Иоанн 16:7 - Наа Молҷағ

⁷ Че Мин сынны сірерге чоохтапчам, Минің парчатханым, сірерге чахсаа полар. Мин парбазам, тізең, Турысчы сірерзер килбес. Мин, парып, Аны сірерзер ызарбын.

Иоанн 16:7 Referans Kwoze

Иоанн 14:26

Пабам Худай Худын – Турысчыны – Минің орныма сірерзер ызар. Ол сірерні прай нимее ӱгрет салар, прай чоохтаан нимелерімні сағысха кирдірер.

Иоанн 15:26

Пабамнаң сірерзер Турысчыны ызарбын. Пабамнаң сыххан паза сынны чоохтапчатхан Хут – Турысчы – килзе, Ол Миннеңер киречілир.

Римдегілерге 8:28

Піс, тізең, пілчебіс, Худайға хынчатханнарға паза Аның кӧңні хоостыра хығыртылғаннарға прай ниме чахсаа иділче.

Илҷілернің 2:33

Ол, Худайның оң саринзар кӧдіріліп, пирерге адалған Худай Худын, Пабазынаң алып, амды, сірер кӧргенни паза искенни, ӱстӱбіске чайыбысты.

Иоанн 7:39

Иисус мыны Худай Худынаңар чоохтаан полған. Ол Хутты Иисусха киртінчеткеннер алып алар полғаннар. Ол туста, Иисус сабланғалах полғаннаңар, кізілерде Худай Худы чох полған.

Лука 24:49

Мин сірерге Позымның Пабам молҷаан нимені ысчам. Сірерге ӧӧртін кӱс пирілгенҷе Иерусалим саарда пол турыңар.

Илҷілернің 10:34

Пётр чоохтан сыххан: – Худайның прай чоннарға пір син хайчатханын амды сынап кӧрчем.

Иоанн 14:28

«Сірердең парып, сірерзерӧк айланарбын» теен сӧстерімні искезер. Мағаа хынған ползаңар, «Мин Пабамзар парчам» тееніме, ӧрінерзер. Пабам Миннең дее илбектеңер, ӧрініңер.

Иоанн 14:3

Парып, сірерге орын тимнеп салып, нандыра айланып, Позымның полчатхан чирімзер сірерні алып аларбын.

Лука 9:27

Сынны чоохтапчам сірерге, мында турчатханнарның хай-піреезі, ӧлгелеккеӧк, Худай хан-ӱлгӱзін кӧріп алар.

Лука 4:25

Сынны чоохтапчам сірерге, Илияның тузында, хаҷан ӱс чыл чарым наңмыр чағбин турғанда, прай чирде улуғ ӧзӧгіс полғанда, Израиль чирінде кӧп ӧкіс ипчі полған.

2 Коринфтегілерге 4:17

Піс кӧрінчеткен нимее кӧрбинчебіс, кӧрінминчеткенге кӧрчебіс. Аннаңар оой, иртісчең ирееленістерібіс илбек паза мӧгі сабланыс тӧрітчелер. Харахха кӧрінчеткен нименің тузы хысха, харахха кӧрінмес ниме, тізең, мӧгі нооза.

Иоанн 16:8

Турысчы, киліп, кізілернің чазыхтарынаңар, Минің орта иткенімнеңер паза чарғыдаңар саба сағынчатханнарынаңар кізілерге киречілир: