Илҷілернің 7:53 - Наа Молҷағ

⁵³ Сірер ангеллер пирген Моисей Чахиин алып алғазар, че аны толдырбаазар.

Илҷілернің 7:53 Referans Kwoze

Еврейлерге 2:2

Пістің ӧбекелерібіске ангеллернің пастыра пирілген ӱгредігнің Сӧзі сын полтыр. Аны сайбааны паза испеені сыбыра орта хатығлатхан.

Галат чиріндегілерге 3:19

Моисей Чахии нимее киректір? Ол сайбағ ниме полчатханын кӧзідер ӱчӱн турғызылған. Моисей Чахии Худай молҷаан ӱрен килер тузына теере турғызыл парған. Ол чахығ ангеллернің пастыра чарастырығҷының холынаң пирілген.

Илҷілернің 7:38

Ана ол Моисей, кемнең Синай тағда ангел чоохтасхан паза хуу чазыда чыылған пістің ӧбекелерібіснең хада полған, Худайның чуртас пирчеткен сӧстерін алған, анаң піске оларны читірген.

Галат чиріндегілерге 6:13

Че сӱннет иттірчеткеннер постары даа Моисей Чахиин толдырбинчалар нооза. Сірернең махтанарға полып, сірерні сӱннет иттіртчелер.

Иоанн 7:19

Сірерге Моисей Чахиин Моисей пирген нимес пе зе? Іди дее полза, сірернің пірдееңер ол чахығны толдырбинча. Ноо нименің ӱчӱн сірер Мині ӧдірерге итчезер? –