Иоанн 13:5 - Наа Молҷағ

⁵ Аның соонаң чуунҷаң ідіске суғ урып алып, ӱгренҷілерінің азахтарын чууп, хурчанған чызынҷахнаң чысхлаан.

Иоанн 13:5 Referans Kwoze

Лука 7:44

Анаң ипчізер алдыра айланып, Симонға теен: – Син пу ипчіні кӧрчезің ме? Мин синің тураңзар килгем, че син азах чуғҷаң суғ пирбеезің. Пу ипчі, тізең, харах чазын азаама тӧгіп, састарынаң чысхлабысхан.

Азых чоох 7:14

Син позың пілчезің, – тіп нандырғам. – Олар илбек чобағдаң сыхханнар, – теен ол мағаа андада. – Постарының кӧгенектерін Хурағанның ханында чууп, оларны ағартып алғаннар.

Еврейлерге 10:22

Худайға азых чӱректіг, пик киртіністіг килееңер. Чӱреебісті кірліг сағыстардаң арығлап, идібісті арығ суғнаң чууп алып, Ағаа чағдааңар.

Ефестегілерге 5:26

Ол, Чахсы Хабарны чир ӱстӱне читіріп, тигірибні Худайға чарыдар ӱчӱн, аны, суғнаң чуубызып, арығлап салған.

1 Коринфтегілерге 6:11

Сірернің аразында андағлар полғаннар. Че арығланып алғаннар, ах-арығ пол парғаннар, Хан-пигібіс Иисус Христос паза Худайыбыс Худының пастыра ахтанып алғаннар.

Илҷілернің 22:16

Че, нимее сӱмненчезің? Турып, кіреске тӱс паза Иисус Хан-пигібіссер айланып, чазыхтарыңнаң арығлан». –

1 Иоанның 5:6

Иисус Христос суғнаң кіреске тӱскен, ӧлімнең иртіп, тізең, пісті чазыхтарыбыстаң арығлаан. Ол суғдаң на иртпеен, че суғдаң паза ӧлімнең ирткен. Анзынаңар Худайның Худы киречілепче. Хут, тізең, хаҷан даа сын нооза.

1 Иоанның 1:7

Худай чарыхта чӧрчеткен чіли, піс тее чарыхта чӧрчетсебіс, андада прайзыбыс пір палғалыстығ пол парчабыс, Худай Оолғының Иисус Христостың ӧлімі, тізең, полған на чазыхтаң пісті арығлапча.

Иоанн 19:34

Че чааҷыларның пірсі Аның хабырғазын чыданаң сазыбысхан, андартын ханнаң суғ ах сыххан.

Лука 7:38

Ол ипчі, Иисуссар кистінзертін пас киліп, азағына тӱзіп, ылғап, Аның азахтарына харах частарын тӧгіп, састарынаң оларны хуруда чысхлаан. Анаң Аның азахтарын, охсанып, тадылығ чыстығ миро хайахнаң сӱртклеп сыххан.

Иоанн 13:10

Чуунған кізі арығ, ағаа азахтарын на чууп пирерге кирек. Сірер дее арығзар, че прайзыңар нимес, – нандырған Иисус.

Иоанн 13:8

Мин азахтарымны Сағаа хаҷан даа чуғдыртпаспын, – тіпче Ағаа Пётр. – Азахтарыңны чууп пирбезем, син паза Минің ӱгренҷім полбассың, – нандырған Иисус. –

Иоанн 13:6

Симон-Пётрзар пас килгенде, анзы Ағаа тіпче: – Хан-пигім! Син минің азахтарымны чуурға итчезің ме? –