Илҷілернің 8:14 - Наа Молҷағ

¹⁴ Иерусалимдегі илҷілер, Самар чиріндегілернің Худай сӧзін чӱректеріне киргеннерін истіп, оларзар Пётрнаң Иоанны ысханнар.

Илҷілернің 8:14 Referans Kwoze

1 Фессалониктегілерге 3:2

Аннаңар Тимофей харындастарыңны, Худай нымысчызын паза Христостың Чахсы Хабарын тарадарында хада хабасчатхан тоғынҷыбысты, ысчабыс: сірерні киртінізіңерде пик итсін паза часхарзын.

1 Фессалониктегілерге 2:13

Аннаңар, сірер пістең искен Худай сӧзін, кізі сӧзін чіли нимес, че Худай сӧзін чіли алынғаннарың ӱчӱн, Худайыбысты сыбыра алғыстапчабыс. Ол сынынаң Худай сӧзі паза сірерге, киртінчеткеннерге, тееліп, сірерні алыстырча.

Галат чиріндегілерге 2:9

Тигірибнің орха-сӧӧгіне саналчатхан Иаков, Кифа паза Иоанн, мағаа пирілген паарсастаңар піл салып, хада полчатханыбысты киречілеп, мағаа паза Варнаваа холларын пиргеннер. Олар пістің пасха чоннарзар, постары, тізең, иудейлерзер парарларынаң чарас салғаннар.

Илҷілернің 8:1

Савл Стефанны ӧдіргеннеріне чӧпсінген. Олох кӱннерде Иерусалимдегі тигіриб чоны хатығ сӱргінге хаптырт сыххан. Илҷілердең пасха прайзы даа Иудейнің паза Самарның аймах-пасха чирлеріне тарап чӧрібіскен.

2 Фессалониктегілерге 2:10

Арачыланыс пирчеткен сын сӧстерге хынмааннаңар паза алынмааннаңар, ӧлімге парчатхан кізілерні алаахтырып алар ӱчӱн, ол аймах чабал оңдайларнаң тузаланар.

Илҷілернің 17:11

Мындағылар фессалониктегілернің хыринда арығ сағыстығ полғаннар: олар, кӱннің сай Худай Пічиин хығырып, андағ ба, андағ нимес пе тіп сыныхтап ала, Чахсы Хабарны хынып алғаннар.

Илҷілернің 15:4

Иерусалимзер чит килгеннерінде, оларны тигіриб чоны, илҷілер паза тигіриб ах сағаллары удурлааннар. Павелнең Варнава Худай постарынаң ниме иткенінеңер паза иудей ниместерге киртініссер ізік ас пиргенінеңер оларға прай искір пиргеннер.

Илҷілернің 11:1

Илҷілер паза Иудей чиріндегі харындастар иудей ниместернің дее Худай сӧзін алғаннарын ис салғаннар.

Илҷілернің 2:41

Аның сӧзін кӧңнілеріне киргеннері кіреске тӱскеннер, іди ол кӱн ӱс муңа чағын кізі хозылған.

Иоанн 12:48

Мині хыйа итчеткен, сӧзімні чағын итпинчеткен кізее чарғыҷы пар. Минің чоохтаан сӧзім аны тӱгенҷі кӱнде чарғылир.

Лука 22:8

Иисус, Пётрнаң Иоанны ызып, теен: – Парып, піске Па́сханың чиизін тимнеп салыңар. –

Матфей 13:23

Чахсы чирге тоолаан тамах, тізең, сӧсті исчеткен паза піл полчатхан кізіні таныхтапча: ол ӱрен пирче, піреезі чӱс хати, пасхалары алтон алай отыс хати кӧп.