Иоанн 1:14 - Наа Молҷағ

¹⁴ Сӧс, кізі пол парып, паарсасха паза сынға пай полып, піснең хада чуртаан. Піс Аның Пабазынаң алған сабланызын кӧргебіс. Ол сабланысты Пабазының чалғыс Оолғы полып алған.

Иоанн 1:14 Referans Kwoze

1 Иоанның 4:9

Худай піске хынчатханын хайди кӧзіткен? Ол Позының чалғыс Оолғын чир-чалбахтағыларзар ысхан, Анынаң пастыра піске чуртас пирер ӱчӱн ысхан.

1 Тимофейге 3:16

Ікінҷілес чох, пістің киртінізібістің илбек чазыды мындағ: Худай кізі ит-сӧӧгінде килген, Худай Худы Аны пір пырозы чох чарлаан. Ангеллер Аны кӧргеннер, Аннаңар чоннарға чоохталған. Тиксі-тилекейде Ағаа киртінгеннер. Худай сабланыснаң Аны ӧӧрлеткен.

Иоанн 1:1

Иң пастап Сӧс полған. Сӧс Худайнаң хада полған, Сӧс Худай полған.

Галат чиріндегілерге 4:4

Че таныхтаан тузы чит килгенде, Худай Позының чалғыс Оолғын ысхан. Ол ипчідең тӧреен, чахығның холында полған.

Еврейлерге 1:3

Оолғы – Пабазының сабланызының чарии полып, Аның сын Позының омазы полча. Ол Позының кӱстіг сӧзінең тиксі-тилекейні орнында тутча. Ол, пісті чазыхтарыбыстаң ахтабызып, тигірде илбек Худайның оң саринда одыр салған.

Иоанн 6:51

Худайдаң тӱсчеткен тигірдегі тіріг халас Минмін. Пу халасты чіпчеткен кізі мӧгі чуртастығ полар. Минің пирер халазым Минің ит-сӧӧгім полча. Мин аны чир-чалбахтағы кізілернің чуртастары ӱчӱн пирібізербін.

Колоссадағыларға 1:19

Худай Христоста Худайның толдыразы ползын тіп хынған нооза.

1 Коринфтегілерге 15:47

Пастағы кізі чирдең пӱткен, холнаң чайалған, ікінҷі кізі тигірдең тӱскен Хан-пиг.

Римдегілерге 8:3

Моисей Чахии анзын ит полбаан. Ит-ханыбыс аның кӱзін сығарыбысхан. Аннаңар Худай Позының Оолғын, чазыхтығ ит-ханнығ кізее омалап салып, ысхан. Худай Аны чазыхтың ӱчӱн толығ ит салған. Іди Худай ит-ханның оңдайынҷа иткен чазыхты чарғылап салған.

1 Иоанның 4:14

Пабазы Оолғын чир ӱстӱндегі кізілерні арачылирға ысхан. Піс аны кӧргебіс, аннаңар киречілепчебіс.

Колоссадағыларға 2:9

Худайның толдыразы Христоста чуртап, кізі омалығ пол парча.

Азых чоох 21:3

Тигірдең ӧтіг тапсаан ӱнні ис салғам: – Мына Худайның одаа, Худай аны кізілер аразында турғыс салар. Анда Ол кізілернең хада чуртир. Ол кізілернің Худайы полар паза кізілер Аның чоннары поларлар.

Еврейлерге 5:5

Ол оңдайнаң Христос таа иң улуғ абыстың сабланызын паза адын Позы албаан. Че Худай Ағаа теен: «Син Минің Оолғымзың. Пӱӱн Мин Сині тӧріттім».

Еврейлерге 10:5

Аннаңар Иисус, тилекейзер парчатханда, Худайға теен: «Син сыйыхтарны паза тайығларны киректебинчезің. Че син мині кізі ит-ханнығ поларға тимнеп салғазың.

Иоанн 11:40

Тібедім ме сағаа: «Киртінзең, Худайның сабланызын кӧрерзің», – чоохтанған Иисус.

Иоанн 3:16

Худай, прай кізілерге тың хынғаннаңар, Позының чалғыс Оолғын даа ӧлімге ысхан. Іди ызып, Оолғына киртінчеткен полған на кізее ӧлбеске, мӧгі чуртастығ поларға оңдай пирген.

Иоанн 2:11

Іди Иисус, Галилей чиріндегі Кана аалдаң хайхастар идерін пастап, Позының сабланызын кӧзіткен. Аның ӱгренҷілері Ағаа киртін сыхханнар.

