Иоанн 15:10 - Наа Молҷағ

¹⁰ Мин, Пабамның чахығларын толдырып, Аның хынызында полчам, сірер дее ідӧк, чахығларымны толдырзаңар, Минің хынғаннарым поларзар.

Иоанн 15:10 Referans Kwoze

Иоанн 14:15

Мағаа хынчатсаңар, чахығларымны толдырыңар.

1 Иоанның 5:3

Худайның чахығларын толдырчатханыбыс Ағаа хынчатханыбысты таныхтапча. Аның чахығларын толдырарға, тізең, тың аар нимес.

1 Иоанның 2:5

Худайда полчатханыбысты хайди піліп алчабыс? Худайның сӧзін толдырчатхан кізіде Худайға хыныс пӧзиине чит парча. Анзын кӧріп, піліп алчабыс!

2 Петрның 2:21

Арығ чӱректіг кізілернің чолын піліп алған соонда олар постарына пирілген ах-арығ чахығлардаң аар айланыбыссалар, андағда оларға ол чолны пілбеені артых поларҷых.

Иоанн 8:29

Мині ысхан Пабам Миннең хада. Мин сыбыра прай нимені Аның кӧңнінҷе иткенімнеңер, Пабам Мині чалғызан тастабаан.

Иоанн 4:34

Мині ысхан Пабамның кӧңнін толдырып, Аның киреен ит салары Минің чиизім полча, – нандырча Иисус. –

1 Фессалониктегілерге 4:1

Мының соонаң, харындастар, Христос Иисустың адынаң алданчабыс сірердең, хайди поларынаңар паза Худайның кӧңнінҷе ниме идерінеңер пістең кӧзідім алып, пу киректе маңнанысха чит турыңар.

Иоанн 17:4

Мағаа ит саларға чахаан нимелеріңні толдыр салып, Сині чир ӱстӱнде сабландырдым.

Иоанн 14:31

Че Пабама хынчатханымны паза Аның чахаан нимелерін итчеткенімні чир-чалбах пілзін. Турыңар, мыннаң парааңар.

Иоанн 12:49

Мин Позым сағын таап алып чоохтанмаам, Мині ысхан Пабам ниме тирін паза ниме чоохтанарын чахаан.

Азых чоох 22:14

Худайның чахығларын толдырчатхан кізілер часкалығлар. Олар чуртас ағазынаң азыранарға паза саарзар хаалхаларҷа кірерге турыстыра поларлар.

Иоанн 14:21

Минің чахығларымны ал чӧрчеткен паза толдырчатхан кізі Мағаа хынча. Мағаа хынчатхан кізее Пабам даа хынча. Мин дее ағаа хынарбын паза Позымнаңар сизіндірербін. –

1 Коринфтегілерге 7:19

Кистірері дее пір тик ниме, кистірбезі дее андағох. Че иң ӧӧні – Худай чахығларын толдырары.

Еврейлерге 7:26

Иисус піске иң килістіре улуғ абыс полча: ах-арығ, чабалы чох, пырозы чох. Ол чазыхтығлардаң арон турча паза Ағаа тигірдең пӧзік орын пиріл парған.

Иоанн 8:55

Сірер Аны пілбинчезер, Мин, тізең, пілчем. Мин Аны пілбинчем теен ползам, сірерӧк осхас чой поларҷыхпын. Че Мин Аны пілчем паза Аның сӧзін толдырчам.

Иоанн 10:18

Минің тынымны пірдеезі пыласпинча, Мин аны Позым пирчем. Тынымны, пиріп, хатап алҷаң ӱлгӱм пар. Іди идерге Пабам Мағаа чахаан.

Иоанн 14:23

Мағаа хынчатхан кізі Минің сӧзімні толдырар. Пабам ағаа хынар, Пабамнаң Мин, тізең, аныңзар киліп, анда аннаң хада чуртирбыс, – нандырған Иисус. –

1 Иоанның 2:3

Худайны пілчеткенібісті хайди піліп алчабыс? Аның чахығларын толдырып.

1 Иоанның 2:6

Худайда полчам тіпчеткен кізее Иисус Христос чіли чуртирға кирек.