16 Иерусалимзер хыриндағы саарлардаң даа кӧп кізі, ағырығларны паза чабал хуттарға хаптырғаннарны ағылып, килҷең. Оларның прайзы имненіп алҷаң.
Чазыхтарыңны удур-тӧдір сығарынызыңар. Чазыл парар ӱчӱн, пірсі пірсінің ӱчӱн пазырыңар. Арығ чӱректіг кізінің пазырғаны улуғ кӱстіг ниме.
Син, тізең, Иисустың, Ах-арығ Нымысчының, адынаң кізілерні имнирге паза танығларнаң хайхастар идерге холыңны алнынзар сун.
Сынны сірерге чоохтапчам, Мағаа киртінчеткен кізі Минің итчеткен киректерімні дее идер, Пабамзар парчатханымнаңар, аннаң даа кӧп идер.
Че кізілер, аннаңар піл салып, Иисустың соонҷа парғаннар. Иисус, тізең, оларны удурлап, Худай хан-ӱлгӱзінеңер чоохтап, кирексееннерін ағырығлардаң имнеп салып одырған.
Пірсінде Иисус ӱгредіг иртірчеткенде, Галилей чирінің паза Иудей чирінің полған на аалынаң паза Иерусалимнең килглеен фарисейлернең Моисей Чахии пілігҷілері мындох одырғлааннар. Хан Худайның имнеҷең кӱзі Аннаң хада полған.
Иир пол парғанда, Иисуссар айналарға хаптыртхан кӧп кізіні ағыл килгеннер. Иисус сӧснең айналарны сӱрген, прай ағырығ кізілерні, тізең, имнебіскен.
Иисустаңар хабар прай Сирий чирінҷе тараан. Андар чадығдағыларны, аймах ағырығларға пастырчатханнарны, талчатханнарны, айна кіргеннерні, алҷаахханнарны, чӱллері пос кізілерні – прайзын ағыл килҷеңнер. Иисус прайзын чазылдырған.
Хайзына-да олох Хуттаң киртініс, пасхазына олох Хут пастыра чазылдырары сыйыхха пирілче,
Андада Ирод, іскеркі хыйғаларға алаахтырт салғанын піл салып, уғаа тың тарын парған. Анаң Вифлеемдегі паза ол ибіре чирлердегі ікі частығ палаларны паза аннаң даа кічіглерні, хыйғалардаң піліп алған тусха килістіре тӧреен час палаларны, прай чох ит саларға чахығ ысхан.
Ирт париған Пётрның кӧлегі дее хай піреезіне теңзін тіп, ағырығ кізілерні чол хазында турғысхан орғаннарға, тӧзектерге чаттырғаннар.
Улуғ абыс, ідӧк аннаң хада саддукейлер пірігізіне кірчеткен кізілернің прайзы илҷілерге атархаан.
Олар, Иисусты истіп, ағырығларынаң имненіп аларға килгеннер. Чабал хуттарға иреелеттірчеткеннер дее имненіп алғаннар.