Иоанн 14:30 - Наа Молҷағ

³⁰ Чир-чалбахтың кнезі – сайтан – чағын, аннаңар Мағаа сірернең чоохтазарға ӱр халбады. Аның Миннең устаҷаң ӱлгӱзі чоғыл.

Иоанн 14:30 Referans Kwoze

1 Иоанның 5:19

Худайни полчатханыбысты пілчебіс, тиксі-тилекейнің чабал кӱзі алтында полчатханын даа пілчебіс.

1 Иоанның 4:4

Палаларым! Сірер Худайдаңзар, сірерде полчатхан Худай Худы чир ӱстӱндегі хуттаң улуғ, аннаңар сірер чой ухаанҷыларны утып алғазар.

Азых чоох 12:9

Ол илбек сыр чылан – пурунғы чылан полған, аны диавол алай сайтан тіп адапчалар. Прай чир ӱстӱндегі чоннарны алаахтырчатхан сыр чылан позының ангеллерінең хада чирзер тастатхан.

Иоанн 12:31

Амды прай чирге чарғы тӱсті. Сайтан, чирнің кнезі, мыннаң сӱрдіртер.

Ефестегілерге 6:12

Піс олаңай кізілердең тоғыр чааласпинчабыс, анзын піліңер. Піс тигірдең тӱскен пастыхтардаң, ӱлгӱдегілердең, пу чир ӱстӱндегі харасхы кӱстернің устағҷыларынаң, чабал хуттардаң тоғыр чааласчабыс.

1 Петрның 2:22

Ол пір дее чазых итпеен. Аның ахсынаң чой чоох сыхпаан.

Ефестегілерге 2:2

Хаҷан-да сірер, пу чир ӱстӱндегілернің чабал чолларынҷа парып, чир ӱстӱнде ӱлгӱ тутчатхан кнестің кӧңнінҷе полғазар. Ол ам даа Худайның чооғын испинчеткен кізілерні толғап парча.

2 Коринфтегілерге 4:4

Ол кізілер киртінминчелер. Пу чабал тустың худайы полчатхан сайтан оларның сағыстарын харасхыда тутча. Ол Христостың сабланызынаңар чарлапчатхан Чахсы Хабарның чариин кӧрерге пирбинче. Че Христос Худайның омазы полча нооза.

Еврейлерге 4:15

Читпестерібіске чӱрексібес иң улуғ абыс нимес ол. Пістің прайзыбызох чіли, Ол сынатхан, че чазыхха кірбеен.

Лука 22:53

Мин сірернең хада кӱннің сай храмда полҷаңмын, че сірер Минзер холларың кӧдірбеҷеңзер. Амды – сірернің тузыңар паза харасхының ӱлгӱзі.

Колоссадағыларға 1:13

Ол пісті харасхы ӱлгӱзінең ал халған паза Позының хынған Оолғының хан-ӱлгӱзіне кир салған.

Еврейлерге 7:26

Иисус піске иң килістіре улуғ абыс полча: ах-арығ, чабалы чох, пырозы чох. Ол чазыхтығлардаң арон турча паза Ағаа тигірдең пӧзік орын пиріл парған.

2 Коринфтегілерге 5:21

Чазығы чох Христосты Худай пістің чазыхтарыбыс ӱчӱн хатығлап салған. Аннаңар піс, Христосха киртінчетсебіс, Худайның алнында арығ кӧңніліг полчабыс.

Илҷілернің 1:3

Тоозылған соонда, Иисус оларның алнында ӧӧн позынаң тіріге тура тӱскен. Хырых кӱн аразында кӧп аймах-пасха ізестіг киречілестернең хати-хати киліп, Худай хан-ӱлгӱзінеңер чоохтаан.

Лука 1:35

Ангел ағаа нандырған: – Худай Худы, синзер киліп, Ӧӧркі Чайаачының кӱзінең сині кӧлебізер, аннаңар тӧреен Паланы ах-арығ паза Худай Оолғы тіп адирлар.

1 Петрның 1:19

Че сірернің ӱчӱн Христостың ханынаң тӧлелді. Ол, пір чазых чох арығ хураған чіли,

1 Иоанның 5:18

Худайдаң тӧреен ноо даа кізі чазых итпинчеткенін пілчебіс. Худайдаң тӧреен кізі хайраллалча, сайтан, тізең, ағаа теңминче.