Иоанн 13:18 - Наа Молҷағ

¹⁸ Сірернің прайларыңнаңар чоохтабинчам. Мин Позымның таллап алған кізілерімні пілчем. Че «Миннең хада халас чеен кізі Миннең тоғыр парар» тіп, Худай Пічиинде пазылған сӧстернің тол парары ӱчӱн, піди поларға кирек.

Иоанн 13:18 Referans Kwoze

Матфей 26:23

Холын айахха Миннең хада сунған кізі Мині садыбызар, – нандырған Иисус, –

Иоанн 17:12

Мин оларнаң хада чир ӱстӱнде полғанда, оларны, Мағаа пиргеннеріңні, Синің кӱзіңнең хайраллап халғам. Худай Пічиинде пазыл парғаны толзын тіп, Мині садар кізідең – «ӧлімге салылған оолдаң» – пасхазын, пірдеезін чідірбеем.

Марк 14:20

Иисус ӱгренҷілеріне нандырған: – Ол холын Миннең хада пір айахха сунған он ікі ӱгренҷінің пірсі.

Иоанн 13:26

Кемге халасты, сӱртіп, пирербін, ол полар, – нандырған Иисус. Анаң, халас кизегін сӱртіп, Симон Искариоттың Иуда оолғына пирібіскен.

Иоанн 6:70

Мин сірерні, он ікі ӱгренҷіні, таллап, алғаам нимес пе зе? Че сірернің пірсі сайтанның нымысчызы, – нандырған Иисус.

Иоанн 15:19

Сірер чир-чалбахтағы кізілер полған ползаңар, андада чир-чалбах сірерге хынарҷых. Че сірер чир-чалбахтаң нимессер, Мин сірерні чир-чалбахтаң таллап алғаннаңар, чир-чалбахтағы кізілер сірерні хырт кӧрчелер.

Еврейлерге 4:13

Худайдаң пір дее ниме чазыр полбассың. Прай чайалған ниме Аның хараа алнында паза Ағаа азых. Аның алнында піс иткен киректерібіс ӱчӱн нандырығ тударбыс.

Иоанн 15:16

Сірер Мині таллап албаазар, Мин сірерні таллап алғам. Сірерні, чонзар парып, мӧгі туза итсіннер тіп турғысхам. Прай пу нимелерні идіп, Минің ӱгренҷілерім ползаңар, Пабамнаң ниме дее сурзаңар, Ол сірерге аны пирер.

Матфей 10:36

Іди кізінің ыырҷылары – аның ибдегілері.

Азых чоох 2:23

Мин аның палаларына ӧлім ызарбын. Кізілер чӱректерінің паза сағыстарының сыныхтағҷызы полчатханымны прай тигіриблер піліп аларлар. Сірерге, полғаныңарға ла, иткен киректерің хоостыра тӧлеп пирербін.

Иоанн 21:17

Иисус ӱзінҷі хати сурған: – Ионаның оолғы, Симон! Син Мағаа хынчазың ма? Іди Иисус «Мағаа хынчазың ма» ӱзінҷізін сурғанда, Пётр, хомзын парып, Иисусха нандырған: – Хан-пигім! Сағаа хынчатханымны, Син пілчезің. – Минің хойларымны хадар.

2 Коринфтегілерге 4:5

Піс, тізең, позыбыстаңар нимес, Иисус Христос Хан-пигібіс полчатханнаңар ӱгретчебіс. Иисус піске иткен нименің ӱчӱн, піс сірерге хул полыбысхабыс.

Матфей 26:21

Азыранчатханнарында, Иисус чоохтанған: – Сынны сірерге тіпчем, сірернің пірсі Мині садыбызар.

Марк 14:17

Иир читкенде, Ол он ікі ӱгренҷізінең хада андар килген.

Марк 14:18

Олар, стол кистіне одырып, азыранчатханнарында, Иисус теен: – Сынны чоохтапчам сірерге, сағам Миннең хада азыранчатхан сірернің пірсі Мині садыбызар.

Лука 22:21

Мына пу, тізең, стол кистінде Миннең хада одырып, Мині сатчатханының холы.

Иоанн 13:21

Мыны чоохтап, Иисус, уғаа чӱрексініп, киречілеен: – Сынны сірерге чоохтапчам, сірернің пірсі Мині садыбызар.

Иоанн 13:22

Кемнеңер чоохтапчатханын піл полбин, ӱгренҷілері удур-тӧдір кӧріскеннер.

Иоанн 15:25

Оларның Чахиинда «Мині тиктең не хырт кӧрчелер» тіп пазылған сӧстерінің тол парары ӱчӱн, іди пол парарға кирек.

Иоанн 18:32

Иисустың хайдағ ӧлімнең ӧл парарынаңар чоохтаан сӧстерінің тол парары ӱчӱн, мындағ чоох пол парған.

Иоанн 19:24

Піс, аны чара тали тартпин, тас тастап, ӱлӱс кемге тӱзерін кӧр кӧрееңер. Ӱлӱс кемге тӱзер, ани полар, – чоохтасханнар постары аразында чааҷылар. «Кип-азаамны постарының аразында ӱлескеннер, кӧгенеемні, ӱлезіп, ӱлӱске тас тастааннар» тіп, Худай Пічиинде пазылғаны тол парарға кирек полған. Чааҷылар сах іди иткеннер.

Иоанн 19:36

Худай Пічиинде «Аның сӧӧгі сыы сабылбас» тіп пазылғаны тол парар ӱчӱн, пу ниме полған.

Илҷілернің 1:16

(Ол чыылығда пір чӱс чибіргіҷе кізі полған.) – Харындастар! Худай Худы Иудадаңар, Иисусты хаап алғаннарның устағҷызынаңар, Худай Пічиинде Давидтең пастыра ухаанҷылаан полған. Ол ухаанҷылас тол парарға кирек полған.