Иоанн 11:49 - Наа Молҷағ

⁴⁹ Оларның пірсі, Кайафа, ол чыл иң улуғ абыс полчатхан кізі, чоохтанған: – Сірер пір дее ниме оңарбинчазар.

Иоанн 11:49 Referans Kwoze

Иоанн 11:51

Мыны Кайафа позының кӧңнінең нимес, че, ол чыл иң улуғ абыс полчатханнаңар чоохтанған. Иисус чонның ӱчӱн не нимес, че Худайның тарас парған палаларын пірге чыып алар ӱчӱн, ӱреп парарынаңар ухаанҷылаан полған.

Матфей 26:3

Ол туста иң улуғ абыстың – Кайафаның туразынзар улуғ абыстар, Моисей Чахии пілігҷілері паза ах сағаллар чыылыс парғаннар.

Илҷілернің 4:6

Анна улуғ абыс, паза Кайафа, Иоанн, Александр паза олардаң даа пасха улуғ абыстар сӧӧгінең сыхханнар даа анда полғаннар.

Лука 3:2

Иерусалимде Аннанаң Кайафа иң улуғ абыстар полған туста, хуу чазыда Худай Позының сӧзін Захарийнің оолғына – Иоаннға ысхан.

1 Коринфтегілерге 2:6

Хыйға сағыстардаңар ӱгредігні піс киртіністе тиміне читкен кізілернің аразында таратчабыс. Че ол хыйға пу тусти нимес, пу тустардағы ӱлгӱлерни нимезӧк.

1 Коринфтегілерге 1:20

Хайда хыйғалары, Моисей Чахии пілігҷілері хайда, пу тустың ӱзӱрігҷілері хайда? Тилекейнің хыйғазын Худай алҷаағысха айландыр салбады ба?