Иоанн 14:6

Чол, Сын паза чуртас – Минмін. Мағаа киртінчеткен кізі ле Пабамзар пар полар, Мин чох пірдеезі пар полбас.

Еврейлерге 1:5

Худай ангеллерге пірдеезіне хаҷан даа тібеен: «Син минің Оолғымзың. Пӱӱн Мин Сині тӧріттім». Піди дее тібеен: «Мин ағаа Паба поларбын. Ол, тізең, Минің Оолғым полар».

Иоанн 14:9

Иисус нандырған: – Филипп, Мин сірернең хада нинҷе-нинҷе тус пол салдым, син, тізең, Мині ам даа пілбинчезің ме? Мині кӧрген кізі, Пабамны даа кӧрген полча. Хайди син «Піске Пабаны кӧзіт пир» тіпчезің?!

Лука 9:32

Пётр паза аннаң хада килгеннер тирең уйғуда полғаннар, че усхун парып, сабланызында чарып турған Иисусты паза Аннаң хости турчатхан ікі иренні кӧр салғаннар.

Иоанн 17:22

Олар, Пізӧк чіли, пір кізі осхас ползыннар тіп, Синің Мағаа пирген сабланызыңны оларға пиргем.

Иоанн 3:18

Худайның чалғыс Оолғына киртінчеткен кізі чарғылатыртпинча, че киртінминчеткен кізі, тізең, киртінмеені ӱчӱн, чарғылатырт салған.

Лука 2:11

пӱӱн Давидтің саарында сірерге Арачылағҷы тӧріді – Мессий-Христос Хан-пиг.

Еврейлерге 2:11

Чазыхтаң арығлапчатхан Иисус кізі полча, чазыхтаң арығланчатханнары даа – кізілерӧк. Аннаңар оларны харындастар тіп адирға Ағаа уйадыстығ нимес.

2 Коринфтегілерге 12:9

Че Ол мағаа теен: «Сағаа Минің паарсазым читкіҷе пирілче: кӱс-сағ чох кізіде Минің кӱзім пары артых кӧрінче нооза». Аннаңар, мағаа Христостың кӱзі артых кірзін тіп, кӱс-саам чоғына хынып махтанам.

Матфей 1:16

Иаковтаң Марияның ирі Иосиф тӧреен. Мариядаң, тізең, Иисус тӧреен. Аны Мессий-Христос тіп адаҷаңнар.

Колоссадағыларға 2:3

Анда хыйғаның паза пілістің пар-чох пайы чазырылых.

Ефестегілерге 3:8

Мин ах-арығ кізілерінің аразында иң алтындағызыбын, че чоннарға Христостағы сині чох пайдаңар чоохтаҷаң ӱлӱс мағаа пирілген.

Римдегілерге 9:5

Илбек ӧбекелер оларның пабалары полчалар. Иді-ханы хоостыра Христос таа оларның тӧлі полып тӧреен. Ол хаҷанға даа прай нименің алғыстығ Худайы полча. Аминь.

Лука 2:7

Хонҷаң турада орын чох полғаннаңар, Мария Тун Оолғын, тӧрідіп, сӱбӱректерге ораап алып, малға от салҷаң кӧлбее сал салған.

Илҷілернің 13:33

Худайны саблапчатхан ікінҷі Ырында пазылча: «Син Минің Оолғымзың. Мин пӱӱн Сині тӧріттім». –

Иоанн 8:32

Сынны піліп алзаңар, сын киртініс сірерні пос чуртастығ кізілер ит салар. –

Иоанн 17:24

Пабам! Мағаа пирген кізілерің Минің полчатхан чирімде Миннең хада ползыннар тіп сурынчам. Чир-чайаан чайалғалахтох, Мағаа хынғаныңнаңар, Син Мағаа сабланызыңны пиргезің. Пу сабланысты даа оларға кӧзідерге сурынчам.

Иоанн 18:37

Андағда син ханзың, андағ нимес пе? – сурған Пилат. – Син Мині «Хан» тідің. Мин кізілерні сын ӱгредігнең таныстырарға тӧреем, пу нименің ӱчӱн чир-чалбахсар килгем. Сын ӱгредігні пілчеткен полған на кізі Минің ӱнімні исче, – нандырған Иисус. –

Азых чоох 19:13

Ол ханға ӧл пол парған кип-азахтығ полған паза Аның ады – «Худай Сӧзі».