Илҷілернің 3:16 - Наа Молҷағ

¹⁶ Иисустың адына киртініс ӱчӱн, Аның ады пу сірер кӧрчеткен паза таныпчатхан кізінің саан кирді. Аннаң килчеткен киртініс, тізең, ағаа прайзыңарның кӧзіне хазыхтаныс пирді.

Илҷілернің 3:16 Referans Kwoze

Илҷілернің 14:9

Ол Павелнің чооғын истіп одырған. Павел, тізең, андар кӧрібізіп, анда позының имненіп аларына киртінізі парын сизін салған. –

Илҷілернің 4:10

піліңер, прай Израиль чоны даа пілзін: Назареттең сыххан Иисус Христостың адынаң имнедібіс. Сірерге кіреске хазадып ӧдірткен, анаң Худайға ӧлімнең тірілдірткен Иисус аны, хазых идіп, азахха турғысты.

Илҷілернің 3:6

Че Пётр теен: – Минде кӱмӱс тее, алтын даа чоғыл, че позымда пар нимені пирчем: Назареттегі Иисус Христостың адынаң, турып, пас чӧр!

Илҷілернің 16:18

Іди ол хыс кӧп кӱн ит турған. Павел, тарын парып, айнаа айланып, теен: – Иисус Христостың адынаң тіпчем сағаа, сых аннаң! Олох туста чабал хут хыстаң сых чӧрібіскен.

Матфей 9:22

Иисус, айланып, аны кӧр салып, теен: – Хорыхпа хызым! Синің киртінізің сині арачылады. Ипчі ол тустаң сығара хазыхтан парған.

1 Коринфтегілерге 13:2

Ухааннирым пар полза паза прай чазыттарны пілчетсем, ноо даа піліс алчатхан ползам, тағларны орнынаң тибіредерге кӱс пирчеткен прай киртініс минде полза, че хынызым чох полза, тик-хуруғ кізібін.

Иоанн 14:12

Сынны сірерге чоохтапчам, Мағаа киртінчеткен кізі Минің итчеткен киректерімні дее идер, Пабамзар парчатханымнаңар, аннаң даа кӧп идер.

Илҷілернің 4:7

Пётрнаң Иоанны постарының алнында турғызып алып, сурғаннар: – Хайдағ кӱснең алай кемнің адынаң сірер анзын иттіңер?

Илҷілернің 3:8

Ол, тура хонып, пас чӧр сыххан, анаң, сегіріп ала паза Худайны махтап ала, оларнаң хада храмзар кір килген.

Илҷілернің 4:30

Син, тізең, Иисустың, Ах-арығ Нымысчының, адынаң кізілерні имнирге паза танығларнаң хайхастар идерге холыңны алнынзар сун.

Иоанн 7:23

Моисей Чахии сайбалбазын тіп, сірер субботада даа пу кибірні толдырадырзар, ноға мағаа, субботада кізіні имнебіскенім ӱчӱн, тарынчазар?

Римдегілерге 3:22

Худай киртінчеткен кізілерге прайзына, талластырбин, Иисус Христосха киртіністің пастыра ахтас пирче.

Матфей 14:29

Кил! – теен Иисус. Пётр, кимедең сығып, суғҷа Иисуссар пар сыххан.