Илҷілернің 5:13 - Наа Молҷағ

¹³ Чон оларны саблаан, че пір дее пасха кізі оларға хозыларға тідінмеен.

Илҷілернің 5:13 Referans Kwoze

Илҷілернің 2:47

Олар Худайны саблаҷаңнар, кізілер дее оларға хынҷаңнар. Хан Худай, тізең, кӱннің сай арачыланғаннарны тигірибге хос салып одырған.

Илҷілернің 4:21

Ӧӧркі Чарғыдағылар оларны, кізілер кӧзіне хатығлирға тідінмин, хызаннап ла алып, позыдыбысханнар. Прай чон полған ниме ӱчӱн Худайны сабландырған нооза.

Илҷілернің 19:17

Пу тылаас Ефес саарда чуртапчатхан прай даа иудейлер паза гректер аразында тарап парған. Прайзы хорыхханнарына Иисус Хан-пигнің адын сабландырған.

Илҷілернің 5:5

Пу сӧстерні истӧк, Ананий, тыны чох андарыл парған. Пу нимені искен кізілернің прайзы чоо хорых парған.

Иоанн 19:38

Аримафей саардаң сыххан Иосиф, иудей пастыхтарынаң хорыхханнаңар, Иисустың чазыт ӱгренҷізі полған. Иисус ӱреен соонда ол Пилаттаң Иисустың сӧӧгін суурып аларға сурынған. Пилат чаратхан. Иосиф, парып, Иисустың сӧӧгін кірестең суурыбысхан.

Иоанн 12:42

Пастыхтарның даа аразында Иисусха киртінчеткен кізі кӧп полған. Че олар, фарисейлердең хорығып, синагогадаң сӱрдірібіспес ӱчӱн, аннаңар кӧні чоохтабаҷаңнар.

Иоанн 9:22

Иудейлер Иисусты Мессий-Христос тіп адапчатхан кізілерні синагогадаң сығара сӱрерге пос аразында чоохтас салғаннар. Аннаңар паба-іҷезі, иудейлердең хорығып, «Ол мидееліг кізі, аннаң сурыңар» тіп нандырғаннар.

Лука 19:48

Че, прай чон Аның чооғын искеннең истіп ле турғаннаңар, анзын толдырар оңдай пір дее таап полбинчатханнар.

Илҷілернің 5:26

Андада хадағҷылар пастығы, нымысчыларынаң хада парып, кізілерге таснаң чаалаттырарынаң хорығып, илҷілерні, кӱснең нимес, олаңай ла ағыл килгеннер.

2 Коринфтегілерге 10:15

Піс синінең артых махтанмаспыс. Піс кізі тоғызына даа махтанмаспыс. Че сірернің киртінізіңер ӧс парыбысса, пістің тоғыста кирексіністерің дее ӧс парыбызар тіп ізенчебіс.