Иоанн 11:45 - Наа Молҷағ

⁴⁵ Мариязар килген иудейлернің аразында кӧп кізі, Иисустың ниме иткенін кӧріп, Ағаа киртін сыххан.

Иоанн 11:45 Referans Kwoze

Иоанн 11:19

Харындазы ӱрееннеңер, Марфанаң Марияны часхарарға иудейлердең илееде кізі килген.

Иоанн 2:23

Иерусалимдегі Па́сха тіп ӱлӱкӱнде, Иисустың итчеткен хайхастарын кӧріп, Ағаа кӧп кізі киртін сыххан.

Иоанн 12:42

Пастыхтарның даа аразында Иисусха киртінчеткен кізі кӧп полған. Че олар, фарисейлердең хорығып, синагогадаң сӱрдірібіспес ӱчӱн, аннаңар кӧні чоохтабаҷаңнар.

Иоанн 11:31

Турада Марияны часхарчатхан иудейлер, аның, тура хонып, сых парыбысханын кӧргеннер. Олар, Мария хуюда ылғирға итче полар тіп сағынып, аның соонҷа парғаннар.

Иоанн 10:41

Иисуссар кӧп кізі килген. – Иоанн позы пір дее хайхастығ ниме итпеен, че Иисустаңар чоохтаан нимелері сын полтыр, – чоохтасханнар олар.

Иоанн 7:31

Турған чонның аразында кӧп кізі, Ағаа киртініп, чоохтанған: – Мессий-Христос килзе, пу Кізідең кӧп хайхастар идер бе ни?