Илҷілернің 3:12 - Наа Молҷағ

¹² Мыны кӧріп, Пётр чонға піди чоохтанған: – Израиль кізілері! Ноға мынзына таңнапчазар? Постарындағы кӱснең алай улуғ киртіністерінең аны чӧрер иде имнеп алдылар тіп піссер кӧрчезер бе?

Илҷілернің 3:12 Referans Kwoze

2 Коринфтегілерге 3:5

Піс позыбыстың кӱзібіснең пірее ниме ит поларыбыстаңар чоохтабинчабыс. Пістің прай кӱзібіс Худайдаң полча.

Римдегілерге 9:4

Израиль чоны полчалар. Оларны Худай Позына пала идінер ӱчӱн таллап алған, оларға Позының сабланызын асхан. Худай оларнаң молҷас салған, оларға Чахығ пирген, оларға Худайға пазырарын пирген паза оларға сӧс пирген.

Илҷілернің 2:22

Израильдегілер, пу сӧстерні истіп алыңар: Назареттең сыххан Иисус Худайның кізізі полғанын Худай позы сірернің араңарда Аннаң пастыра иділген кӱстернең, хайхастарнаң паза танығларнаң киречілеен. Сірер анзын постарың даа пілчезер.

Римдегілерге 11:1

Ол оңдайнаң мин сурчам: нӧӧс Худай Позының чонын хыйа идібіскен? Чох, андағ нимес. Мин дее Израиль чонынаңмын, Авраамның тӧлінеңмін, Вениаминнің уйазынаңмын.

Илҷілернің 13:26

Харындастар, Авраамның тӧлі паза Худайны улуғлапчатханнар! Сірерге ызылды пу арачыланыс сӧзі.

Иоанн 7:18

Позының сағызын чоохтапчатхан кізі позын кӧдірерге хынча. Позын ысхан устағҷыны кӧдірерге хынчатхан кізі, тізең, сынны чоохтапча, аның чӱреенде пір дее чой ниме чоғыл.

Илҷілернің 3:11

Чазылып алған пас чӧр полбаҷаң кізі Пётрдаң паза Иоаннаң хыйа парбинчатханда, прай чон, хайхазып ала, оларзарох, Соломонның колоннадазы тіп адалчатхан орынзар алдыра, чӱгӱріс килген.

Илҷілернің 3:13

Авраамнаң Исаактың паза Иаковтың Худайы, пістің пабаларыбыстың Худайы Позының Нымысчызын – сірер садыбысхан паза позыдарға итчеткен Пилаттың кӧзіне постарыңнаң хыйа идібіскен Иисусты – саблаан.

Азых чоох 7:13

Кемнер пу ах кӧгенектіг кізілер? Хайдаң олар килгеннер? – тіп сурған ах сағалларның пірсі миннең. –