25

Орта нимее хынчатхан Пабам! Чир ӱстӱ Сині пілбинче, че Мин Сині пілчем. Мині ысханыңны даа Мағаа пирген кізілерің пілчелер.

Иоанн 10:16

Минің пасха даа хойларым пар, олар пу хазаадаң ниместер. Оларны даа пеер ағыл килерге кирекпін. Олар даа Минің ӱнімні истерлер. Андада пір ӧӧр паза пір Хадарҷы полар.

Иоанн 17:3

Мӧгі чуртас Сині – чалғыс сын Худайны – паза Син ысхан Иисус Мессий-Христос полчатханын пілчеткені полча.

Иоанн 5:23

Пу оңдайнаң прайзы, Пабазын хайди улуғлапчалар, сах іди Оолғын улуғлазыннар. Оолғын улуғлабинчатхан кізі Аны ысхан Пабазын даа улуғлабинча.

Иоанн 3:17

Худай Позының Оолғын чарғы идерге нимес, че прай кізілерні арачылирға ысхан.

Иоанн 17:18

Син Мині чир-чалбахсар ысхан чіли, Мин дее оларны чир-чалбахтағы чоннарзар ысхам.

Иоанн 11:42

Мині сыбыра истіпчеткеніңні пілчем. Мині ысханыңа киртінзіннер тіп, мында турчатхан чонға пу сӧстерні чоохтадым.

Иоанн 17:20

Мин оларның на ӱчӱн нимес, че оларның сӧстері хоостыра Мағаа киртінер кізілернің ӱчӱн сурынчам.

1 Коринфтегілерге 6:17

Хан-пигнең піріккен кізі Хан-пигнең пір хуттығ пол парча.

1 Иоанның 1:3

Піснең пір палғалыстығ поларларың ӱчӱн, сірерге позыбыстың кӧрген, искен нимелерібістеңер искірчебіс. Піснең палғалысханы, тізең, Пабанаң паза Аның Оолғы Иисус Христоснаң палғалысханы полча.

Марк 3:24

Хан-чирі позы позында ікі пӧліл парза, ол ӱлгӱ тур полбас

Иоанн 13:32

Худай сабланза, Худай Позын даа, Кізі Оолғын даа сабландырар, сағамох Аны сабландырар.