Илҷілернің 9:42 - Наа Молҷағ

⁴² Ол тылаас прай Иоппи саарҷа тарап парған. Кӧп кізі Хан-пиге киртін сыххан.

Илҷілернің 9:42 Referans Kwoze

Илҷілернің 9:35

Анзын Лидда саарда паза Сарон тіп чазыда чуртапчатханнарның прайзы кӧрген. Олар ідӧк Хан Худайзар айланғаннар.

Иоанн 11:45

Мариязар килген иудейлернің аразында кӧп кізі, Иисустың ниме иткенін кӧріп, Ағаа киртін сыххан.

Илҷілернің 11:21

Оларнаң хада Худай кӱзі полған. Уғаа кӧп кізі, киртініп, Хан Худайзар айланған.

Иоанн 12:44

Иисус тыыда чоохтанған: – Мағаа киртінчеткен кізі Мағаа нимес, че Мині Ысханға киртінче.

Иоанн 11:4

Иисус, аны истіп, чоохтанған: – Пу ағырығ ӧлімге нимес, че Худайны сабландырып, Худай Оолғының сабланарына пол парды.

Илҷілернің 9:36

Иоппи саарда Иисустың ӱгренҷізі Тавифа, анзы киик теені полча, тіп хыс чуртаан. Ол кӧп чахсы ниме иткен паза чох кізілерге паарсазын кӧбӧк читірҷең.

Илҷілернің 9:38

Лидда саар Иоппидең ырах полбаан полған. Аннаңар мындағы ӱгренҷілер, Пётрның анда полчатханын истіп, аны пеер табырах килзін тіп, ікі кізі ызыбысханнар.

Илҷілернің 9:43

Пётр Иоппи саарда тууп истеҷең Симон тіп кізіде илееде кӱн чуртаан.

Илҷілернің 10:5

Син, Иоппи саарзар кізілер ызып, Пётр тіп солалығ Симонны хығыртыбыс.

Илҷілернің 10:8

Анаң, оларға прай нимедеңер чоохтап пиріп, оларны Иоппизер ызыбысхан.

Илҷілернің 11:5

Иоппи саарда пазырчатханымда, хараама ниме кӧрін килген: тӧрт пулиинаң палғалған ис, кибіс чіли, тигірдең минзер алдыра тӱсчеткен.

Илҷілернің 11:13

Ол кізі піске позының туразында ангелні кӧргенін чоохтап пирген. Ол ангел ағаа тіптір: «Кізілерні Иоппи саарзар ызып, Пётр тіп солалығ Симонны хығырт.