Иоанн 16:13 - Наа Молҷағ

¹³ Сынны чоохтапчатхан Хут, киліп, сірерні сын нимее ӱгредер. Ол чоохтир ниме аның позының сағызынаң полбас, Худайдаң искен нимені паза полар нимедеңер сірерге чоохтап пирер.

Иоанн 16:13 Referans Kwoze

Иоанн 14:26

Пабам Худай Худын – Турысчыны – Минің орныма сірерзер ызар. Ол сірерні прай нимее ӱгрет салар, прай чоохтаан нимелерімні сағысха кирдірер.

Иоанн 14:17

Ол Турысчы – Сынны искірчеткен Хут. Кізілер Аны, кӧрбинчеткеннерінеңер паза пілбинчеткеннерінеңер, постарына чағын ит полбинчалар. Сірер Аны, чағын киріп, постарыңда халғысханнарыңнаңар, пілчезер.

Иоанн 15:26

Пабамнаң сірерзер Турысчыны ызарбын. Пабамнаң сыххан паза сынны чоохтапчатхан Хут – Турысчы – килзе, Ол Миннеңер киречілир.

1 Иоанның 2:27

Иисус Христостаң пирілген Худай Худы сірерде полча, аннаңар сірерні ӱгредерге кирек чоғыл. Ол Хут сірерні прай нимее ӱгретче. Ол сын, Анда чой ниме чоғыл. Аннаңар сірер Ол ӱгреткен оңдайҷа чуртаңар.

1 Иоанның 2:20

Худайның ах-арығ Оолғы, тізең, сірерге Худай Худын пиргеннеңер, сірер прай ниме пілчезер.

Иоанн 12:49

Мин Позым сағын таап алып чоохтанмаам, Мині ысхан Пабам ниме тирін паза ниме чоохтанарын чахаан.

1 Иоанның 4:6

Піс Худайдаңмыс. Худайны пілчеткен кізі пісті исче, че кем Худайдаң нимес, ол пісті испинче. Мына піди піс сын Хутты паза тайма хутты піліп алчабыс.

Иоанн 14:6

Чол, Сын паза чуртас – Минмін. Мағаа киртінчеткен кізі ле Пабамзар пар полар, Мин чох пірдеезі пар полбас.

Азых чоох 1:19

Аннаңар ниме кӧрчеткеніңні, ниме полчатханын паза мының соонда ниме поларын пас сал.

Иоанн 8:38

Мин сірерге Пабамда кӧрген нимелерні чоохтапчам, че сірер, тізең, сірернің пабаңарда кӧрген нимелерні итчезер. –

2 Фессалониктегілерге 2:3

Пірдеезі сірерні пір дее оңдайнаң аптап полбазын: Худайдаң кӧп кізі хыйа полбаанда паза чазых оолғы – ӧлімге салылар кізі – килгелекте, ол кӱн чағдабас.

Азых чоох 1:1

Пу – Иисус Христос асхан азых чоох. Аны Худай, тӱрчедең ниме пол парарын Позының нымысчыларына кӧзіт пирзін тіп, Иисус Христосха пирген. Иисус Христос, пу азых чоохты ангелі пастыра Позының нымысчызына, Иоаннға, ызып, кӧзіт пирген.

2 Фессалониктегілерге 2:12

Андада сынға киртінмееннері, че чазыхха хынғаннары прайзы чарғыладар.

Илҷілернің 27:24

Худай ангелі мағаа теен: «Хорыхпа, Павел! Син Рим хағанының алнында турарға кирексің, аннаңар синің ӱчӱн Худай синнең хада чӱс парчатханнарның тыннарын арачылир».

Илҷілернің 20:23

Че, мині хариб паза хыйаллар сағыпча тіп, Худай Худының прай саарларда киречілепчеткенін не пілчем.

Иоанн 3:32

Ол Позы кӧрген-искен нимедеңер чоохтапча, че Аның чооғына пір дее кізі киртінминче.

Илҷілернің 11:28

Оларның пірсі Агав, Худай Худы тол парып, тӱрче полза, прай чир ӱстӱнде илбек ӧзӧгіс полар тіп, ухаанҷылаан. Ол ӧзӧгіс сыннаң даа Клавдий хаған тузында полған.

Иоанн 16:12

Мин сағам кӧп ниме чоохтап пирерҷікпін, че сірер аны амды оңарбассар.

Еврейлерге 1:1

Худай пурунғыдаң ала ӧң-пазы оңдайларнаң ӧбекелерібіске ухаанҷылар пастыра кӧп хати чоохтанған.

1 Иоанның 5:6

Иисус Христос суғнаң кіреске тӱскен, ӧлімнең иртіп, тізең, пісті чазыхтарыбыстаң арығлаан. Ол суғдаң на иртпеен, че суғдаң паза ӧлімнең ирткен. Анзынаңар Худайның Худы киречілепче. Хут, тізең, хаҷан даа сын нооза.