Илҷілернің 3:25 - Наа Молҷағ

²⁵ Сірер ухаанҷыларның паза Худай Авраамға, «Синің тӧлің пастыра чир ӱстӱндегі прай тӧллер алғас аларлар» тіп, пирген молҷағны алған пабаларның палаларызар.

Илҷілернің 3:25 Referans Kwoze

Илҷілернің 2:39

Худайның пирген сӧзі сірерни полча, ідӧк палаларыңни паза прай ырахтағыларни полча, прайзыни, кемні Худай Позынзар хығырча.

Галат чиріндегілерге 3:8

Худай киртініс пастыра пасха чоннарны ахтап салар тіп, Худай Пічиинде азынадох чоохталған полған. Авраамға даа Чахсы Хабарның пастыра азынада чарлалған: синнең прай чоннар алғас аларлар.

Азых чоох 7:9

Анаң кӧрзем, ӱлгӱ сіреезінің паза Хурағанның алнында санап тоосча чох кӧп чон турча. Олар полған на чоннаң, полған на тілдең, полған на сӧӧктең, полған на тӧлдең сыххан кізілер полғаннар. Олар ах кӧгенектіг полғаннар, холларында, тізең, пальма ағастың салааларын тудын салтырлар. Олар тыыда хысхырысханнар: –

Галат чиріндегілерге 3:16

Авраамға, тізең, паза аның ӱреніне молҷағлар пирілген полған. «Ӱреніңе» теені кӧп кізідеңер нимес, че пір кізідеңер чоохтапча. «Синің ӱренің» теені Христосты таныхтапча.

Римдегілерге 4:13

Авраам паза аның тӧлі тиксі-тилекейні холға кирерлерінеңер молҷағ алғаннар. Ол молҷағ Чахығны толдырчатханнаңар нимес, че ахтапчатхан киртіністің хоостыра пирілген.

Галат чиріндегілерге 3:29

Христости полчатсаңар, тізең, сірер Авраамның ӱрені полчазар. Іди Худай молҷаа хоостыра ӱлеен ӱлӱсті ээленчезер.

Азых чоох 14:6

Анаң мин, прай чир ӱстӱндегі кізілерге, полған на сӧӧкке, полған на тӧлге, полған на тілге, полған на чонға, хаҷан даа сын Чахсы Хабарны искірерге тіп, тигірҷе пӧзік учухчатхан пасхох ангелні кӧр салғам.

Азых чоох 5:9

Олар, Аны махтап, наа сарын сарнап сыхханнар: – Син тайыға салылғазың, Син пісті Позыңның ханыңнаң полған на сӧӧктең, аймах тіллердең, аймах чоннардаң, аймах тӧллердең сыххан кізілерні Худайға, садып алып, пиргезің Аннаңар Син, пу пічікті алып, аның таңмаларын суурыбызарға турыстығзың!

Римдегілерге 15:8

Мин мына ниме чоохтапчам. Иисус Христос сӱннет итірткеннерге нымысчы полыбысхан. Ол анзын Худайның сынын кӧзідерге тіп паза ӧбекелерге пирген молҷағның толары ӱчӱн иткен.

Илҷілернің 13:26

Харындастар, Авраамның тӧлі паза Худайны улуғлапчатханнар! Сірерге ызылды пу арачыланыс сӧзі.

Лука 1:72

Ол ӧбекелерібісті ӧлҷейлирге паза Позының ызых молҷаан ундубасха сӧс пирген.