Илҷілернің 4:27 - Наа Молҷағ

²⁷ Сынап таа, Ирод паза Понтий Пилат, Израиль чонынаң паза иудей ниместернең хада ол саарда чыылызып, Иисустаң, Синің Мессийге таллап алған Ах-арығ Нымысчыңнаң тоғыр полғаннар.

Илҷілернің 4:27 Referans Kwoze

Матфей 27:2

Анаң Иисусты, палғап алып, Римдегі Хағанның адынаң мында пастых полчатхан Понтий Пилатсар апарғаннар.

Илҷілернің 4:30

Син, тізең, Иисустың, Ах-арығ Нымысчының, адынаң кізілерні имнирге паза танығларнаң хайхастар идерге холыңны алнынзар сун.

Лука 9:22

Кізі Оолғына кӧп ирееленерге килізер: ах сағаллар, улуғ абыстар паза Моисей Чахии пілігҷілері Аны, постарынаң хыйа идіп, ӧдір саларлар, че ӱзінҷі кӱнінде Ол тіріл килер, – теен Ол.

Еврейлерге 7:26

Иисус піске иң килістіре улуғ абыс полча: ах-арығ, чабалы чох, пырозы чох. Ол чазыхтығлардаң арон турча паза Ағаа тигірдең пӧзік орын пиріл парған.

Илҷілернің 10:38

Хайди Худай Позының Худын паза кӱзін Назареттегі Иисусха пиргенін, пілчезер. Иисус, тізең, Худай Анынаң хада полғаннаңар, кізілер аразынҷа чӧріп, чахсы нимелер иткен паза сайтанға хаптырғаннарның прайзын имнебіс турған.

Илҷілернің 2:27

Син мині чир тӱбінде халғыспассың нооза, позыңның ах-арығ нымысчыңа чирде чызирға пирбессің.

Иоанн 19:34

Че чааҷыларның пірсі Аның хабырғазын чыданаң сазыбысхан, андартын ханнаң суғ ах сыххан.

Иоанн 18:28

Иртен иртӧк Иисусты Кайафадаң Пилаттың ӧргезінзер апарғаннар. Па́сха тіп ӱлӱкӱннің чиизін чиирге чарадылзын тіп, иудейлернің киртініс кибірлеріне тоғыр полбас ӱчӱн, иудей пастыхтары Пилаттың туразынзар кірбееннер.

Иоанн 1:11

Ол Позының чонынзар килген, че олар Аны постарына чағын кирбееннер.

Лука 22:63

Иисусты хадарчатхан кізілер Аны, сӧклеп ала, сохханнар.

Лука 4:18

«Худай Худы Минде, Ол Мині, чох кізілерге Чахсы Хабарны искірер ӱчӱн, таллап алған. Уйан чӱректіглерні имнебізер ӱчӱн, пиктегдегілернің позып аларларын паза харах чохтығларның кӧр поларларын искірер ӱчӱн, пазындыртчатханнарны осхырар ӱчӱн,

Лука 1:35

Ангел ағаа нандырған: – Худай Худы, синзер киліп, Ӧӧркі Чайаачының кӱзінең сині кӧлебізер, аннаңар тӧреен Паланы ах-арығ паза Худай Оолғы тіп адирлар.

Марк 15:31

Улуғ абыстар паза Моисей Чахии пілігҷілері ідӧк хатхырысханнар, удур-тӧдір чоохтасханнар: – Пасхаларын арачылаан, позын, тізең, арачылап полбинча!

Марк 10:33

Мына піс Иерусалимзер парирбыс. Анда Кізі Оолғын, садып, улуғ абыстарның паза Моисей Чахии пілігҷілерінің холына пирібізерлер. Олар Аны, ӧлімге чарғылап, пасха худайлығларның холына пирібізерлер.

Матфей 23:37

Иерусалим! Иерусалим! Ухаанҷыларны ӧдірчеткен паза позыңзар ысханнарны тастарнаң чаалапчатхан саар! Нинҷе хати Мин, палаларын ханат алтына чыыпчатхан хус чіли, палаларыңны чыып аларға хынғам, че син хынмаазың!

Матфей 21:28

Сірер чи хайди сағынчазар? Пір кізінің ікі оол полтыр. Ол, улуғ оолғынзар парып, теен: «Оолғым! Пӱӱн парып, минің винограднигімде тоғын».

Матфей 14:1

Ол туста Галилей чирінің ханы Ирод Иисустаңар чоохтарны ис салған.

Матфей 14:3

Ирод Филипп харындазының ипчізінең – Иродиаданаң – хада чуртапчатханнаңар, Иоанн Иродха тіҷең: «Сағаа ол ипчіні аларға чарабас полған». Ирод, тізең, Иродиаданың ӱчӱн Иоанны, тудып алып, харибге чаап салған полған.

Матфей 14:6

Иродтың тӧреен кӱнін таныхтапчатханда, Иродиаданың хызы, аалҷыларның алнында плесет салып, Иродтың кӧңніне кір парған.

Лука 23:1

Анаң прайзы, тур киліп, Иисусты Пилатсар апарып,

Иоанн 18:29

Пилат, оларзар сығып, сурған: – Пу кізіні нименің ӱчӱн пыролапчазар? –