Иоанн 12:42 - Наа Молҷағ

⁴² Пастыхтарның даа аразында Иисусха киртінчеткен кізі кӧп полған. Че олар, фарисейлердең хорығып, синагогадаң сӱрдірібіспес ӱчӱн, аннаңар кӧні чоохтабаҷаңнар.

Иоанн 12:42 Referans Kwoze

Иоанн 9:22

Иудейлер Иисусты Мессий-Христос тіп адапчатхан кізілерні синагогадаң сығара сӱрерге пос аразында чоохтас салғаннар. Аннаңар паба-іҷезі, иудейлердең хорығып, «Ол мидееліг кізі, аннаң сурыңар» тіп нандырғаннар.

Иоанн 7:13

Че иудей пастыхтарынаң хорығып, пірдеезі Иисустаңар истілдіре чоохтанмаан.

Матфей 10:32

Аннаңар кем чонның алнында Миннең хада полчатханын кӧзітче, Мин дее Тигірдегі Пабамның алнында аннаң хада полчатханымны кӧзідем.

1 Иоанның 4:15

Иисус – Худайның Оолғы тіп, ікінҷілебин чоохтанчатхан кізіде Худай полча, ол даа кізі Худайда полча.

1 Иоанның 4:2

Кізінің Худай Худынаң чоохтанчатханын хайди піліп аларға чарир? Иисус Христостың кізі полып килгенін позына чағын итчеткен кізі Худайдаң полар.

Римдегілерге 10:10

Чӱрекнең киртінгені ахтаныс пирче, аастаң чарлааны арачыланыс пирче.

Илҷілернің 5:41

Илҷілер, тізең, Ӧӧркі Чарғыдаң парыбызып, Иисус Хан-пигнің ады ӱчӱн тӧбін тӱзіртерге турыстығ полғаннарына ӧрінгеннер.

Иоанн 19:38

Аримафей саардаң сыххан Иосиф, иудей пастыхтарынаң хорыхханнаңар, Иисустың чазыт ӱгренҷізі полған. Иисус ӱреен соонда ол Пилаттаң Иисустың сӧӧгін суурып аларға сурынған. Пилат чаратхан. Иосиф, парып, Иисустың сӧӧгін кірестең суурыбысхан.

Иоанн 16:2

Сірерні синагогалардаң сығара сӱрерлер. Сірерні ӧдірчеткен полған на кізі позының киреенең Худайға чахсы итчем тіп сағынар. Андағ тус чағдапча.

Иоанн 11:45

Мариязар килген иудейлернің аразында кӧп кізі, Иисустың ниме иткенін кӧріп, Ағаа киртін сыххан.

Иоанн 9:34

Син, тӧрееннеңӧк сығара чазыхтығ полчадып, пісті ӱгредерге итчезің ме? – нандырғаннар фарисейлер. Анаң аны сығара сӱрібіскеннер.

Иоанн 3:2

Пірсінде ол, Иисуссар хараазын киліп, чоохтанған: – Ӱгретчі! Син итчеткен хайхастарны, Худай ӱлгӱ пирбезе, пір дее кізі ит полбас. Аннаңар піс пілчебіс, Син Худайдаң килген ӱгретчізің. –

Лука 12:8

Тіпчем сірерге, кем чонның алнында Миннең хада полчатханын кӧзітче, Кізі Оолғы даа ол кізінең хада полчатханын Худай ангеллерінің алнында кӧзідер.

Лука 6:22

Часкалығзар сірер, хаҷан кізілер сірерні Кізі Оолғы ӱчӱн пу харахнаң кӧрбинчетселер, сӱрчетселер, сӧклепчетселер, сірернің адыңарны хомайлапчатсалар.

Лука 23:13

Пилат, улуғ абыстарны, пастыхтарны паза чонны чыып алып,

Иоанн 7:31

Турған чонның аразында кӧп кізі, Ағаа киртініп, чоохтанған: – Мессий-Христос килзе, пу Кізідең кӧп хайхастар идер бе ни?