Иоанн 17:19 - Наа Молҷағ

¹⁹ Олар, Сынны піліп, Сини ползыннар тіп, оларның ӱчӱн Позымны Синің холыңа пирчем.

Иоанн 17:19 Referans Kwoze

Еврейлерге 2:11

Чазыхтаң арығлапчатхан Иисус кізі полча, чазыхтаң арығланчатханнары даа – кізілерӧк. Аннаңар оларны харындастар тіп адирға Ағаа уйадыстығ нимес.

Титке 2:14

Ол, пісті хайдағ даа чабал киректең ал халар паза ах-арығ чон ит салар ӱчӱн, Позының тынын пир салған. Амды піс Аның чоныбыс паза чахсы киректер идерге салынчабыс.

Иоанн 17:17

Оларны, Позыңа чарып алып, Сын нимее ӱгредіп, арығ ит. Синің сӧзің Сын.

1 Коринфтегілерге 1:2

Коринфтегі Худай тигірибіне. Христос Иисусха киртін парып, Худай кізілері пол парғаннарға, ах-арығ чуртасха хығыртылғаннарға, прайзына, пістің паза оларның ноо даа чирінде Хан-пигібіске Иисус Христосха пазырчатханнарға:

2 Тимофейге 2:10

Аннаңар, талламалары Христос Иисуста арачыланыс табарлары паза мӧгі сабланысха кірерлері ӱчӱн, мин прай сидіктерні сыдас турбын.

1 Фессалониктегілерге 4:7

Худай сірерні кір-похсахха пастырбасха, ах-арығ чуртирға хығырған.

2 Коринфтегілерге 8:9

Хан-пигібіс Иисус Христостың паарсазын пілчезер нооза. Ол Позы, пай полчадып, сірернің ӱчӱн чох-чоос полыбысхан. Позы чох-чоос полыбысханынаң сірерні пай ит саларға хынған.

2 Коринфтегілерге 4:15

Прай пу ниме сірерге туза. Худайның паарсазы кӧптең кӧп кізее читче. Худай сабланар ӱчӱн, олар Аны улам кӧп алғыстапчалар.

Еврейлерге 9:26

Іди киректелген полза, Ағаа, чир пӱткеннең ала, кӧп хати ирееленерге килізерҷік. Ағаа, тізең, чазыхты чох идер ӱчӱн, Позын тайыға пиріп, тӱгенҷі кӱннерде пір ле хати килерге киректелген.

Еврейлерге 10:29

Андағ полза, Худайның Оолғын нимее салбинчатхан кізілернең ниме полар? Олар молҷағны таңмалапчатхан паза чазыхтардаң арығлаан ханның тӧгілгенін аарлабинчалар. Олар паарсах Худай Худын сӧклепчелер.

Еврейлерге 9:13

Ӧртеен хазыраның ойбазынаң поралалған ӧскілернең пуғаларның ханы, Чахығ хоостыра Худайның алнында чазыхтығ кізілерге чачырадылып, оларны арығлапчатхан полза,

Еврейлерге 9:18

Аннаңар, пастағы Молҷағ алылчатханда, хан киректелген.

Иоанн 15:3

Минің ӱгредииме киртінчеткеннерің ӱчӱн, сірер амды арығзар.

Иоанн 15:13

Арғыстарының ӱчӱн позының тынын пирерге тимде полғаннаң артых хыныс чоғыл.

Иоанн 17:20

Мин оларның на ӱчӱн нимес, че оларның сӧстері хоостыра Мағаа киртінер кізілернің ӱчӱн сурынчам.

2 Коринфтегілерге 7:14

Мин ағаа сірерні махтааным ӱчӱн, мағаа уйадарға киліспеен. Сірерге чоохтаан ниме дее, Титке сірерні махтааныбыс таа, прай сынға айлан парды.

Колоссадағыларға 1:6

Ол сӧс сірернің араңарда паза тиксі-тилекейде чӧрче. Ол, ӧзіп, ниміс пирче. Ідӧк сірер Худайның сын паарсазын піліп алған кӱннең пасти сірерде дее ол сӧс ниміс пирче.

1 Иоанның 3:3

Пу нимее ізенчеткен полған на кізі позы даа Иисус Христос осхас ах-арығ полып одырча.

1 Иоанның 3:18

Палаларым! Тілнең не, сӧснең не нимес, че киректерібіске тӧстенчеткен сын хыныснаң хынызааңар.