Иоанн 16:11 - Наа Молҷағ

¹¹ Ол оларға, чир-чалбахтың кнезін – сайтанны – чарғылап, Худайның чарғызын кӧзіт пирер.

Иоанн 16:11 Referans Kwoze

Иоанн 12:31

Амды прай чирге чарғы тӱсті. Сайтан, чирнің кнезі, мыннаң сӱрдіртер.

1 Иоанның 3:8

Иң пурунғыдаң пеер сайтан чазых итче, аннаңар чазых итчеткен дее кізі сайтанның кізізі полча. Худай Оолғы сайтанның киректерін чох идерге килген.

Еврейлерге 2:14

Пу палалар ит-ханнығ кізілер полчатханнаңар, Иисус таа оларох осхас: кізі ит-ханында килген. Ол анзын кізілерні ӧлімге ағылҷаң кӱзі пар сайтанны Позының ӧлімінең чиңіп алар ӱчӱн иткен.

Колоссадағыларға 2:15

Пастыхтарның паза ӱлгӱлернің кӱзін пылазып, оларны прай чоннарның алнында іле сығарып, Позының чиңізін пайрам чорығынаң таныхтаан.

2 Коринфтегілерге 4:4

Ол кізілер киртінминчелер. Пу чабал тустың худайы полчатхан сайтан оларның сағыстарын харасхыда тутча. Ол Христостың сабланызынаңар чарлапчатхан Чахсы Хабарның чариин кӧрерге пирбинче. Че Христос Худайның омазы полча нооза.

Иоанн 14:30

Чир-чалбахтың кнезі – сайтан – чағын, аннаңар Мағаа сірернең чоохтазарға ӱр халбады. Аның Миннең устаҷаң ӱлгӱзі чоғыл.

Азых чоох 1:7

Мына! Ол пулуттарынаң хада килир. Аны полған на кізі кӧр салар, Аны кіреске хазаан кізілер дее кӧр саларлар. Прай чир ӱстӱндегі чоннар Аның алнында сыхтирлар. Ана іди полар. Аминь! –

2 Петрның 3:7

Хан Худайның чахии хоостыра пӱӱнгі тигірнең чир от-чалыннаң чох иділер ӱчӱн хайраллалча. Ол чарғы кӱнінде, Хан Худайны улуғлабинчатхан кізілерні чох итчең кӱнде, полар.

Еврейлерге 9:27

Полған на кізее, пір хати ӧліп, Худайның чарғызында турарға киліс парча.

Еврейлерге 6:2

Кіреске тӱзерінеңер, кізілернің пастарына хол салардаңар, ӧліглер тірілерінеңер паза тӱгенҷі кӱннің чарғызынаңар чоохтаспааңар.

Ефестегілерге 2:2

Хаҷан-да сірер, пу чир ӱстӱндегілернің чабал чолларынҷа парып, чир ӱстӱнде ӱлгӱ тутчатхан кнестің кӧңнінҷе полғазар. Ол ам даа Худайның чооғын испинчеткен кізілерні толғап парча.

1 Коринфтегілерге 4:5

Аннаңар, тузы читкелекке, Хан-пиг килгелекке, пір дее нимені ӱзӱрбеңер. Ол харасхыда чазырыл парғанны чарыдыбызар, чӱректегізін іле сығарыбызар. Андада полғанына ла Худайдаң махтас полар.

Илҷілернің 10:42

Иисус піске чахаан: кізілерні ӱгредіп, Позының тіріг паза ӧліг кізілерге Худай турғысхан Чарғыҷы полчатханын киречілирге.

Лука 10:18

Иисус оларға теен: – Тигірдең чалын на чіли тӱсчеткен сайтанны кӧргем.

Матфей 12:36

Тіпчем сірерге, полған на алас-улас сӧс ӱчӱн кізілер чарғы кӱнінде нандырарлар.

Матфей 12:18

«Мына Минің таллап алған Оолғым, Ол Минің хынғаным, Ағаа Минің кӧңнім ӧрінче. Ағаа Позымның Худымны пирербін. Ол, тізең, Минің чарғымны чоннарға искірер.

Римдегілерге 16:20

Андада амырны пирчеткен Худай тӱрче поларынаң сайтанны, сірернің азааңар алтына тастап, чох ит салар. Хан-пигібіс Иисус Христостың паарсазы сірернең хада ползын.

Римдегілерге 2:16

Ідӧк Худай кізілернің чазыт киректерін Иисус Христостың пастыра чарғылир кӱнде полар. Анзынаңар мин чарлаан Чахсы Хабарда чоохталча.

Илҷілернің 26:18

Син оларға харахтарын ас пирерге кирексің: харасхыдаң чарыхсар, сайтан ӱлгӱзінең Худайзар айланар иде, Мағаа киртініп, чазыхтарынаң позып алар иде, паза Минің таллап алған кізілерімнің аразында орын алар иде».

Илҷілернің 24:25

Павел арығ чӱректіг чуртирдаңар, посты хатығ тудардаңар паза килер чарғыдаңар чоохтап сыхханда, Феликс хорых парған. – Че амды пар. Маң полза, мин сині хығыртыбызарбын, – теен ол.

Иоанн 16:12

Мин сағам кӧп ниме чоохтап пирерҷікпін, че сірер аны амды оңарбассар.