Иоанн 12:48 - Наа Молҷағ

⁴⁸ Мині хыйа итчеткен, сӧзімні чағын итпинчеткен кізее чарғыҷы пар. Минің чоохтаан сӧзім аны тӱгенҷі кӱнде чарғылир.

Иоанн 12:48 Referans Kwoze

Лука 10:16

Анаң Иисус хосхан; – Сірерні исчеткеннер, Мині дее исчелер, сірерні хыйа итчеткеннер, Мині дее хыйа итчелер. Мині хыйа итчеткеннер, тізең, Мині ысхан Худайны даа хыйа итчелер.

Римдегілерге 2:16

Ідӧк Худай кізілернің чазыт киректерін Иисус Христостың пастыра чарғылир кӱнде полар. Анзынаңар мин чарлаан Чахсы Хабарда чоохталча.

Иоанн 11:24

Тӱгенҷі кӱнде, Худай ӱрееннерні тірілдірҷең туста, аның тур килерін пілчем, – теен Марфа. –

Еврейлерге 12:25

Кӧріңер зе, сірерзер айланчатхан Худайдаң тӧдір полбаңар. Худайның пу чирдегі чахығларын чоохтапчатхан Моисейні истерге хынмаан кізілер хатығлас чох халбааннар. Піс тее, тигірдең чоохтапчатхан Худайны испезебіс, улам хызааннадарбыс.

Еврейлерге 2:3

Аннаңар андағ илбек арачыланысты хыйа идіп, хатығластаң хайди осчаң поларбыс. Пу арачыланыстаңар пастап Хан-пиг Позы чарлаан полған. Аны искен кізілер, тізең, піске пу ӱгредігнің сын полчатханын кӧзіткеннер.

Иоанн 5:45

Пабамның алнында Мин сірерні пыролим тіп сағынмаңар. Сірернің ізенчеткен Моисейлерің сірерні пыролир.

Матфей 21:42

Иисус оларға чоохтаан: – Сірер Худай Пічиинде ниме пазыл парғанын хаҷан даа хығырбаазар ба? «Пӱдірігҷілернің хыйа тастаан тазы соонаң иң кирек, тура пулиин тутчаң тас пол парған. Аны Хан Худай иткен; піске хайдағ хайхастығ ниме ол».

2 Коринфтегілерге 4:3

Піс чарлапчатхан Хабар піреезіне иснең чабых осхас полза, ол ӧлім чолынҷа парчатханнарға чабых.

Лука 20:17

Иисус, тізең, оларзар кӧріп, теен: – «Пӱдірігҷілернің хыйа тастаан тазы соонаң иң кирек, тура пулиин тутчаң тас пол парған», – тіп пазылғаны нимені таныхтапча?

Лука 17:25

Че пастап Ол, кӧп чобалып, амғы тӧлге сӱрдіртерге кирек.

Лука 9:26

Кем Миннең паза Минің сӧстерімнең уйадар, Кізі Оолғы даа, Позының, Пабазының паза ах-арығ ангеллерінің сабланызында киліп, ол кізідең уйадар.

Лука 9:22

Кізі Оолғына кӧп ирееленерге килізер: ах сағаллар, улуғ абыстар паза Моисей Чахии пілігҷілері Аны, постарынаң хыйа идіп, ӧдір саларлар, че ӱзінҷі кӱнінде Ол тіріл килер, – теен Ол.

Лука 7:30

Че фарисейлернең Моисей Чахии пілігҷілері, Худай кӧңнін постарынаң хыйа идіп, Иоаннаң пастыра кіреске тӱзерінең тоғыр полғаннар.

Марк 16:16

Киртінгеннері, кіреске тӱскеннері арачылалар, киртінмееннері чарғыладар.

Марк 12:10

Нӧӧс сірер Худай Пічиинде «Пӱдірігҷілернің хыйа тастаан тазы соонаң, тура пулиин тутчаң иң кирек тас пол парған» теенін хығырбаазар?

Матфей 25:31

Хаҷан Кізі Оолғы Позының сабланызында паза Аннаң хада прай ах-арығ ангеллері чиде салзалар, андада Ол Позының сабланыстығ ӱлгӱ сіреезіне одырыбызар.

Илҷілернің 3:23

Ол Ухаанҷының чооғын испеен полған на кізі, чоннаң сӱрдіріп, чох иділер».

Марк 8:31

Анаң Ол Кізі Оолғына кӧп чобаларға кирек полчатханнаңар, ах сағаллар, улуғ абыстар паза Моисей Чахии пілігҷілері Аннаң тоғыр поларларынаңар, Аны ӧдірерлерінеңер, че ӱзінҷі кӱнінде Ол тіріл парарынаңар ӱгреде чоохтаан.

Матфей 10:15

Сынны сірерге чоохтапчам, чарғы кӱнінде Содом паза Гоморра саарларға пу саардаң хай-хай ниик полар. –

Иоанн 6:39

Мині ысхан Пабамның кӧңні, тізең, мындағ: Аның Мағаа пирген кізілерін, чідірбин, тӱгенҷі кӱнде прай тірілдір саларға.

Иоанн 8:47

Кем Худайдаң, ол Худайның сӧзін исче. Сірер Худайдаң нимессер, аннаңар чоох испинчезер.

Илҷілернің 17:31

Худай чир ӱстӱндегі чонның орта чарғызын итчең кӱнні Позы таллап алған Кізізі пастыра адап салған. Анзын Ол, Аны ӧлімнең тірілдіріп, прай кізілерге киречілеен.

Еврейлерге 4:12

Худайның сӧзі тіріг паза позының тоғызын ит парча. Ол ікі сари чітіділген хылыстаң даа чітіг. Ол, тирең ӧтіп, кізінің тынын худынаң, сӧӧктерін, тізең, чіліңнерінең чар полар. Ол туйух сағыстарны даа, чӱректің чазыт хынығыстарын даа чарғылапча.

Еврейлерге 10:25

Хай піреелері итчеткен чіли, чыылығларыбысты тастабааңар. Хан-пигібістің килер кӱні чағдапчатханын пілчеткенібісте, кӧңнілерібісті уламох кӧдірізееңер.

1 Петрның 1:5

Киртініп ала, сірер Худайның кӱзінең арачылалчазар. Худай сірерні тӱгенҷі тустарда азылар арачыланысха тимнепче.

2 Петрның 3:3

Иң пурнада мыны пілерге кирек. Тӱгенҷі кӱннерде сірерзер чабал хынығыстарына тартылчатхан кізілер килерлер. Олар, сірерні нимее салбин, сірерні сӧклеп,

2 Петрның 3:7

Хан Худайның чахии хоостыра пӱӱнгі тигірнең чир от-чалыннаң чох иділер ӱчӱн хайраллалча. Ол чарғы кӱнінде, Хан Худайны улуғлабинчатхан кізілерні чох итчең кӱнде, полар.